2 years ago
July 26, 2022
एजेन्सी – दुई पटक विश्वकप च्याम्पियन कप्तान रिकी पोन्टिङले आगमी अक्टोबर नोभेम्बरमा हुने टि२० विश्वकपको उपाधि अष्ट्रेलियाले जित्ने बताएका छन् । उनले फाइनलमा भारतलाई हराउँदै अष्ट्रेलियाले उपाधि जित्ने अनुमान लगाएका हुन् । विश्व क्रिकेटमा सफल प्रशिक्षकको छवि बनाएका पोन्टिङले आइसिसीसँग कुरा गर्दै फाइनलमा पुग्ने दुई टोली र विजेता टोली अनुमान गरेका हुन् । ‘मलाई लाग्छ […]
एजेन्सी – दुई पटक विश्वकप च्याम्पियन कप्तान रिकी पोन्टिङले आगमी अक्टोबर नोभेम्बरमा हुने टि२० विश्वकपको उपाधि अष्ट्रेलियाले जित्ने बताएका छन् । उनले फाइनलमा भारतलाई हराउँदै अष्ट्रेलियाले उपाधि जित्ने अनुमान लगाएका हुन् ।
विश्व क्रिकेटमा सफल प्रशिक्षकको छवि बनाएका पोन्टिङले आइसिसीसँग कुरा गर्दै फाइनलमा पुग्ने दुई टोली र विजेता टोली अनुमान गरेका हुन् । ‘मलाई लाग्छ भारत र अष्ट्रेलिया टि२० विश्वकपको फाइनलमा पुग्नेछन् । मैले यो भन्नपर्छ कि अष्ट्रेलियाले फाइनल जित्नेछ’, पोन्टिङले भने ।
पोन्टिङले अष्ट्रेलियाले घरेलु कन्डिसनको फाइदा उठाउने बताए । गतवर्ष युएईमा भएको टि२० विश्वकपमा अष्ट्रेलियाले न्युजिल्यान्डलाई फाइनलमा ८ विकेटले हराउँदै उपाधि जितेको थियो । जुन अष्ट्रेलियाले जितेको पहिलो टि२० विश्वकप उपाधि जितेको थियो । पूर्व महान् ब्याटर तथा कप्तान पोन्टिङको कप्तानीमा भने अष्ट्रेलियाले सन् २००३ र २००७ मा एकदिवसिय विश्वकप उपाधि जितेको थियो ।
‘च्याम्पियन अष्ट्रेलियाले यसपटक घरेलु कन्डिसन पाएको छ । पछिल्लो संस्करणमा टोलीले जित हासिल गर्दा अर्को कन्डिसनमा जितेकोले केहि विशेष थियो’, उनले भने ।
त्यसैमा उनले थपे, ‘त्यसबेला अरु धेरै मानिसजस्तै मैले पनि यूएईको कन्डिसन र आइपिएलपछि अष्ट्रेलियाले विश्वकप जित्न कठिन हुन्छ भन्ने ठानेको थिएँ । तर उनीहरुले उपाधि जितेर देखाए ।’
पोन्टिङ इंग्ल्यान्ड पनि उत्कृष्ट टोली भएको बताउँछन् । इंग्ल्यान्डका कप्तान ओईन मोर्गनले सन्न्यास लिएपछि जस बटलरले नेतृत्व गरिरहेका छन् । अष्ट्रेलिया महिला टोलीमा उत्कृष्ट प्रदर्शन गर्न सफल प्रशिक्षक म्याथ्यु मोट इंग्ल्यान्डका सिमित ओभरका मुख्य प्रशिक्षक हुन् ।
‘मलाई लाग्छ इंग्ल्यान्ड सिमित ओभरको उत्कृष्ट टोली हो । उनीहरुसँग राम्रो प्रणाली छ’ , त्यसैमा पोन्टिङले थपेका छन्, ‘मलाई लाग्छ कागजी रुपमा भारत, अष्ट्रेलिया र इंग्ल्यान्डमा धेरै स्तर र म्याच विनर छन् ।’
पाकिस्तानका दिग्गज खेलाडी वाकर युनिसले पाकिस्तानलाई अष्ट्रेलियामा विश्वकप जित्ने राम्रो सम्भावना रहेको बताएका थिए । तर पोन्टिङले भने त्यो हुन नसक्ने संकेत दिए । तीव्र गतिका बलर शाहिन शाह अफ्रिदी र ओपनर मोहम्मद रिजवानको तारिफ गरेका पोन्टिङले ब्याटिङ कप्तान बाबर आजममै भर परेको कारण कठिन हुने बताए ।
‘यदि बाबरले प्रतियोगितामा उत्कृष्ट प्रदर्शन गरेनन् भने उनीहरुले जित्न सक्दैनन्,’ उनले भनेका छन् । पोन्टिङले बाबरलाई दुई वर्षअघि हेर्दा नै टेस्टका लागि धेरै राम्रो खेलाडी भएको बताएका थिए । बाबरले उक्त भनाइलाई पछिल्लो समय सिद्ध गरेका छन् ।
पोन्टिङले न्युजिल्यान्ड, पाकिस्तान र वेस्टइन्डिज टि२० शैलीका उपयुक्त टोली मान्छन् । यी तीन मध्य कुनै टोली फाइनलमा पुगेमा आफू आश्चर्यमा भने नपर्ने बताए ।
टि२० विश्वकप आगमी अक्टोबर १६ देखि नोभेम्बर १३ सम्म अष्ट्रेलियाका विभिन्न सहरमा हुनेछ । पहिलो चरणबाट सुपर १२ मा समूहका शीर्ष दुई दुई टोली पुग्नेछन् । नेपाल आइसिसी विश्वकप ग्लोबल छनोट ए को सेमिफाइनलमा युएईसँग ६८ रनले पराजित हुँदै विश्वकप खेल्ने अवसर गुमाएको थियो ।
पहिलो चरणको समूह ए – श्रीलंका, नामिबिया र युएई, नेदरल्यान्ड्स
समूह बी – वेस्टइन्डिज, स्कटल्यान्ड, आयरल्यान्ड र जिम्बावे
सुपर १२ को समूह १ – इंग्ल्यान्ड, न्युजिल्यान्ड, अष्ट्रेलिया, अफगानिस्तानसँगै पहिलो चरणको समूह ए को विजेता र समूह बी को उपविजेता
सुपर १२ को समूह २ – भारत, पाकिस्तान, दक्षिण अफ्रिका, बंगलादेशसँगै पहिलो चरणको समूह बी को विजेता र समूह ए को उपविजेता
May 4, 2024
एजेन्सी – कोलकत्ता नाइट राइडर्सले मुम्बई इंडियन माथि जित दर्ता गरेको छ । १२ वर्ष पछि मुम्बईलाई मुम्बईकै घरेलु मैदानमा पराजित गर्ने क्रममा कोलकत्ताले २४ रनको जित दर्ता गरेको हो । कोलकत्ताले दिएको १७० रनको लक्ष्य पछ्याएको मुम्बई १८.५ ओभरमा १४५ रनमा समेटियो । मुम्बईका सूर्यकुमार यादवले ३५ बलमा ५६ रन बनाए । यस्तै टिम […]
May 3, 2024
काठमाडौं (हाम्रो खेलकुद) – युवा तथा खेलकुद मन्त्री विराजभक्त श्रेष्ठले नेपाली राष्ट्रिय क्रिकेट टोलीले विश्वकप छनोट भएवापत प्राप्त गर्नुपर्ने पुरस्कार रकम विश्वकप सुरु हुनु अगावै प्रदान गर्न पहल गरिरहेको जानकारी दिएका छन् । विश्वकपका लागि प्रस्थान गर्ने टोलीलाई बिदाइ गर्न आयोजना गरिएको कार्यक्रममा बोल्दै मन्त्री श्रेष्ठले अर्थ मन्त्रालयसँग समन्वय गरेर मन्त्रिपरिषद्को बैठकबाट नै पुरस्कार सम्बन्धि […]
May 3, 2024
काठमाडौं (हाम्रो खेलकुद) – वेस्ट इन्डिज ए सँगै नेपाल भ्रमणमा आएका तीन खेलाडी समेट्दै सह-आयोजक वेस्ट इन्डिजले आईसिसी टि-२० विश्वकपका लागि टोलीको घोषणा गरेको छ । नेपालमा उत्कृष्ट प्रदर्शन गरेका तीन खेलाडी टोलीमा अटाएका छन् । नेपालमा रहेका वेस्ट इन्डिज ए टोलीका कप्तान रोस्टन चेज, ओपनिङ ब्याटर जोन्सन चार्ल्स र बायाँ हाते अल-राउन्डर गुडकेश मोती […]