default_image

4 weeks ago

April 22, 2024

बुटवलमा हाफ म्याराथन र रोड रेस हुने

202 views

0 Bookmark

सुमन अधिकारी,बुटवल

बुटवलमा जेठको पहिलो साता खुल्ला पुरुष हाफ म्याराथन तथा विद्यालय तथा कलेजस्तरिय रोड रेस प्रतियोगिता आयोजना हुने भएको छ ।

मदन भण्डारी स्पोर्ट्स एकेडेमीको आयोजनामा मदन भण्डारीको ३१ औं स्मृति दिवसका अवसरमा जेठ ३ गते हुन लागेको सोमबार बुटवलमा पत्रकार सम्मेलनमा मार्फत जानकारी गराइएको छ।

एकेडेमीले गत बर्ष गौतमबुद्धको जन्मस्थल लुम्बिनीमा खेलकुद दिवसको अवसर पारेर यहि प्रतियोगिता आयोजना गरेको थियो ।

प्रतियोगितामा हाफ म्याराथन २१ किलोमिटर (खुल्ला पुरुष), रोड रेस(दौड) १० किलोमिटर कलेज स्तरीय पुरुष, ५ किलोमिटर दौड (विद्यालयस्तरिय छात्र) तथा ३ किलोमिटर दौड (विद्यालयस्तरिय छात्रा) र १ सय मिटर दौड (१० बर्ष मुनि छात्रछात्रा) हुनेले एकेडेमीले जनाएको छ । जेष्ठ नागरिक(६० वर्षमाथि) हरुलाई वाकाथन समेत आयोजना गरिने बताइएको छ ।

प्रतियोगिताको खुला पुरुष हाफ म्याराथनको उपाधि विजेताले १ लाख, दोस्रोले ले ७५ हजार, तेस्रोलर ५० हजार, चौथौले ३० हजार, पाचौंले २० हजार, छैटौंले १० हजार रुपैयाँ प्राप्त गर्नेछन् ।

यसैगरि कलेजस्तरीय १० किलोमिटर छात्र दौडमा प्रथम, द्धितिय, तृतिय गरि क्रमश छैटौसम्म विजेताले ३५, दोस्रोले २५, तेस्रोले १५, चौथोले १०, पाँचौंले ७ र छैटौंले ५ हजार रुपैयाँ पाउनेछन् ।

विद्यालय छात्रमा विजेताले २० हजार, दोस्रोले १५ हजार, तेस्रो १२ , चौथोले १० , पाँचौंले ७ र ५ हजार रुपैयाँ पाउनेछन् ।

छात्रा ३ किलोमिटर दौडको भने प्रथमदेखि छैटौंसम्म क्रमशः १५ हजार, १० हजार, ७ हजार, ५ हजार, ३ हजार र २ हजार रुपैयाँ पाउनेछन् । प्रतियोगितामा करिब ४० लाख रुपैयाँ खर्च हुने आयोजकको अनुमान छ ।

एकेडेमीका केन्द्रिय अध्यक्ष ध्रुव आचार्यले बालकदेखि वृद्धसम्म जोड्ने गरि खेलकुद गतिविधिलाई एकेडेमीले गर्दै आएको बताउदै राष्ट्र निमार्ण र लोकतान्त्रिक आन्दोलनमा योगदान गरेका नेताहरुको सम्मानमा खेलकुद प्रतियोगिता आयोजना गर्ने बताए ।

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

May 16, 2024

राजनलाई हाफ म्याराथनको उपाधि

सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको‌ उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]

Success

Thank you for your time.