काठमाडौं (हाम्रो खेलकुद) – युएईमा बिहीबार देखि सुरु हुने यू–१९ एसिया कपमा नेपाल र बंगलादेशबीचको खेल एक दिनपछि सरेको छ । यसअघि नेपाल र बंगलादेशबीचको खेल बिहीबार शारजाह क्रिकेट स्टेडियममा सुरुहुने कार्यक्रम रहेपनि एकदिनपछि सर्दै शुक्रबार हुने भएको छ ।

नेपालले दोस्रो खेल पुष ११ (डिसेम्बर २६) मा श्रीलंका र पुष १३ (डिसेम्बर २८) मा कुवेतसँग खेल्नेछ । यू-१९ एसिया कपमा नेपालसँगै बंगलादेश, श्रीलंका र कुवेत समूह बी मा छन् । समूह ए मा भारत, अफगानिस्तान, पाकिस्तान र युएई छन् । समूह ए का खेल दुबई र बी का खेल शारजाहमा हुनेछन् । यू-१९ एसिया कप पुष ८ देखि १६ गते सम्म (डिसेम्बर २३ देखि ३१ सम्म) युएईमा चल्नेछ ।

दुबै समूह शीर्ष दुई दुई टोली सेमिफाइनलमा पुग्नेछन् । पहिलो सेमिफाइनल आइसिसी एकेडेमी ओभल १ मा र दोस्रो शारजाह क्रिकेट मैदानमा हुनेछ । सेमिफाइनल पुष १५ (डिसेम्बर ३०) र फाइनल पुष १६ (३१ डिसेम्बर) मा हुनेछ ।

नेपाली यूः१९ टोली :

देव खनाल (कप्तान), शेर मल्ल (उप-कप्तान), दीपेश कँडेल, विवेक यादव, गुलशन झा, विवेक रानामगर, सन्तोष कार्की, आदिल अन्सारी, तिलक राज भण्डारी, अर्जुन कुमाल, बशिर अहमद, दुर्गेश गुप्ता, प्रकाश जैसी, अर्जुन साउद र राहुल भण्डारी ।

प्रशिक्षक : वसन्त शाही ठकुरी

यो पनि पढ्नुहोस् : यू–१९ एसिया कप : नेपाललाई विश्वकप सरह!