default_image

2 years ago

January 17, 2022

प्रधानमन्त्री कप विजेताले पाँच लाख पाउने

काठमाडौं (हाम्रो खेलकुद) – प्रधानमन्त्री कप टि२० राष्ट्रिय प्रतियोगिता विजेताले पाँच लाख पाउने भएको छ । नेपाल क्रिकेट संघ (क्यान) का कोषाध्यक्ष रोशन सिंहले प्रधानमन्त्री कप टि२० राष्ट्रिय प्रतियोगिता विजेताले पाँच लाख र उप विजेताले तीन लाख रुपैयाँ प्राप्त गर्ने जनाए । रोशनका अनुसार प्रतियोगिता सर्वोत्कृष्ट खेलाडी (प्लेयर अफ द टुनामेन्ट) ले ३० हजार प्राप्त […]

61 views

0 Bookmark

काठमाडौं (हाम्रो खेलकुद) – प्रधानमन्त्री कप टि२० राष्ट्रिय प्रतियोगिता विजेताले पाँच लाख पाउने भएको छ । नेपाल क्रिकेट संघ (क्यान) का कोषाध्यक्ष रोशन सिंहले प्रधानमन्त्री कप टि२० राष्ट्रिय प्रतियोगिता विजेताले पाँच लाख र उप विजेताले तीन लाख रुपैयाँ प्राप्त गर्ने जनाए ।

रोशनका अनुसार प्रतियोगिता सर्वोत्कृष्ट खेलाडी (प्लेयर अफ द टुनामेन्ट) ले ३० हजार प्राप्त गर्ने छन् । प्रतियोगिता उत्कृष्ट ब्याटर र बलरले समान २० हजार प्राप्त गर्ने छन् । सेमिफाइनलबाट बाहिरिने बाँकी दुई टोलीले ५०–५० हजार रुपैयाँ प्राप्त गर्ने छन् । क्यानले यस पटक खेलाडीलाई म्याच फि १५ सयका दरले दिने जनाई सकेको छ ।

पुष २६ देखि सुरु भएको प्रतियोगितामा सेमिफाइनल खेल्ने चार टोलीको टुङ्गो लागि सकेको छ । पहिलो सेमिफाइनलमा समूह ए को विजेता नेपाल पुलिस क्लब र समूह वी को उपविजेता बागमती प्रदेशबीच प्रतिस्पर्धा हुनेछ । दोस्रो सेमिफाइनलमा समूह बी को विजेता नेपाल एपिएफ क्लब र समूह ए को उपविजेता त्रिभुवन आर्मी क्लबबीच प्रतिस्पर्धा हुनेछ । दुबै सेमिफाइनल मंगलबार हुनेछन् । फाइनल बुधबार टियु मैदानमा हुनेछ ।

नेपाल पुलिस क्लब ४ खेलमा ४ मा नै जितका साथ समूह ए को शीर्ष स्थानमा रह्यो । पुलिसले पहिलो खेलले सुदूरलाई दुई रन, आर्मीलाई ४ विकेट, कर्णाली प्रदेशलाई ८९ र प्रदेश १ लाई ६ विकेटले हराएको थियो ।

त्रिभुवन आर्मी क्लब ४ खेलमा २ मा जित र १ मा हार सहित ५ अंकका साथ दोस्रो स्थानमा रह्यो । आर्मीले कर्णाली प्रदेशलाई ६३ रनले हराएको थियो । पुलिससँग ४ विकेटले हारेको थियो । प्रदेश १ सँग मुलपानीमा भिजेको आउटफिल्डको कारण १–१ अंक बाँडेको थियो । सुदूरपश्चिम प्रदेशलाई ३ विकेटले हराएको थियो ।

समूह बी मा एपिएफ ४ खेलमा अपराजित हुँदै ८ अंकका साथ शीर्ष स्थानमा रह्यो । एपिएफले पहिलो खेलमा प्रदेश २ लाई २४ रन, बागमती प्रदेशलाई ७ विकेट, गण्डकीलाई २ रन र लुम्बिनी प्रदेशलाई ७ विकेटले हराएको थियो । बागमती ४ खेलमा ३ मा जित र १ मा हार सहित ६ अंक जोड्दै दोस्रो स्थानमा रह्यो ।

बागमतीले पहिलो खेलमा लुम्बिनीलाई ४९ रनले हराउँदै एपिएफसँग ७ विकेटले हारेको थियो । प्रदेश २ लाई ५ विकेट र गण्डकी प्रदेशलाई ४० रनले हराउँदै सेमिफाइनलमा स्थान पक्का गरेको थियो ।

अंक तालिका

समूह ए बाट नेपाल पुलिस क्लब ४ खेलमा ४ मा नै जितका साथ शीर्षस्थानमा रह्यो । त्रिभुवन आर्मी क्लब ४ खेलमा २ मा जित र १ मा हार सहित ५ अंकका साथ दोस्रो स्थानमा रहँदै सेमिफाइनलमा स्थान पक्का गर्यो ।

सुदूरपश्चिम ४ खेलमा २ मा जित र २ मा हार सहित तेस्रो स्थानमा रह्यो । कर्णाली ४ खेलमा १ मा जित र ३ मा हार सहित चौथो स्थानमा रहँदै बाहिरियो । प्रदेश १ ले ३ खेलमा जित विहीन हुँदै १ अंकका साथ पुछारमा रहेर बाहिरियो । प्रदेश १ ले आर्मीसँगको खेल भिजेको आउट फिल्डको कारण अंक बाँडेको थियो ।

समूह बी मा एपिएफ ४ खेलमा अपराजित हुँदै ८ अंकका साथ शीर्ष स्थानमा रह्यो । बागमती ४ खेलमा ३ मा जित र १ मा हार सहित दोस्रो स्थानमा रह्यो ।

लुम्बिनी ४ खेलमा २ मा जित र २ मा हार सहित तेस्रो स्थानमा रह्यो । प्रदेश २ ले ४ खेलमा ३ मा हार र १ मा जित सहित चौथो स्थानमा रह्यो । गण्डकी ४ खेलमा जित विहीन हुँदै पुछारमा रहेर बाहिरियो ।

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

Success

Thank you for your time.