default_image

2 years ago

October 18, 2022

टि२० विश्वपमा जित्नै पर्ने दबाबमा श्रीलंका

एजेन्सी – आइसिसी टि२० विश्वप २०२२ को तेस्रो दिन आज दुई खेल हुँदैछन् । पहिलो खेलमा नामिबिया र नेदरल्यान्ड्सबीच प्रतिस्पर्धा हुँदैछ । दोस्रो खेलमा श्रीलंका र युएईबीच प्रतिस्पर्धा हुँदैछ । श्रीलंका र युएईबीचको खेल अष्ट्रेलियाको जिलोङमा नेपाली समय अनुसार दिउँसो १ः ४५ मा सुरु हुनेछ । एसिया कप २०२२ च्याम्पियन श्रीलंका पहिलो खेलमा नामिबियासँग ५५ […]

70 views

0 Bookmark

एजेन्सी – आइसिसी टि२० विश्वप २०२२ को तेस्रो दिन आज दुई खेल हुँदैछन् । पहिलो खेलमा नामिबिया र नेदरल्यान्ड्सबीच प्रतिस्पर्धा हुँदैछ । दोस्रो खेलमा श्रीलंका र युएईबीच प्रतिस्पर्धा हुँदैछ ।

श्रीलंका र युएईबीचको खेल अष्ट्रेलियाको जिलोङमा नेपाली समय अनुसार दिउँसो १ः ४५ मा सुरु हुनेछ । एसिया कप २०२२ च्याम्पियन श्रीलंका पहिलो खेलमा नामिबियासँग ५५ रनले पराजित भएपछि जित्नै पर्ने दबाबमा छ । श्रीलंका आजको खेलमा पराजित हुँदा पहिलो चरणबाटै बाहिरिनेछ ।

श्रीलंका नामिबियाले प्रस्तुत गरेको १ सय ६४ रनको विजयी लक्ष्य पछ्याउनेक्रममा १ सय ८ रनमा अल आउट भएको थियो । श्रीलंकाका दासुन शनकाले सर्वाधिक २९ रन बनाएका थिए । श्रीलंकाले आजको खेलमा उत्कृष्ट ब्याटिङ गर्नुपर्ने हुन्छ ।

त्यसको लागि प्रमुख ब्याटर कुशल मेन्डिस, भानुका राजपक्षे, पाथुम निसंका र धनुष्का गुणाथिलकाले जिम्मेवारीका साथ उत्कृष्ट प्रदर्शन गर्नुपर्छ । श्रीलंकाले धनन्जय डि सिल्भाको स्थानमा चरिथ असलंकालाई मौका दिनसक्छ । गतवर्ष विश्वकपमा सानदार प्रदर्शन गरेपनि असलंका एसिया कपमा खराब प्रदर्शनपछि मौका पाउन सकेका छैनन् ।

श्रीलंकाका स्पिनर वानिन्दु हसंगा र महेथ थिक्सना प्रमुख हतियार हुन् । तीव्र गतिका बलर दुश्मन्था चामिराबाट श्रीलंका उत्कृष्ट सुरुवात चाहन्छ । यता युएई पहिलो खेलमा नेदरल्यान्ड्ससँग ३ विकेटले पराजित भएको थियो । पहिलो खेलमा युएईले नेदरल्यान्ड्सविरुद्ध १ सय ११ रन मात्रै बनाएको थियो । युएई ब्याटिङमा सुधार गर्न चाहन्छ ।

मोहम्मद वासिमले राम्रो प्रदर्शन गर्दै आएका छन् । ठूलो अपेक्षा गरिएका वृत्य अरविन्द र चिराग सुरीले उत्कृष्ट प्रदर्शन गर्नुपर्ने हुन्छ । तीव्र गतिका बलर जुनैद खानले भने उत्कृष्ट प्रदर्शन गर्दै आएका छन् । यो खेलमा पराजित हुँदा युएई बाहिरिने छ ।
आजको पहिलो खेलमा नेदरल्यान्ड्स र नामिबियाबीचको खेल विहान ९ : ४५ मा सुरु हुनेछ । दोस्रो दिन दुई पटकको विश्वकप च्याम्पियन वेस्टइन्डिज स्कटल्यान्डसँग स्तब्ध भएको थियो ।

शीर्ष दुई दुई टोली सुपर १२ मा पुग्नेछन् । सुपर १२ को समूह ए मा इंग्ल्यान्ड, अष्ट्रेलिया, न्युजिल्यान्ड, अफगानिस्तान, समूह ए को विजेता र समूह बी को उपविजेता रहनेछन् । सुपर १२ को समूह बी मा भारत, पाकिस्तान, दक्षिण अफ्रिका, बंगलादेश समूह बी को विजेता र समूह ए को उपविजेता हुनेछन् ।

अंक तालिका

समूह ए मा समान दुई अंक भएपनि नेटरनरेटको कारण नामिबिया शीर्ष र नेदरल्यान्ड्स दोस्रो स्थानमा छन् । युएई तेस्रो र श्रीलंका पुछारमा छन् ।

समूह बी मा समान दुई अंक भएपनि स्कटल्यान्ड शीर्ष र जिम्बावे दोस्रो स्थानमा छन् । आयरल्यान्ड तेस्रो र वेस्टइन्डिज पुछारमा छन् ।

April 20, 2024

नेपाललाई हराउँदै हङकङ इमर्जिङ एशिया कपमा छनोट

मस्कट (हाम्रो खेलकुद) – हङकङ ओमनमा जारी एसिसि प्रिमियर कपमा तेस्रो स्थान हासिल गर्दै इमर्जीङ टिम्स एशिया कपमा छनोट भएको छ । तेस्रो स्थानको लागि भएको खेलमा नेपाल माथि ४ विकेटको जित निकाल्दै इमर्जीङ टिम्स एशिया कपमा छनोट भएको हो । नेपालले दिएको १४० रनको लक्ष्य पछ्याएको हङकङले लक्ष्य १९.३ ओभरमा ६ विकेट गुमाएर पुरा […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

April 20, 2024

लुम्बिनी तेस्रो जितसहित शीर्षस्थानमा कायम

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा शनिबार लुम्बिनी प्रदेशले कोशी प्रदेशलाई ५० रनले हराएको छ। लुम्बिनीको यो तेस्रो जित हो र ६ अंक सहित अंक तालिकाको शीर्षस्थानमा रहेको छ। लुम्बिनीको जितमा कप्तान देव खनालले ४५ रन बनाए। जितको लागि १ सय ३९ रनको मध्यम लक्ष्य पछाएको कोशी प्रदेश १९.४ ओभरमा मात्र […]

Success

Thank you for your time.