default_image

3 years ago

December 3, 2021

बागमतीलाई हराउँदै सुदूरपश्चिम फाइनलमा

161 views

0 Bookmark

काठमाडौं (हाम्रो खेलकुद) – सुदूरपश्चिम प्रदेशले बागमती प्रदेशलाई ८ विकेटले हराउँदै यू–१९ राष्ट्रिय क्रिकेट प्रतियोगिता फाइनलमा पुगेको छ । सुदूरपश्चिमले बागमतीमाथि सहज जितका साथ दोस्रो स्थानमा रहँदै फाइनलमा लुम्बिनी प्रदेशसँगको भेट पक्का गर्यो ।


९६ रनको सामान्य लक्ष्य सुदूरपश्चिमले २३.१ ओभरमा २ विकेट गुमाउँदै पूरा गर्यो । सुदूरको जितमा नरेश भट्ट ५८ बलमा ६ चौकासहित ३७ रनमा अविजित रहे । राहुल भण्डारी ३९ बलमा ५ चौका सहित ३१ रनमा अविजित रहे । ओपनर खडक बहादुर बोहरालाई तीव्र गतिका बलर गौतम केसीले ५ रनमा एलबीडब्लू आउट गरेका थिए । प्रतिश जिसीले वसन्त कार्कीलाई ११ रनमा क्याच गराए ।


त्यसअघि टियु क्रिकेट मैदानमा टस हारेर ब्याटिङ थालेको बागमती ३०.१ ओभरमा ९५ रनमा अल आउट भयो । सुदूरपश्चिमका तीव्र गतिका बलर हेमन्त धार्मी र स्पिनर शेर मल्लले बागमतीको ब्याटिङ धरासय बनाएका थिए । बागमतीका विवेक रानामगर ७५ बलमा ४ चौकासहित सर्वाधिक ३२ रन बनाए । कृश कार्कीले ३० बलमा २ चौका र १ छक्कासहित १७ रनमा क्याच आउट भए । अन्य कुनैपनि ब्याटरले दोहोरो अंकमा रन बनाउन सकेनन् । सुर्यांशु कोइराला ८, उत्तम थापा ६ र विपिन शाही शून्यमा आउट भए । प्रशान्त महत १, स्वपनिल अधिकारी शून्य, प्रतिश जि.सी ६, गौतम केसी ७ र विपुल खनाल ३ रनमा आउट भए ।


सुदूरपश्चिमका हेमन्त धामीले १० ओभरमा ४ मेडनसहित १९ रन खर्चेर ५ विकेट लिए । शेर मल्लले ५.१ ओभरमा ३१ रन खर्चेर ४ विकेट लिए ।

लिगमा शीर्ष र दोस्रो स्थानमा रहेका लुम्बिनी र सुदबीचको फाइनल आइतबार हुनेछ । लुम्बिनी ६ खेलमा ५ मा जित र १ मा हार सहित १० अंकका साथ शीर्ष र सुदूरपश्चिम समान खेलमा ४ मा जित र २ मा हार सहित ८ अंक जोड्दै दोस्रो स्थानमा रहँदै फाइनलमा स्थान पक्का गरे ।

गण्डकी ६ खेलमा ३ मा जित र ३ मा हार सहित तेस्रो स्थानमा रहेर बाहिरियो । प्रदेश एक ६ खेलमा ३ मा जित र ३ मा हार सहित ६ अंकका साथ चौथो स्थानमा रह्यो । बागमती ६ खेलमा २ मा जित र ४ मा हारसहित ४ अंकका साथ पाँचौं स्थानमा रह्यो। कर्णाली ६ खेलमा ४ मा हार र २ मा जित छैटौं र प्रदेश २ ले ६ खेलमा ४ मा हार र २ मा जित सहित ४ अंकका साथ पुछारमा रह्यो ।

February 13, 2025

लिग टु – ओमानसँग अमेरिका पराजित

एजेन्सी – विश्व कप लिग टु अन्तर्गत अमेरिका ओमानसँग पराजित भएको छ । अमेरिका बुधवार ओमानसँग ७ विकेटले पराजित भयो । १ सय ५२ रनको लक्ष्य ओमानले ४५.५ ओभरमा ३ विकेट गुमाएर पूरा गर्यो । ओमानको जितमा कप्तान जतिन्दर सिंहले नट आउट रहँदै सर्वाधिक ८२ रन जोडे । उनले १ सय २७ बलको सामना गर्दै […]

February 13, 2025

कीर्तिमानी जितसँगै पाकिस्तान फाइनलमा

एजेन्सी – कप्तान मोहम्मद रिजवान र उप-कप्तान सलमान अघाको शतकको सहयोगमा पाकिस्तानले त्रिकोणात्मक सिरिजमा दक्षिण अफ्रिकामाथि कीर्तिमानी ६ विकेटको जित हात पार्दै फाइनलमा पुगेको छ । जित्नलाई ३ सय ५३ रनको लक्ष्य पछ्याएको पाकिस्तानले ४९ ओभरमा ४ विकेट गुमाउँदै पूरा गर्यो । यो पाकिस्तानले ओडीआईमा पूरा गरेको हालसम्मकै सर्वाधिक ठूलो लक्ष्य हो । पाकिस्तानले यसअघि […]

February 12, 2025

गिलको शतकसँगै सिरिजमा भारतको ‘क्लिन स्विप’

एजेन्सी – ओपनर शुभमन गिलको शतक सहयोगमा भारतले इङ्ग्ल्याण्डसँगको ओडिआई सिरिज क्लिन स्विप गरेको छ । तेस्रो ओडिआई खेलमा बुधवार १ सय ४२ रनको फराकिलो जितका साथ भारतले सिरिज क्लिन स्विप गरेको हो । ३ खेलको ओडिआई सिरिज भारतले ३-० ले जितेको हो । ३ सय ५७ रनको विशाल लक्ष्य पछ्याएको इङ्ग्ल्याण्ड ३४.२ ओभरमा २ […]

Success

Thank you for your time.