काठमाडौं(हाम्रो खेलकुद) – प्रधानमन्त्री कप टि२० राष्ट्रिय प्रतियोगिता पहिलो सेमिफाइनलमा नेपाल पुलिस क्लबका दुई प्रमुख खेलाडी कुशल भुर्तेल र करण केसी बेन्चमा छन् । बागमती प्रदेश र नेपाल पुलिस क्लबबीचको पहिलो सेमिफाइनल खेल टियु मैदानमा जारी छ ।

नेपाल पुलिस क्लबले टस जितेर पहिला ब्याटिङ थालेको छ । पुलिसको प्लेइङ ११ मा ओपनर कुशल भुर्तेल र तीव्र गतिका बलर करण केसी प्लेइङ ११ मा छैनन् । यी दुबै खेलाडी अस्वस्थ कारण टोलीमा नभएको बुझिएको छ । पुलिसको ओपनिङ शंकर राना र पवन सरार्फले गरेका छन् । भुर्तेल यस प्रतियोगितामा उच्च लयमा थिए । भुर्तेलले आर्मीविरुद्ध ३५, कर्णालीविरुद्ध ८२ र प्रदेश १ विरुद्ध ४४ रन जोडेका थिए । प्रमुख ओपनर नहुँदा पुलिसलाई ठूलो धक्का लागेको छ ।

पुलिस समूह ए मा अपराजित यात्राका साथ विजेता बन्दै सेमिफाइनल खेलेको हो । बागमती प्रदेश समूह बी को उपविजेताको रुपमा सेमिफाइनल खेलेको हो । आजनै दोस्रो सेमिफाइनल खेलमा त्रिभुवन आर्मी क्लब र नेपाल एपिएफ क्लबबीच प्रतिस्पर्धा हुँदैछ । बागमतीको टोलीमा अनुभवी विकेटकिपर सुवास खकुरेल छैनन् ।

पुलिसको प्लेइङ ११ : पवन सरार्फ, शंकर राना, दीपेन्द्रसिंह ऐरी, अनिल शाह, दीलिप नाथ, आरिफ शेख, योगेन्द्रसिंह कार्की, राशिद खान, सागर ढकाल, गुलशन झा र मन्जित श्रेष्ठ (कप्तान) ।

बागमतीको प्लेइङ ११ : ईशान पान्डे, आदिल खान, ज्ञानेन्द्र मल्ल (कप्तान), लक्की कठायत (विकेटकिपर), विपिन आचार्य, तिलक भण्डारी, प्रतिश जि.सी. रिजन ढकाल, रामनरेश गिरी र सुमन सुनवार