काठमाडौं (हाम्रो खेलकुद)– नेपाली मुक्केवाजद्धय पुरन राई र दिपक श्रेष्ठ एएसबीसी एलाईट बक्सिङ च्याम्पियनसिपमा पराजित भएका छन् । आइतबार भएको प्रतिस्पर्धामा पुरन र दिपक पराजित भएका हुन् ।
उज्बेकिस्तानको तास्केन्ट शहरमा भएको पुरुष ५६ केजी तौल समूहमा पुरन तीन राउन्ड भिडेपनि ताजकिस्तानका खेलाडि भोहिडोभ एशोरसँग अंकका आधारमा पराजित भए । दिपक पनि ६४ केजी तौल समूहमा इरानका खेलाडी अरमास इस्माइलसग अंककै आधारमा पराजित भए । दिपकले पनि तीन राउण्ड सम्म खेलेका थिए ।
एशियाका २८ राष्ट्रले सहभागिता जनाएको प्रतियोगिता वल्र्ड च्याम्पिसनशिपको छनोट चरणको खेल समेत भएकाले नेपाली मुक्केवाजले सो अवसर गुमाएको नेपाल बक्सिङ संघका सदस्य श्याम अवालेले जानकारी गराए ।
