2 years ago
December 19, 2021
काठमाडौं (हाम्रो खेलकुद) – राष्ट्रिय क्रिकेट टोलीको कप्तानमा नियुक्त भएपछि सन्दीप लामिछानेले टोलीमा सबैको लागि ढोका खुल्ला रहेको बताएका छन् । आइतबार सन्दीपले सामाजिक सञ्जाल मार्फत उक्त सन्देश दिएका हुन् । बुधबार नेपाल क्रिकेट संघ (क्यान) को बोर्ड बैठकले अनुशासनको कारण ज्ञानेन्द्र मल्ललाई कप्तानबाट हटाउँदै सन्दीपलाई नियुक्त गरेको थियो । ‘छातीमा नेपालको झण्डा बोक्ने सपना […]
काठमाडौं (हाम्रो खेलकुद) – राष्ट्रिय क्रिकेट टोलीको कप्तानमा नियुक्त भएपछि सन्दीप लामिछानेले टोलीमा सबैको लागि ढोका खुल्ला रहेको बताएका छन् ।
आइतबार सन्दीपले सामाजिक सञ्जाल मार्फत उक्त सन्देश दिएका हुन् । बुधबार नेपाल क्रिकेट संघ (क्यान) को बोर्ड बैठकले अनुशासनको कारण ज्ञानेन्द्र मल्ललाई कप्तानबाट हटाउँदै सन्दीपलाई नियुक्त गरेको थियो ।
‘छातीमा नेपालको झण्डा बोक्ने सपना मेरो सधैं थियो । अब नेपाली क्रिकेट टोलीको नेतृत्व गर्ने अवसर पाएकोमा सम्मानित महसुस गरेको छु’, सन्दीपले सामाजिक सञ्जालमा लेखेका छन्।
‘क्यानप्रति कृतज्ञ छु । नेपालका महान जनता र विश्वभरका सबै समर्थकहरुलाई निःशर्त समर्थन र प्रार्थनका लागि । आगमी टिम योजना सामान्य छ, नेपाललाई क्रिकेटलाई विश्व क्रिकेटको नक्सामा चिनाउन र थप प्रभावकारी बनाउन हामी परिवारको रुपमा खेल्ने छौं । एउटा टिम हुनेछ । एकता हुनेछ । टोलीको ढोका सबैको लागि खुल्ला हुनेछ ।’
‘सबै सहयोगी राष्ट्रहरूले हामीलाई पूर्ण रूपमा समर्थन गरेका छन् । क्यान र आईसीसीको छलफलमा हामीले पूर्ण सदस्य राष्ट्रहरूसँग पनि थप क्रिकेटका लागि पहल गर्नुपर्छ । हामीसँग धेरै कामहरू छन् र सँगै हामी जे पनि गर्न सक्छौं’, उनले लेखेका छन् ।
सन्दीप हाल बिग ब्यासको लागि अष्ट्रेलियामा छन् । सन्दीप होबार्ट हरिकेन्सबाट बिग ब्यास लिग खेल्दै आएका छन् ।
ज्ञानेन्द्र मल्ल, दीपेन्द्र सिंह ऐरी, तीव्र गतिका बलर सोमपाल र कमलले २०२१ को अन्तिम ६ महिना ग्रेड बारे एक मिडियामा असहमति जनाएपछि स्पष्टीकरण सोधेको थियो । क्यानले दुई पटक खेलाडीलाई स्पष्टीकरण सोधेको थियो । ज्ञानेन्द्रसहित १९ खेलाडीले हस्ताक्षर गर्दै मंसिर ५ मा ११ बुँदे मागसहित सात दिनको समय दिँदै क्यानसँगै नै वर्गिकरण बारे स्पष्टीकरण सोधेका थिए । त्यसपछि विवाद झन बढ्दै गएको थियो । अन्तिममा क्यानले ज्ञानेन्द्रलाई कप्तान र दीपेन्द्रलाई उपकप्तानबाट पदमुक्त गर्ने निर्णय लिएको हो ।
ज्ञानेन्द्र, दीपेन्द्र, सोमपाल कामी र कमलसिंह ऐरीलाई २०२२ को केन्द्रिय ग्रेडबाट सुरुवाती ६ महिना सहभागी नगराउने निर्णय पनि गरेको थियो । सन्दीप नेपालका दशौं कप्तान हुन् । सन्दीपले नेपाली यू१९ टोली हुँदै दुई फ्रेन्चाइज लिग एभरेष्ट प्रिमियर लिग (इपिएल) मा काठमाडौं किंग्स इलेभेन र पोखरा प्रिमियर लिग (पिपिएल) मा विराटनगर किंग्सको कप्तानी गरिसकेका छन् । सन्दीपले अन्तर्राष्ट्रिय फ्रेन्चाइज लिगमा निरन्तर खेल्दै आएका छन् । सन्दीपले इन्डियन प्रिमियर लिग(आइपिएल) देखि बिग ब्यास लिग सम्म खेलिसकेका छन् ।
May 4, 2024
काठमाडौँ (हाम्रो खेलकुद) – वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपाल विजयी भएको छ । एक खेल अगावै सिरिज गुमाएको नेपाल अन्तिम खेलमा भने ६ विकेटले विजयी भएको हो । नेपालले पाएको १७३ रनको लक्ष्य नेपालले ४ विकेट गुमाएर ७ बल बाँकी छँदै पुरा गर्यो । नेपालको जितमा अनिल साहले ४५ बलमा ५८ […]
May 4, 2024
काठमाडौँ (हाम्रो खेलकुद) – वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपालले बलियो लक्ष्य पाएको छ । टियु क्रिकेट मैदानमा टस जितेर पहिला ब्याटिङ गर्ने निर्णय लिएको वेस्ट इन्डिज ‘ए’ ले निर्धारित २० ओभरमा ७ विकेट गुमाउँदै १ सय ७२ रन बनायो । वेस्ट इन्डिज ‘ए’ का लागि एलिक अथान्जेले २९ बलमा १ चौका […]
May 4, 2024
काठमाडौं (हाम्रो खेलकुद) – वेस्ट इन्डिज ‘ए’ विरुद्ध जारी टि २० सिरिजको पाँचौं खेलमा पनि नेपालले टस हारेको छ । वेस्ट इन्डिज ‘ए’ का कप्तान रोस्टन चेजले टस जितेर पहिलो ब्याटिङ गर्ने निर्णय लिएपछि नेपालले फिल्डिङ गर्ने भएको छ । नेपालले सिरिजको सबै खेलमा पहिला फिल्डिङ गर्ने भएको छ । नेपालले आज पछिल्लो खेलमा हार […]