default_image

5 days ago

May 16, 2024

राजनलाई हाफ म्याराथनको उपाधि

522 views

0 Bookmark

सुमन अधिकारी,बुटवल

त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको‌ उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् ।

नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको उपाधिसंगै रोक्काले १ लाख रुपैयाँ प्राप्त गरेका छन् ।

आर्मीकै नरेन्द्र रावत दोश्रो भएका छन् । नरेन्द्रले १ घण्टा १० मिनेट १४ सेकेन्डमा दूरी पार गर्दै दोस्रो भएका हुन् । नरेन्द्रले ७५ हजार रुपैयाँ पुरस्कार प्राप्त गरेका छन् ।
आर्मीकै रामजी बस्नेतले १ घण्टा १० मिनेट ३३ सेकेन्डमा दुरी पार गर्दै तेश्रो भएका छन् । रामजीले ५० हजार रुपैयाँ प्राप्त गरेका छन् ।

हाफ म्याराथनमा जुम्लाका दुर्गा बुढा चौथो, आर्मीकै श्रीष लाल पाँचौ तथा एपिएफका किरण सिंह बोगटीले छैटौं स्थान प्राप्त गरेका छन् । दुर्गाले ३० हजार, श्रीषलालले २० हजार र किरणले १० हजार रुपैयाँ पुरस्कार प्राप्त गरेका छन् ।

१० किमि महिला खुल्ला दौडको उपाधि एपिएफकी पुष्पा भण्डारीले जितेकी छन् । एपिएफकै आशा रावत दोस्रो तथा सृजना पाण्डे तेस्रो भएकी छन् ।

पुरुष १० किमीमा अजित कुमार यादव विजयी भएका छन् । नागेश्वर अहिर दोस्रो तथा करण रावत तेस्रो भएका छन् । अजित ३५ हजार, नागेश्वरले‌ २५ हजार तथा करण १५ हजार रुपैयाँ प्राप्त गरेका छन् ।

विजयी खेलाडीलाई नेकपा एमालेका केन्द्रीय सचिव तथा प्रतिनिधिसभा सदस्य छविलाल विश्वकर्माले पुरस्कृत प्रदान गरे ।

एकेडेमीले पहिलो राष्ट्रिय हाफ म्याराथन गत वर्ष गौतम बुद्ध जन्मस्थल लुम्बिनीमा आयोजना गरेको थियो । पहिलो हाफ म्याराथनको उपाधि आर्मीका दिपक अधिकारीले १ घन्टा ६ मिनेट २ सेकेन्डमा पूरा गर्दै जितेका थिए ।

May 18, 2024

कान्तिपुर हाफ म्याराथन – राजपुराको ह्याट्रिक, दीपकलाई उपाधि

काठमाडौं (हाम्रो खेलकुद) – नेपाल पुलिस क्लबकी राजपुरा पछाईं र त्रिभुवन आर्मी क्लबका दीपक अधिकारीले १२ औं कान्तिपुर हाफ म्याराथनको उपाधि जितेका छन् । राजपुराले लगातार तेस्रो पटक उपाधि जितेर ह्याट्रिक गर्दा दीपक पहिलो पटक विजेता बनेका हुन् । महिलातर्फ राजपुराले १ घण्टा २२ मिनेट २५ सेकेन्डको टाइमिङ निकाल्दै उपाधि जितिन् । गत वर्ष उनी […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

May 15, 2024

हाफ म्याराथन र रोड रेसको तयारी पूरा

सुमन अधिकारी,बुटवल मदन भण्डारीको ३१ औं स्मृति दिवसको अवसरमा हुने (जेठ ३ गते ) दोस्रो राष्ट्रिय खुल्ला हाफ म्याराथन तथा रोड रेस प्रतियोगिताको तयारी पूरा भएको छ । आयोजक मदन भण्डारी स्पोर्टस एकेडेमीले मंगलबार बुटवलमा पत्रकार सम्मेलन गर्दै प्रतियोगिताको तयारी पूरा भएको जनाएको हो । प्रतियोगितामा खुल्ला हाफ म्याराथनसहित ५ वटा इभेन्ट समावेश गरिएको छ […]

Success

Thank you for your time.