काठमाडौं (हाम्रो खेलकुद) – नेपाली राष्ट्रिय क्रिकेट टोलीका कप्तान सन्दीप लामिछाने इंग्ल्यान्ड तथा वेल्स क्रिकेट बोर्डले आयोजना गर्ने द हन्ड्रेड (एक सय बलको खेल) प्रतियोगितामा पनि कुनै टोलीमा अनुबन्धित हुन सकेनन् ।

मंगलबार साँझ सम्पन्न ड्राफ्टमा सन्दीपलाई अनुबन्ध गर्न कुनैपनि टोलीले रुचि देखाएनन् । सन्दीपले अक्सनमा ६० हजार पाउन्ड स्ट्रर्लिङ .( झण्डै १ करोड नेपाली रुपैयाँ) मूल्य तोकेका थिए । तर सन्दीपलाई कुनपनि टोलीले अनुबन्ध गरेनन् । ८ टोली सहभागी प्रतियोगितामा श्रीलंका वानिन्दु हसरंगा, अफगानिस्तानका राशिद खान र अष्ट्रेलिया एडम जाम्पा जस्ता लेगस्पिनर भने अनुबन्ध भएका छन् । सबै टोलीले तीन तीन विदेशी खेलाडी राखेका छन् ।

सन्दीप गत वर्ष पहिलो संस्करणको द हन्ड्रेडमा ओभल इन्भिन्सिबल्समा ६० हजार पाउण्ड (झन्डै १ करोड नेपाली रुपैयाँ) बराबरमा अनुबन्ध भएका थिए । तर भिसा समस्याका कारण सन्दीप इंग्ल्यान्ड पुगेर क्वारेन्टाइन बसेर मात्र फर्कनु परेको थियो । सन्दीपले त्यहाँ पुगेको टिएर ५ भिसामा द हन्ड्रेड खेल्न पाएका थिएनन् ।

प्रतियोगितामा बर्मीङ्घम फिनिक्स, लन्डन स्प्रिरिट, नर्थर्न सुपरचार्जर्स, ओभल ईन्भिन्सिबल्स, म्यानचेस्टर ओरिजिनल्स, साउर्थन ब्रेभ, ट्रेन्ट रकेट्स र वेल्श फायर छन् । गतवर्ष उपाधि साउर्थन ब्रेभले जितेको थियो । फाइनलमा ब्रेभले बर्मीङ्घम फिनिक्सलाई ३२ रनले हराउँदै ब्रेभ च्याम्पियन बनेको थियो ।

पछिल्लो समय सन्दीप बिग ब्यास लिगमा सिमित हुँदै आएका छन् । आइपिएल २०२२ को मेगा अक्सनमा पनि सन्दीपलाई कुनैपनि टोलीले किनेनन् । सन्दीपले आइपिएल मेगा अक्सनमा भने ४० लाख भारु अर्थात ६४ लाख नेपाली रुपैयाँ राखेका थिए । तर कुनैपनि टोलीले किनेनन् । पछिल्लो समय सन्दीप सिनियर टोलीमा ब्यस्त छन् । सोमबार त्रिकोणात्मक टि२० आई सिरिजको फाइनलमा पपुवा न्युगिनीलाई हराउँदै सन्दीपले आफ्नो कप्तानीमा नेपाललाई पहिलो उपाधि दिलाएका थिए ।

२०२२ को ड्राफ्टमा अनुबन्ध भएका खेलाडीको लिष्ट