एजेन्सी – आधुनिक समयमा क्रिकेट धेरै फेरिएको छ । आधुनिक उपकरणले खेलाडीको सानो सानो गल्ती पनि थाहा हुन्छ । पछिल्लो समय इंग्ल्यान्डको सबैभन्दा चर्चित घरेलु टि२० क्रिकेट भाइटालिटी ब्लास्टको फाइनलमा यस्तै भयो । उपाधि जितिसकेको खुसियाली मनाएपछि अन्तिम बल नो बल थाहा हुँदा पुन: अन्तिम बलका लागि खेल सुचारु गर्नुपरेको थियो ।

शनिबार राती फाइनल ह्याम्पशायर र लंकाशायरबीच टि२० ब्लास्टबीचको फाइनल रोमान्चक भयो । ह्याम्पाशायर एक रनले विजयी हुँदै उपाधि जित्यो । तर टोलीले त्यसअघि चार रनले उपाधि जित्दै खुसियाली मनाइसकेको थियो ।

जितको लागि १ सय ५३ रनको विजयी लक्ष्य पछ्याएको लंकाशायर अन्तिम ६ बलमा ११ रन चाहिएको थियो । तीव्र गतिका बलर नाथन एलिसले तीन बलमा चार रन खर्चिए । चौथो बलमा ल्यूक वुड ९ रनमा रन आउट भए । पाँचौं बलमा एलिसले रिचर्ड ग्लेसनलाई दुई रन दिए । अन्तिम बलमा जितको लागि पाँच रन चाहिएको थियो । नाथन एलिसले योर्करमा ग्लेसनलाई बोल्ड गरे ।

त्यसपछि ह्याम्पाशायरका खेलाडीको जितको खुसीको सेलिब्रेसन गरे । एलिसले दौडिएर खुसी मनाए । बाउन्ड्री बाहिर रहेका खेलाडीले दौडिएर मैदानमा उपाधिको सेलेब्रेसन गरे । मैदानमा खुसी चल्यो । मैदानमा खेलाडीले एकमाथि अर्कोलाई अंगालो मार्दै उपाधिको खुसी बनाए । उता ड्रेसिङ रुममा खुसीको सिमाना थिएन ।

आयोजकले पनि चारैतर्फ पटकाका साथ उपाधिलाई थप खुसीयाली र रमाइलो बनायो । खेलाडीले स्टम्प नै उखेलेर खुसी मनाएका थिए । खेलाडी खुसीमा नाच्न थालेका थिए । तर त्यो खुसी ३० सेकेन्डमा ब्रेक । अम्पायरले नो बलको संकेत दिँदै खेलाडीलाई पुन बोलाए । त्यो झोकमा खेलाडीले स्टम्प फ्याँके । निराश बने । तर एलिसले थप निराश भने बनाएनन् ।

अन्तिम बलमा उपाधि जित्न तीन रन चाहिएको थियो । एलिसले चलाखीपूर्ण स्वलो बल फ्याँक्दै ग्लेसनलाई बिट गराए । उनले एक रन लेगवाइको रुपमा बटुलेपछि एक रनले जितेको थियो । निर्धारित २० ओभरमा ८ विकेट गुमाउँदै १ सय ५१ रन बनायो । उसका स्टिभन क्रफ्टले २५ बलमा ५ चौकासहित सर्वाधिक ३६ रन बनाए । लियाम डसन र जेम्स फुलरले दुई दुई विकेट लिए ।

त्यसअघि टस जितेर पहिला ब्याटिङ थालेको ह्याम्पाशायरले निर्धारित २० ओभरमा ८ विकेट गुमाउँदै १ सय ५२ रन बनायो । बेन म्याकडेर्मोटले ३६ बलमा ४ चौका र ४ छक्कासहित ६२ रनमा आउट भए । लंकाशायरका स्पिनर मार्क पार्किन्सनले ४ ओभरमा २६ रन खर्चेर ४ विकेट लिए । यस प्रतियोगितामा इंग्ल्यान्डका नर्थ र साउथ ग्रुपबाट ९-९ गरि कुल १८ टोलीले प्रतिस्पर्धा गर्दै आएका छन् ।