4 years ago
December 19, 2021
काठमाडौं (हाम्रो खेलकुद) – नेपाली यू–१९ क्रिकेट टोलीका कप्तान देव खनालले यू–१९ एसिया कपमा नेपालको लक्ष्य फाइनल पुग्ने रहेको बताएका छन् । युएईमा हुने यू–१९ एसिया कपको लागि सोमबार नेपाली टोली त्यसतर्फ प्रस्थान गर्नेछ ।
नेपालले देव खनालको कप्तानीमा १५ सदस्य टोली घोषणा गरिसकेको छ । देवले नेपालको लक्ष्य उत्कृष्ट प्रदर्शनका साथ फाइनल खेल्ने बताए । ‘तयारी राम्रो भएको छ । प्रशिक्षक वसन्त शाही सर, साहायक प्रशिक्षक कलाम अली सर लगायत सबै खेलाडीले कडा मिहिनेत गर्नुभएको छ,’ उनले भने ।
‘यू–१९ एसिया कप भनेको ठूलो प्रतियोगिता हो । एकदम राम्रो लयमा गएका छौं । आशा छ हामीले त्यहाँ गएर राम्रो गर्नेछौं’, कप्तान देवले भने ।
‘बंगलादेश र श्रीलंका टेस्ट टोली हुन् । नेपाल पनि विकसित भइरहेको टोली हो । हामीले राम्रो क्रिकेट खेलिरहेका छौं । राम्रो प्रतिस्पर्धा दिनेछौं । हाम्रो लक्ष्य राम्रो क्रिकेट खेल्दै नेपाललाई गर्व गराउने छ । टिमको हिसावमा लक्ष्य फाइनल जितेर आउने राख्छौं नै । जे हुन्छ राम्रो क्रिकेट खेल्ने हो’, देवले भने ।
त्यसैमा उनले थपे, ‘खेलाडीको हिसाबमा मेरो लक्ष्य नेपालको लागि राम्रो गर्ने हो । यू१९ एसिया कपमा राम्रो गर्नेमा आत्माविश्वासी छौं । आशा छ हामी एकदमै राम्रो क्रिकेट खेल्ने छौं ।’
नेपालसँगै बंगलादेश, श्रीलंका र कुवेत समूह बी मा छन् । समूह ए मा भारत, अफगानिस्तान, पाकिस्तान र युएई छन् । समूह ए का खेल दुबई र बी का खेल शारजाहमा हुनेछन् । यू-१९ एसिया कप पुष ८ देखि १६ गते सम्म (डिसेम्बर २३ देखि ३१ सम्म) युएईमा चल्नेछ ।
नेपालले पहिलो खेल पुष ८ (डिसेम्बर २३) मा बंगलादेशसँग शाहजाहमा खेल्नेछ । नेपालले पुष ११ (डिसेम्बर २६) मा श्रीलंका र पुष १३ (डिसेम्बर २८) मा कुवेतसँग खेल्नेछ । शीर्ष दुईमा रहन सके सेमिफाइनल खेल्नेछ । दुबै सेमिफाइनल पुष १५ (३० डिसेम्बर) मा हुनेछ । फाइनल पुष १६ (डिसेम्बर ३१ मा) हुनेछ ।
दुबै समूह शीर्ष दुई दुई टोली सेमिफाइनलमा पुग्नेछन् । पहिलो सेमिफाइनल आइसिसी एकेडेमी ओभल १ मा र दोस्रो शारजाह क्रिकेट मैदानमा हुनेछ ।
नेपाली यू-१९ टोली :
देव खनाल (कप्तान), शेर मल्ल (उपकप्तान), दीपेश कँडेल, विवेक यादव, गुलशन झा, विवेक रानामगर, सन्तोष कार्की, आदिल अन्सारी, तिलक राज भण्डारी, अर्जुन कुमाल, बशिर अहमद, दुर्गेश गुप्ता, प्रकाश जैसी, अर्जुन साउद र राहुल भण्डारी ।
प्रशिक्षक : वसन्त शाही ठकुरी
टिम व्यवस्थापक : धर्मराज गिरी
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
