2 years ago
October 25, 2022
काठमाडौं (हाम्रो खेलकुद) – विकेटकिपर राजु रिजालको कप्तानीमा सुदुरपश्चिम प्रदेशले प्रधानमन्त्री कप एकदिवसिय राष्ट्रिय प्रतियोगिता खेल्ने १४ सदस्य टोली घोषणा गरेको छ ।
घोषणा टोलीमा नेपाली यू-१९ टोलीबाट खेलि सकेका तथा पूर्व कप्तान खडक बहादुर बोहरालाई बाहिर राख्दै नयाँ खेलाडीलाई मौका दिएको छ । खडकको पछिल्लो समय प्रदर्शन भने कमजोर रहँदै आएको छ ।
प्रादेशिक छनोटको प्रदर्शनलाई आधार मान्दै सुदूरले टोली घोषणा गरेको छ । घोषणा टोलीमा राजुसँगै नारायण जोशी, शेर मल्ल, हेमन्त धामी र नरेन्द्र साउद लगायतका खेलाडी छन् ।
सुदूरपश्चिम प्रधानमन्त्री कपमा समूह ए मा छ । समूह ए मा नेपाल एपिएफ क्लब, त्रिभुवन आर्मी क्लब, कर्णाली प्रदेश, गण्डकी प्रदेश र सुदूरपश्चिम छन् । प्रधानमन्त्री कप कार्तिक १३ देखि २६ सम्म मुलपानी मैदानमा हुनेछ ।
सुदूरले पहिलो खेल कार्तिक १४ मा गण्डकीसँग टियुमा खेल्दै सुरुवात गर्नेछ । कार्तिक १५ मा मुलपानीमा एपिएफ, कार्तिक १८ मा टियुमा आर्मी र कार्तिक २१ मा कर्णालीसँग मुलपानीमा खेल्नेछ ।
शीर्ष दुईमा रहन सके सेमिफाइनल खेल्नेछ । यता समूह बी मा नेपाल पुलिस क्लब, बागमती, मधेश, प्रदेश १ र लुम्बिनी छन् ।
सुदूरपश्चिमको टोली :
राजु रिजाल (कप्तान), बसन्त्र खत्री (उपकप्तान), नारायण जोशी, शेर मल्ल, बसन्त कार्की, हेमन्त धामी, मिलन बोहरा, दीपक टमाटा, गजेन्द्र बोहरा, विरेन्द्र नाथ, नरेन्द्र साउद, कैलाश ऐर, टेक रावल र गजेन्द्र भण्डारी ।
वैकल्पिक खेलाडी : खडक बहादुर बोहरा, विरेन्द्र बम, कृष्ण भट्ट र स्मित बुढा ।
May 18, 2024
काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]
May 18, 2024
काठमाडौँ (हाम्रो खेलकुद) – नेपाल एपिएफ क्लब अपराजित रहँदै चौथो संस्करणको ललितपुर मेयर्स महिला टि-२० च्याम्पियनसिप २०८१ को उपाधि जितेको छ । शनिवार भएको फाइनलमा सुदुरपश्चिम प्रदेश माथि २ रनको रोमान्चक जित दर्ता गर्दै एपिएफले चौथो संस्करणमा चौथो पटक नै उपाधि जितेको हो । अन्तिम दुई ओभरमा २९ रन चाहिएको अवस्थामा सुदुरकी कविता जोशीले राजमती […]
May 17, 2024
काठमाडौं (हाम्रो खेलकुद) – सुदुरपश्चिम प्रदेश ललितपुर मेयर्स महिला टि-२० च्याम्पियनशिपको फाइनलमा प्रवेश गर्ने दोस्रो टोली बनेको छ । लिग चरणको अन्तिम खेलमा बागमती प्रदेश विरुद्ध १०९ रनको फराकिलो जित दर्ता गर्दै सुदुरपश्चिमले एपिएफ क्लब विरुद्धको उपाधि भिडन्त पक्का गरेको हो । सुदुरपश्चिमले दिएको १५८ रनको विशाल लक्ष्य पछ्याएको बागमती १६.१ ओभरमा ४८ रनमा समेटियो […]
