एजेन्सी – वेस्टइन्डिजका विकेटकिपर ब्याटर निकोलस पुरन सिमित ओभर (ओडिआई र टि२० आई) को नयाँ कप्तान बनेका छन् । अघिल्लो महिना विष्फोटक ब्याटर काइरन पोलार्डले अन्तर्राष्ट्रिय क्रिकेटबाट सन्न्यास लिएपछि वेस्टइन्डिजले पुरनलाई कप्तानमा नियुक्त गरेको हो ।

पुरन वेस्टइन्डिजको सिमित ओभरको उपकप्तान रहँदै आएका थिए । पुरनको कप्तानीमा वेस्टइन्डिजले आगमी अक्टोबर नोभेम्बरमा अष्ट्रेलियामा हुने टि२० विश्वकप र २०२३ भारतमा हुने एकदिवसिय विश्वकप जस्ता ठूला प्रतियोगिता खेल्नेछ । ओपनर शाई होपलाई ओडिआईको उपकप्तान बनेका छन् ।

२६ वर्षीय पुरनले ३७ ओडिआई र ५७ टि२० आई खेल खेलेका छन् । पुरनले वेस्टइन्डिजबाट टि२० मा कप्तानी गरि सकेका छन् । गतवर्ष अष्ट्रेलियासँगको पाँच टि२० आई सिरिज पुरनको कप्तानीमा वेस्टइन्डिजले ४–१ ले जितेको थियो । पोलार्ड घाइते हुँदा उक्त सिरिज पुरनले नेतृत्व गरेका थिए ।

पुरन युवा पुस्ताका आक्रामक ब्याटर, उत्कृष्ट विकेटकिपर, फिल्डर र कप्तान मानिन्छन् । पुरनले २०१४ र २०१६ मा यू–१९ विश्वकप खेलेका थिए । २०१६ को फाइनलमा वेस्टइन्डिजले यू-१९ विश्वकप उपाधि जित्दा पुरनले प्रतियोगिताभर सानदार प्रदर्शन गरेका थिए ।

२०१९ को एकदिवसिय विश्वकपमा उत्कृष्ट प्रदर्शन गरेका थिए । पछिल्लो समय पुरन सिमित ओभरका प्रमुख खेलाडी हुन् ।
पुरनको कप्तानीमा वेस्टइन्डिजले पहिलो सिरिज आगमी मे ३१ देखि आइसिसी विश्वकप सुपर लिग अन्तर्गत नेदरल्यान्ड्सविरुद्ध तीन ओडिआई खेल खेल्नेछ ।