१२ अशोज | काठमाडौं
ब्रिटिस कलेज र इस्लिङटन कलेज ‘हिरो’ दोश्रो एलए छात्र बास्केटबल कपमा मंगलबार फाइनलमा प्रवेश गरेका छन् ।
एल बास्केटबलमा इस्लिङटन (सेतो) र साइटबीचको खेल | तस्बिर राखेप
ब्रिटिसले एसलाई ५१–४८ ले पराजित ग¥यो । पहिलो र दोश्रो क्वाटरमा ७–१२ र १०–१७ ले पछि पर्नका बावजुद ब्रिटिसले फाइनल यात्रा तय ग¥यो । तेश्रो क्वाटरको खेलमा फर्केको ब्रिटिसले १८–५ अंक जोड्दै दोश्रो क्वाटरको समाप्तिसम्म १२ अंकले पछि परेको स्थितिलाई उल्ट्याउदै समाग्रमा १ अंकको अग्रता हासिल ग¥यो । अन्तिम तथा चौथो क्वाटरमा १६–१४ को अग्रता बनाउदै ब्रिटिस समग्रमा ३ अंकले विजयी भयो ।
अर्को सेमिफाइनलमा इस्लिङटनले साइटलाई ५५–४३ ले हरायो । इस्लिङटनले चौथो क्वाटरमा २५–४ को उत्कृष्ट प्रदर्शन गर्दै जितको आधार खडा गरेको थियो । इस्लिङटन पहिलोमा ११–१६ र दोश्रोमा ६–११ ले पछि परेको थियो भने तेश्रोमा १३–१२ को झीनोअन्तरले अगाडि थियो ।
काष्ठमण्डप र कसमस सेमिफाइनलम
काष्ठमण्डप र कसमस नवौं एलए कप छात्र फुटबलमा मंगलबार सेमिफाइनलमा प्रवेश गरेका छन् । एनइसी ‘ए’ र रिलायन्स पनि सेमिफाइनलमा स्थान सुरक्षित गर्न सफल रहे ।
काष्ठमण्डपले एनइसी ‘बी’ लाई ३–१ गोलले पराजित ग¥यो । विजयी टिमका लागि समिरजंग कार्कीले २ तथा सचिन खड्काले १ गोल गरे । एनइसीका सुमित पोखरेलले सान्त्वना गोल गरे । कसमसले एनसीएमलाई एकपक्षीय ५–० गोलले हरायो । कसमसका सुन्दर सुनुवारले २ गोल गरे भने थप १–१ गोल पभाष थापा, युवराज रसाइली र प्रनिश डंगोलको नाममा रह्यो ।
एनइसी ‘ए’ ले लिटिल एन्जल्स ‘ए’ लाई ४–० को फराकिलो गोलअन्तरले पाखा लगायो । विजेताका किशन अधिकारीले २ तथा निकेश खड्का र निरज गैरेले १–१ गोल गरे । रिलायन्सले ग्रिनविचको चुनौती २–० ले पन्छायो । रिलायन्सका निङमा शेर्पा र मुस्कान लामाले १–१ गोल गरे । सेमिफाइनलमा एनइसी ‘ए’ को भेट रिलायन्ससंग हुनेछ भने काष्ठमण्डपले कसमस विरुद्ध खेल्नेछ ।
