4 years ago
December 19, 2021
काठमाडौं (हाम्रो खेलकुद) – अन्तर्राष्ट्रिय खेल सामाग्री उत्पादक केल्मीले अन्तर्राष्ट्रिय प्रतियोगितामा नेपाली क्रिकेट टोलीलाई पोशाक प्रायोजक गर्ने भएको छ ।
आइतबार क्यानका अध्यक्ष चतुरबहादुर चन्द र केल्मीका लागि आधिकारिक बिक्रेता कामारु ट्रेडिङका प्रबन्ध निर्देशक प्रदीप न्यौपानेले सम्झौता पत्रमा हस्ताक्षर गर्दै आदान प्रदान गरेका थिए । कार्यक्रममा युवा तथा खेलकुद मन्त्री महेश्वर गहतराज, क्यानका प्रबन्ध निर्देशक रौनक मल्ल, क्रिकेट म्यानेजर विनोद दास, कामारुका सिइअो उत्तम न्यौपाने लगायतको उपस्थिति थियो ।
सम्झौता अनुसार केल्मीले नेपालको सिनियर पुरुष र महिला हुँदै यू–१९ र यू–१६ अन्तर्राष्ट्रिय टोलीलाई प्रायोजन गर्नेछ । राष्ट्रिय प्रतियोगितामा भने यो लागु हुने छैन । सम्झौता दुई वर्षको हुनेछ । सम्झौता अनुसार ट्याक, जर्सी, क्याप, ब्याग लगायतका सामाग्री दुई वर्ष सम्म क्रिकेट टोलीलाई प्रदान गर्नेछ ।
क्यानले महिला पुरुष सिनियर र उमेर समूह गरेर वर्षमा कम्तिमा १३ विदेश भ्रमणलाई प्रायोजन गर्नेछ । क्यानले यसअघि हरेक प्रतियोगितामा ५ लाख रुपैयाँ खर्च गर्दै आएकोमा अब उक्त खर्च कटौती हुनाका साथै स्तरीय सामाग्री प्रयोग गरिनेछ ।
क्यानका अध्यक्ष चतुरबहादुर चन्दले केल्मी नेपाललाई धन्यावाद दिँदै नेपाली क्रिकेटको लागि एक महत्वपूर्ण दिन भएको बताए । विश्वको उत्कृष्ट मध्यको कम्पनी पाएकोमा चन्दले खुशी ब्यक्त गरेका थिए ।
केल्मीका प्रबन्ध निर्देशक प्रदीप न्यौपानेले नेपाली क्रिकेट टोलीलाई प्रायोजन गर्न पाउँदा खुशी ब्यक्त गरे । उनले विगतमा फुटबल, तेक्वान्दो, लगायत विभिन्न राष्ट्रिय टोली प्रायोजन गर्दै आएको र नेपाली खेलकुद विकासमा सहयोग गर्न सधैं तत्पर रहेको प्रतिवद्धता व्यक्त गरे ।
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
