2 years ago
May 26, 2022
एजेन्सी – राजत पाटिदारको सानदार शतकको सहयोगमा रोयल च्यालेन्जर्स बेंगलोर इन्डियन प्रिमियर लिग (आइपिएल) २०२२ को दोस्रो क्वालिफायरमा पुगेको छ । बुधबार राती एलिमिनेटर खेलमा बेंगलोरले लखनऊ सुपर जायन्ट्सलाई १४ रनले हराउँदै क्वालिफायरमा राजस्थान रोयल्ससँगको भेट पक्का गर्यो । जितको लागि २ सय ८ रनको विशाल विजयी लक्ष्य पछ्याएको लखनऊले निर्धारित २० ओभरमा ६ विकेट […]
एजेन्सी – राजत पाटिदारको सानदार शतकको सहयोगमा रोयल च्यालेन्जर्स बेंगलोर इन्डियन प्रिमियर लिग (आइपिएल) २०२२ को दोस्रो क्वालिफायरमा पुगेको छ । बुधबार राती एलिमिनेटर खेलमा बेंगलोरले लखनऊ सुपर जायन्ट्सलाई १४ रनले हराउँदै क्वालिफायरमा राजस्थान रोयल्ससँगको भेट पक्का गर्यो ।
जितको लागि २ सय ८ रनको विशाल विजयी लक्ष्य पछ्याएको लखनऊले निर्धारित २० ओभरमा ६ विकेट गुमाउँदै १ सय ९३ रन बनायो । लखनऊका कप्तान लोकेश राहुलले ५८ बलमा ३ चौका र ५ छक्कासहित सर्वाधिक ७९ रनको योगदान पनि टोलीलाई अर्को चरणमा पुर्याउन सकेनन् ।
राहुल जोश हेजलवुडको १९ औं ओभरको चौथो बलमा शहबाज अहमदबाट क्याच आउट भएपछि लखनऊको जितको सम्भावना आकाशिएको थियो । दीपक हुडाले २६ बलमा १ चौका र ४ छक्कासहित ४५ रन जोडे । तेस्रो विकेटका लागि राहुल र हुडाले ६१ बलमा ९६ रनको साझेदारी गर्दै गुजरातलाई जितको सम्भावना देखाई राखेका थिए । ओपनर क्विन्टन डि कक ६ र मनान बोहरा १९ रनमा आउट भएका थिए ।
लखनऊलाई अन्तिम १८ बलमा जितको लागि ४१ रन चाहिँएको अवस्थामा हर्षल पटेलले १८ औं ओभरमा ८ रनमात्र खर्चेपछि जित कठिन बनेको थियो । १९ औं ओभरमा जोश हेजलवुडले ९ रन खर्चेर राहुल सहित दुई विकेट लिएपछि बेंगलोरको जित बलियो बनेको थियो । दुश्मन्था चामिराले ११ र एविन लेविसले २ रन जोडे ।
बेंगलोरका जोश हेजलवुडले ४ ओभरमा ४३ रन खर्चेर ३ विकेट लिए । मोहम्मद शिराज, वानिन्दु हसरंगा र हर्षल पटेलले १–१ विकेट लिए ।
त्यसअघि इडेन गार्डेन कोलकातामा टस हारेर ब्याटिङको निम्तो पाएको बेंगलोरले निर्धारित २० ओभरमा ४ विकेट गुमाउँदै २ सय ७ रन बनाएको थियो । बेंगलोरका स्टार ब्याटर नचलेपनि शीर्षक्रमका राजत पाटिदारले ५४ बलमा १२ चौका र ७ छक्कासहित १ सय १२ रनको सानदार अविजित शतकीय इनिङ खेले ।
पाटिदारले ४९ बलमा आफ्नो आइपिएल र टि२० करिअरको पहिलो शतक पूरा गरेका थिए । मोहसिन खानलाई मिडविकेटमा छक्का प्रहार गर्दै आइपिएल प्लेअफमा शतक प्रहार गर्ने पहिलो अनक्याप्ड खेलाडी बने ।
विकेटकिपर दीनेश कार्तिक २३ बलमा ५ चौका र १ छक्कासहित ३७ रनमा अविजित रहे । पाँचौं विकेटका लागि कार्तिक र पाटिदारले ४१ बलमा ९२ रनको अविजित साझेदारी गरेका थिए । विष्फोटक अन्त्य गर्नेकममा बेंगलोरले अन्तिम पाँच ओभरमा बेंगलोरले ८४ रन जोडेको थियो ।
तीव्र गतिका बलर मोहसिन खानले पहिलो ओभरको पाँचौं बलमा कप्तान फाफ डु प्लेसिसलाई क्विन्टन डि ककबाट क्याच गराउँदै गोल्डेन डक पेभेलिएन फर्काए । दोस्रो विकेटका लागि विराट कोहली र राजतले ६६ रनको साझेदारी गरेका थिए । कोहली आवेश खानको बलमा थर्डम्यानमा मोहसिन खानबाट २५ रनमा क्याच भए ।
कोहलीले २४ बलमा २ चौका हाने । स्पिन क्रुनाल पान्ड्याको बलमा ग्लेन म्याक्सवेल ९ रनमा डिप स्क्वायर लेगमा इविन लेविसबाट क्याच भए । लखनऊका मोहसिन खान, क्रुनाल पान्ड्या, रवि विश्रोई र आवेश खानले १-१ विकेट लिए ।
विजेता टोली बेंगलोरले दोस्रो क्वालिफायरमा राजस्थान रोयल्ससँग फाइनल प्रवेशको लागि शुक्रबार प्रतिस्पर्धा गर्नेछ । पहिलो क्वालिफायरमा राजस्थानलाई ७ विकेटले हराउँदै गुजरात टाइटन्स फाइनलमा पुगेको छ । फाइनल आइतबार अहमदाबादमा हुनेछ ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]