बिराट्नगर – (हाम्रो खेलकुद) – सातौ राष्ट्रिय खेलकुद अन्तर्गतको महिला क्रीकेटमा आज पहिलो दिन एपिएफ र आयोजक पुर्वाञ्चलले विजयी सुरुवात गरेका छन ।
पहिलो खेलमा एपिएफले मध्यमाञ्चललाई ६१ रनले हराएको छ । टस जितेर पहिलो ब्याटिङ गरेको सशस्त्र प्रहरी बल(एपिएफ)ले निर्धारित २० ओभरमा ३ विकेट गुमाउदै ११५ रन जोडेको थियो । एपिएफकोलागी सारीता मगरले ४३ रन र बिनु बुडा मगरले ३३ रनको योगदान दिए ।
जवाफमा उत्रेको मध्यमाञ्चलले ५४ रन बनाउदै सबै विकेट गुमायो । एपिएफको लागी सोनु खड्काले ३ र करुना भण्डारिले २ विकेट लिए ।
दोस्रो खेलमा आयोजक पुर्वाञ्चलले पश्चिमाञ्चललाई ६६ रनले पराजित गर्यो । टस जितेर पहिले ब्याटिङ गरेको पुर्वाञ्चलले निर्धारित २० ओभरमा ४ विकेटको क्षतिमा १०४ रन बनायो । रोमा थापाले ५२ र रश्मी चौलागाइले २० रन जोडे ।
पुर्वाञ्चलकोलागी कबिता गौचनले ४ र संगीता राइले ३ विकेट लिदा पश्चिमाञ्चल १५ ओभरमा ३८ रनमा सबै विकेट गुमाउन पुगयो ।
