एजेन्सी – भारतीय क्रिकेट टोलीका ओपनर तथा उपकप्तान रोहित शर्माले चोटका कारण दक्षिण अफ्रिकासँग तीन टेस्ट सिरिज गुमाउने भएका छन् । रोहितको स्थानमा दक्षिण अफ्रिका भ्रमणमा रहेका भारतीय ए टोलीका कप्तान प्रियांक पञ्चालले लिने भएका छन् ।

पञ्चालले दक्षिण अफ्रिका ए टोलीसँग राम्रो प्रभाव छाडेका थिए । ३१ वर्षिय पञ्चालले एक सय प्रथम श्रेणी खेलमा २४ शतक र २५ अर्धशतक सहित ७ हजार ११ रन बनाएका छन् । उत्कृष्ट प्रदर्शन ३ सय १४ रन अविजित छ । रोहितले गुमाउने भएपछि भारतले उपकप्तान घोषणा गर्ने छ । अजिंक्या रहाणेलाई हटाउँदै भारतले रोहितलाई उपकप्तानको जिम्मेवारी दिएको थियो । टेस्टको उपकप्तानमा ऋषभ पन्त वा श्रेयस ऐरको सम्भावना छ । रोहितले दक्षिण अफ्रिकासँग तीन ओडिआई सिरिज भने खेल्ने सम्भावना छ ।

भारतले टि२० आई र ओडिआईमा रोहितलाई कप्तानीको जिम्मेवारी दिई सकेको छ । रोहितको कप्तानीमा दक्षिण अफ्रिकासँग ओडिआई सिरिज खेल्ने टोली घोषणा गर्ने अनुमान गरिएको छ । रोहित उपलब्ध नभएमा उपकप्तान लोकेश राहुलले भारतको ओडिआई टोलीको नेतृत्व गर्नेछन् ।

दक्षिण अफ्रिकाविरुद्ध खेल्ने भारतको टेस्ट टोली : विराट कोहली (कप्तान), प्रियांक पञ्चाल , लोकेश राहुल, मयंक अग्रवाल, चेतेश्वर पुजारा, अजिंक्या रहाणे, श्रेयस ऐर, हनुमा विहारी, ऋषभ पन्त (विकेटकिपर), ऋद्धिमान शाह (विकेटकिपर), रविचन्द्रन आश्विन, जयन्त यादव, ईशान्त शर्मा, मोहम्मद शामी, उमेश यादव, जस्प्रित बुमराह, शार्दुल ठाकुर र मोहम्मद शिराज ।

भारतके दक्षिण अफ्रिकासँग तीन टेस्ट खेल तालिका

पहिलो टेस्ट – डिसेम्बर २६-३०, सुपर स्पोर्ट्स पार्क

दोस्रो टेस्ट – जनवरी ३-७, जोहानेसबर्ग

तेस्रो टेस्ट – जनवरी ११-१५, केप टाउन

तीन ओडिआई सिरिज

पहिलो ओडिआई, १९ जनवरी : बोल्यान्ड पार्क

दोस्रो ओडिआई, २१ जनवरी : बोल्यान्ड पार्क

तेस्रो ओडिआई, २३ जनवरी : केप टाउन