एजेन्सी – पाकिस्तानले एसीसी एसिया कप टि ट्वान्टी प्रतियोगिता छैटौं खेलमा भारतविरुद्ध टस जितेर पहिला ब्याटिङ गर्ने निर्णय लिएको छ । युनाइटेड अरब इमिरेट्स (युएई) को दुबई इन्टरनेशनल रंगशालामा भएको टस जित्दै पाकिस्तानका कप्तान सलमान अली अघाले पहिला ब्याटिङ गर्ने निर्णय लिएका हुन् ।

उनले पहिला स्कोर बोर्डमा राम्रो रन बनाउँदै भारतलाई दबाबमा राख्न खोजेको टसको समयमा बताए । पाकिस्तान र। भारतले आफ्नो प्लेइङ ११ मा कुनै परिवर्तन गरेका छैनन् । दुबै टोली लगातार दोस्रो जितका साथ सुपर-४ को यात्रा सहज बनाउन चाहन्छन् ।

पहिलो खेलमा भारतले घरेलु टोली युएईलाई ९ विकेट र पाकिस्तानले ओमानलाई ९३ रनले हराउँदै विजयी सुरुवात गरेका थिए । समूह ए मा समान २ अंक भएपनि नेटरनरेटको कारण भारत शीर्ष र पाकिस्तान दोस्रो स्थानमा छन् ।

भारतको प्लेइङ ११ ः

सुर्यकुमार यादव (कप्तान), शुभमन गिल (उपकप्तान), अभिषेक शर्मा, जस्प्रित बुमराह, शिबम दुबे, कुलदीप यादव, हार्दिक पान्ड्या, अक्षर पटेल, सन्जु स्यामसन (विकेटकिपर), तिलक बर्मा र बरुण चक्रवर्ती ।

पाकिस्तानको प्लेइङ ११ ः

अलमान अली अघा (कप्तान), सैम अयुब, सहिबजादा फहरान, फखर जमान, हसन नवाज, मोहम्मद नवाज, मोहम्मद हरिस (विकेटकिपर), अब्रार अहमद, फहिम अशरफ, शाहिन शाह अफ्रिदी र सुफ्यान मुकीम ।