एजेन्सी – भारतीय क्रिकेट टोली तथा चेन्नई सुपर किंग्सका युवा ओपनर ऋतुराज गायकवाडले भारतको चर्चित घरेलु प्रतियोगिता विजय हजारे ट्रफीमा लगातार तीन उत्कृष्ट शतक प्रहार गरेका छन् ।

लिष्ट ए मान्यता प्राप्त भारतको सर्वाधिक ठूलो एकदिवसिय घरेलु प्रतियोगिता विजय हजारेमा महाराष्ट्रको कप्तानी गर्दै ऋतुराजले लगातार तीन शतक प्रहार गरेका हुन् । ऋतुराजले शनिबार केरलाविरुद्ध १ सय २९ बलमा ९ चौका र ३ छक्कासहित १ सय २४ रनको शतकीय इनिङ खेले । ऋतुराजले यसअघि विहीबार छत्तीसगढविरुद्ध १ सय ४३ बलमा १४ चौका र ५ छक्कासहित १ सय ५४ रनको अविजित इनिङ खेलेका थिए । पहिलो खेलमा मध्यप्रदेशविरुद्ध ऋतुराजले १ सय १२ बलमा १४ चौका र ४ छक्कासहित १ सय ३६ रन बनाएका थिए ।

चेन्नईलाई २०२१ को आइपिएल उपाधि जिताउन ऋतुराजले सर्वोत्कृष्ट प्रदर्शन गरेका थिए । आइपिएल २०२१ मा ऋतुराजले १६ खेलमा १ शतक र ४ अर्धशतक सहित ३ सय ३५ रनका साथ शीर्षस्थानमा थिए । चेन्नईले ऋतुराजलाई ६ करोड भारुमा टोलीमै राखेको छ । ऋतुराजले भारतका लागि दुई टि२० आई खेलेका छन् । गत जुलाईमा श्रीलंकाविरुद्ध भारतीय टोलीबाट डेब्यू गरेका थिए । २४ वर्षिय ऋतुराजलाई भारतीय क्रिकेटको भविष्यको रुपमा हेरिदै आएको छ ।