एजेन्सी – तीव्र गतिका बलर कागिसो रबाडाको सानदार बलिङमा दक्षिण अफ्रिकाले पहिलो टेस्ट खेलमा घरेलु टोली इंग्ल्यान्डलाई १२ रनको इनिङ अन्तरले पराजित गरेको छ । योसँगै तीन टेस्ट खेलको सिरिजमा दक्षिण अफ्रिकाले १-० को अग्रता लिएको छ ।

इंग्ल्यान्ड दोस्रो इनिङमा १ सय ४९ रनमा अल आउट भयो । इंग्ल्यान्डका स्टुअर्ट ब्रोड र एलेक्स लेसले ३५–३५ रन बनाए । ज्याक क्रली १३, ओली पोप ५, जो रुट ६, जोनी बेयरस्टो १८ र बेन स्टोक्स २० रनमा आउट भए । दक्षिण अफ्रिकाका एनरिच नोर्कियाले सर्वाधिक तीन विकेट लिए । कागिसो रबाडा र मार्को यानसनले दुई दुई विकेट लिए ।

दक्षिण अफ्रिका पहिलो इनिङमा ३ सय २६ रनमा अल आउट हुँदै १ सय ६१ रनको अग्रता लिएको थियो । दक्षिण अफ्रिकाका ओपनर सारेल एर्वीले १ सय ४६ बलमा ६ चौकासहित सर्वाधिक ७३ रन बनाए । कप्तान डिएन एल्गर ४७, एडेन माक्ररम १६, रास्सी भान डर डुसेन १९, मार्को यानसन ४८ र केशव महाराज ४१ रनमा आउट भए ।

इंग्ल्यान्डका कप्तान बेन स्टोक्स र स्टुअर्ट ब्रोडले तीन तीन विकेट लिए । म्याथ्यु पट्स दुई, जेम्स एन्डरसन र ज्याक लेचले एक एक विकेट लिए ।

त्यसअघि लर्ड्समा पहिला ब्याटिङको निम्तो पाएको इंग्ल्यान्ड १ सय ६५ रनमा अल आउट भएको थियो । इंग्ल्यान्डका ओली पोपले १ सय २ बलमा ५ चौकासहित सर्वाधिक ७० रन बनाए ।

अन्य ब्याटरले राम्रो प्रदर्शन गर्न सकेनन् । दक्षिण अफ्रिकाका कागिसो रबाडाले सर्वाधिक पाँच विकेट लिए । नोर्कियाले तीन र यानसनले दुई विकेट लिए । दोस्रो खेल २५ अगष्ट देखि सुरुहुनेछ ।