default_image

1 year ago

October 26, 2022

इंग्ल्यान्ड आयरल्यान्डसँग स्तब्ध

एजेन्सी – उपाधिको प्रमुख दाबेदार इंग्ल्यान्ड आइसिसी टि२० विश्वकपमा आयरल्यान्डसँग डकवर्थ लेविस पद्धतिको आधारमा पाँच रनले पराजित हुँदै स्तब्ध बनेको छ । जितको लागि १ सय ५८ रनको विजयी लक्ष्य पछ्याएको इंग्ल्यान्डले १४.३ ओभरमा १०५-५ को अवस्थामा वर्षाको कारण खेल रोकिएको थियो । खेल पुन सुरु हुन नसकेपछि डकवर्थ लेविस पद्धतिको आधारमा इंगल्यान्ड ५ रनले […]

117 views

0 Bookmark

एजेन्सी – उपाधिको प्रमुख दाबेदार इंग्ल्यान्ड आइसिसी टि२० विश्वकपमा आयरल्यान्डसँग डकवर्थ लेविस पद्धतिको आधारमा पाँच रनले पराजित हुँदै स्तब्ध बनेको छ ।

जितको लागि १ सय ५८ रनको विजयी लक्ष्य पछ्याएको इंग्ल्यान्डले १४.३ ओभरमा १०५-५ को अवस्थामा वर्षाको कारण खेल रोकिएको थियो । खेल पुन सुरु हुन नसकेपछि डकवर्थ लेविस पद्धतिको आधारमा इंगल्यान्ड ५ रनले पराजित भएको हो । टि२० आईमा आयरलयान्डले पहिलो पटक इंग्ल्यान्डलाई हराएको हो ।

मोईन अली १२ बलमा ३ चौका र १ छक्कासहित २४ रनमा अविजित थिए । लियाम लिभिङस्टोन एक रनमा अविजित थिए । तर वर्षाको कारण खेल पुन सुरु हुन सकेन । यसै मैदानमा केहि समयपछि न्युजिल्यान्ड र अफगानिस्तानको खेल हुँदैछ ।

तीव्र गतिका बलर जोशुवा लिटिलले दोस्रो बलमै कप्तान जस बटलरलाई शून्यमा क्याच आउट भएका थिए । एलेक्स हेल्स ७ रनमा आउट भए । डेविड मलान ३७ बलमा २ चौकासहित ३५, बेन स्टोक्स ६ र ह्यारी ब्रुक १८ रनमा आउट भए ।

आयरल्यान्डका जोशुवा लिटिलले ३ ओभरमा १६ रन खर्चेर २ विकेट लिए । ब्यारी म्याकार्थी, फिओन ह्यान्ड र जर्ज डोकरेलले एक एक विकेट लिए ।

त्यसअघि मेलबर्न क्रिकेट ग्राउन्डमा टस हारेर पहिला ब्याटिङको निम्तो पाएको आयरल्यान्ड १९.२ ओभरमा १ सय ५७ रनमा अल आउट भएको थियो ।

आयरल्यान्डको लागि कप्तान एन्डी बालबिर्नीले ४७ बलमा ५ चौका र २ छक्कासहित सर्वाधिक ६२ रनको योगदान दिए । ओपनर पउल स्टर्लिङ ८ बलमा १ चौका र १ छक्कासहित १४ रन जोड्दै आउट भए । स्टर्लिङ आउट हुँदा आयरल्यान्डले २.३ ओभरमा २१ रन जोडेको थियो ।

दोस्रो विकेटका लागि बालबिर्नी र लोर्कान टकर ८२ रनको साझेदारी गरेपछि आयरल्यान्डले विशाल योगफलको सम्भावना देखाएको थियो । ११.५ ओभरमा आयरल्यान्ड १०३-१ को बलियो अवस्थामा थियो ।

अन्तिम बलमा टकर रन आउट भए । जुन रन आउट आयरल्यान्डलाई भारी पर्यो । टकरले २७ बलमा ३ चौका र १ छक्कासहित ३४ रन जोडे । लगत्तै अर्को ओभरको दोस्रो बलमा मार्क वुडले ह्यारी टेक्टरलाई प्रतिघण्टा १ सय ५३ किलोमिटरको गतीमा बलिङ गर्दै जस बटलरबाट शून्यमा क्याच गराए ।

त्यसपछि आयरल्यान्ड १५.१ ओभरमा १३१–३ को अवस्थामा थियो । लियाम लिभिङस्टोनले बालबिर्नीलाई एलेक्स हेल्सबाट क्याच गराउँदै महत्वपूर्ण विकेट दिलाए । लगत्तै अर्को बलमा जर्ज डोकरेललाई बोल्ड आउट भए ।

मार्क वुडले कर्टिस क्याम्फरलाई १७ रनमा क्याच गराए । उनले ११ बलमा तीन चौका हाने । १८ औं ओभरको पाँचौं बलमा मार्क आदिर ४ रनमा क्याच भए । साम करनले १९ औं ओभरमा ब्यारी म्याकार्थी र फिओन ह्यान्डलाई आउट गर्दै मध्यम योगफलमै रोके ।

इंग्ल्यान्डका मार्क वुडले ४ ओभरमा ३४ रन खर्चेर ३ विकेट लिए । लियाम लिभिङस्टोनले ३ ओभरमा १७ रन खर्चेर ३ विकेट लिए । साम करनले ३ ओभरमा ३० रन खर्चेर २ विकेट लिए ।

इंग्ल्यान्डले अफगानिस्तानलाई पहिलो खेलमा ५ विकेटले हराएको थियो । आयरल्यान्ड श्रीलंकासँग ९ विकेटले पराजित भएको थियो । इंग्ल्यान्डले अव शुक्रबार अष्ट्रेलियासँग खेल्नेछ । उक्त खेलमा इंग्ल्यान्डलाई जित्नै पर्ने दबाब हुनेछ ।

अंक तालिका

सुपर १२ को समूह ए मा न्युजिल्यान्ड १ खेलमा २ अंकका साथ शीर्ष स्थानमा छ । न्युजिल्यान्डको नेटरनरेट प्लस ४.४५० छ । श्रीलंका २ खेलमा १ मा जित र १ मा हार सहित दोस्रो स्थानमा छ । इंग्ल्यान्ड २ खेलमा १ मा जित र १ मा हासहित तेस्रो स्थानमा छ । आयरल्यान्ड २ खेलमा १ मा जित र १ मा हासहित चौथो स्थानमा छ । अष्ट्रेलिया २ खेलमा १ मा जित र १ मा हार सहित पाँचौं स्थानमा छ । अफगानिस्तान अंक बिहीन हुँदै पुछारमा छ ।

यता सुपर १२ को समूह बी मा बंगलादेश शीर्ष र भारत दोस्रो स्थानमा छ । दुबै टोलीको समान २ अंक भएपनि नेटरनरेटमा बंगलादेश अघि छ । दक्षिण अफ्रिका र जिम्बावे एक एक अंकका साथ तेस्रो र चौथो स्थानमा छन् । यी दुई देशबीचको खेल वर्षाको कारण रद्ध भएको थियो । पाकिस्तान र नेदरल्यान्ड्स भने अंक विहीन छन् ।

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.