default_image

1 year ago

October 20, 2022

नेदरल्यान्ड्सलाई हराउँदै श्रीलंका सुपर १२ मा

एजेन्सी – श्रीलंकाले आइसिसी टि२० विश्वकप २०२२ मा नेदरल्यान्ड्सलाई १६ रनले हराउँदै सुपर १२ मा स्थान पक्का गराएको छ । पहिलो खेलमै नामिबियासँग स्तब्ध भएको श्रीलंकाले त्यसपछि पूनरागमनका साथ सुपर १२ मा पुग्ने पहिलो टोली बनेको हो । जितको लागि १ सय ६३ रनको विजयी लक्ष्य पछ्याएको नेदरल्यान्ड्सले निर्धारित २० ओभरमा ९ विकेट गुमाउँदै १ […]

88 views

0 Bookmark

एजेन्सी – श्रीलंकाले आइसिसी टि२० विश्वकप २०२२ मा नेदरल्यान्ड्सलाई १६ रनले हराउँदै सुपर १२ मा स्थान पक्का गराएको छ । पहिलो खेलमै नामिबियासँग स्तब्ध भएको श्रीलंकाले त्यसपछि पूनरागमनका साथ सुपर १२ मा पुग्ने पहिलो टोली बनेको हो ।

जितको लागि १ सय ६३ रनको विजयी लक्ष्य पछ्याएको नेदरल्यान्ड्सले निर्धारित २० ओभरमा ९ विकेट गुमाउँदै १ सय ४६ रन बनायो । नेदरल्यान्ड्सका ओपनर म्याक्स ओडाउडले ५३ बलमा ६ चौका र ३ छक्कासहित सर्वाधिक ७१ रनको अविजित योगदान दिएपनि टोलीको हार टार्न सकेनन् ।

अन्य ब्याटरको प्रदर्शन भने राम्रो हुन सकेन । विक्रमजित सिंह ७, बास डि लिडे १४, टम कपुर १६ र कप्तान स्कर्ट एडवार्ड्स २१ रनमा आउट भए । श्रीलंकाका स्पिनर वानिन्दु हसरंगाले ४ ओभरमा २८ रन खर्चेर ३ विकेट लिए । अर्का सिपनर महेश थिक्सनाले ४ ओभरमा ३२ रन खर्चेर २ विकेट लिए ।

त्यसअघि भिक्टोरियामा टस जितेर पहिला ब्याटिङ थालेको श्रीलंकाले निर्धारित २० ओभरमा ६ विकेट गुमाउँदै १ सय ६२ रन बनायो । ओपनर कुशल मेन्डिसले ४४ बलमा ५ चौका र ५ छक्कासहित सर्वाधिक ७९ रनको योगदान दिए ।

ओपनर पाथुम निसांका २१ बल खेल्दै १४ र धनन्जय डि सिल्भा शून्यमा आउट भएका थिए । चरिथ असालंका ३० बलमा ३ चौकासहित ३१ र भानुका राजपक्षे १९ रनमा आउट भए । कप्तान दासुन शनका ८ रनमा आउट भए । नेदरल्यान्ड्सका पाउल भान माक्रे र बास डि लिडेले समान दुई विकेट लिए ।

नेदरल्यान्ड्स सुपर १२ मा पुग्न युएई र नामिबियाको खेलमा निर्भर पर्नेछ । नामिबिया उक्त खलमा विजयी हुँदा नेदरल्यान्ड्स नेटरनरेटको कारण बाहिरने छ । नामिबिया पराजित हुँदा भने नेदरल्यान्ड्स सुपर १२ मा पुग्छ ।

समूह बी को भने शुक्रबारको खेलले निर्धारण गर्नेछ । श्रीलंकाले सुपर १२ मा कु ग्रुपमा खेल्ने आजको दोस्रो खेल ले नै निर्धारण गर्नेछ । शीर्ष दुई दुई टोली सुपर १२ मा पुग्नेछन् ।

सुपर १२ को समूह ए मा इंग्ल्यान्ड, अष्ट्रेलिया, न्युजिल्यान्ड, अफगानिस्तान, समूह ए को विजेता र समूह बी को उपविजेता रहनेछन् । सुपर १२ को समूह बी मा भारत, पाकिस्तान, दक्षिण अफ्रिका, बंगलादेश समूह बी को विजेता र समूह ए को उपविजेता हुनेछन् ।

अंक तालिका

समूह ए मा श्रीलंका ३ खेलमा २ मा जित र १ मा हार सहित शीर्ष स्थानमा छ । नेदरल्यान्ड्स ३ खेलमा २ मा जित र १ मा हार सहित ४ अंक भएपनि नेटरनरेटको कारण दोस्रो स्थानमा छ ।

नामिबिया २ खेलमा १ मा जित र १ मा हार सहित २ अंक जोड्दै तेस्रो स्थानमा छ । श्रीलंकाको नेटरनरेट प्लस ०-६६७, नेदरल्यान्ड्सको माइनस ०-१६२ र नामिबियाको प्लस १.२२७ नेनरनरेट रहेको छ । युएई अंक विहीन हुँदै पुछारमा छ ।

समूह बी मा स्कटल्यान्ड १ खेलमा १ मा जित र १ मा हार सहित शीर्ष स्थानमा छ । जिम्बावे १ खेलमा २ अंक सहित दोस्रो स्थानमा छ । वेस्टइन्डिज २ खेलमा १ मा जित र १ मा हार सहित तेस्रो स्थानमा छ । आयरल्यान्ड २ खेलमा १ मा जित र १ मा हार सहित पुछारमा छ ।

April 19, 2024

नाटकीय खेलमा मुम्बईको जित

एजेन्सी –आशुतोष शर्माको सानदार ब्याटिङका बाबजुद पञ्जाब किंग्स मुम्बई इण्डियन्ससँग बिहीबार इण्डियन प्रिमियर लिग (आइपिएल) मा नाटकीय शैलीमा ९ रनले पराजित भएको छ । पञ्जाबको लागि आठौं क्रमका ब्याटर आशुतोष शर्माले ६१ रन बनाएपनि जितको लागि प्रयाप्त भएन । मुम्बइको जितमा सूर्य कुमारले अर्धशतकीय पारी खेले । मुम्बईका जसप्रित बुमराह र जेराल्ड कोएट्जेको बलिङ महत्वपुर्ण […]

April 18, 2024

गण्डकीलाई पहिलो सफलता

काठमाडौं (हाम्रो खेलकुद) – विपिन खत्रीको उत्कृष्ट बलिङमा मधेश प्रदेशलाई ८ विकेटले हराउँदै गण्डकी प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपमापहिलो जित दर्ता गरेको छ। लगातार २ हारपछि पहिलो जित निकाल्ने क्रममा गण्डकीका अर्जुन कुमालले नटआउट ४९ रन बनाए।माथिल्लो मुलपानी मैदानमा जितको लागि १ सय ३ रनको लक्ष्य गण्डकीले १६.३ ओभरमा २ विकेटको नोक्सानीमा पुरा […]

April 18, 2024

कर्णालीमाथि लुम्बीनीको सहज जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिप बिहीबार भएको कम योगफलको खेलमा लुम्बिनी प्रदेशले कर्णाली प्रदेशलाई ७ विकेटले सहजै हराएको छ। लुम्बिनीको जितमा कप्तान देव खनालले अर्धशतक बनाए। लुम्बीनीको यो दोस्रो जित हो। ८२ रनको सहज लक्ष्य लुम्बिनीले १२.२ ओभरमा मात्र ३ विकेटको नोक्सानीमा पुरा गर्यो। कप्तान देवले उत्कृष्ट ब्याटिङ गरे। उनले […]

Success

Thank you for your time.