काठमाडौं (हाम्रो खेलकुद) – विकेटकिपर विनोद भण्डारीको कप्तानीमा त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगिता खेल्ने १४ सदस्य टोली घोषणा गरेको छ ।

उपाधिको दाबेदार आर्मीको टोलीमा विनोद, सोमपाल कामी, रोहित पौडेल र अर्जुन साउद लगायतका खेलाडी छन् । साविक विजेता समेत रहेको आर्मीको टोली सन्तुलित रहेको छ । आर्मीको टोलीमा तीव्र गतिका बलर विक्रम सोब टोलीमा फर्किएका छन् । सोबले चोटका कारण नवौं राष्ट्रिय खेलकुद गुमाएका थिए ।

आर्मी समूह बी मा छ । आर्मी, नेपाल एपिएफ क्लब, गण्डकी, कर्णाली र सुदूरपश्चिम छन् । समूह बी मा नेपाल पुलिस क्लब, लुम्बिनी प्रदेश, बागमती प्रदेश, मधेश प्रदेश र प्रदेश १ छन् ।

आर्मीले उद्धघाटन खेलमा कार्तिक १३ मा टियु मैदानमा एपिएफसँग खेल्दै सुरुवात गर्नेछ । आर्मीले दोस्रो खेल सुदूरपश्चिमसँग टियुमा नै कार्तिक १८ मा खेल्नेछ । त्यसपछि मुलपानीमा कार्तिक २० मा गण्डकी र कार्तिक २२ मा कर्णालीसँग खेल्नेछ । कार्तिक २४ मा सेमिफाइनल र कार्तिक २६ मा फाइनल हुनेछ ।

आर्मीको टोली :

विनोद भण्डारी (कप्तान तथा विकेटकिपर), अर्जुन साउद (विकेटकिपर), हरि चौहान, भीम सार्की, रोहित पौडेल, राजेश पुलामी, सोनु तामाङ, कुशल मल्ल, सोमपाल कामी, विक्रम सोब, सुशन भारी, साहब आलम, आकाश चन्द र जितेन्द्र मुखिया ।

प्रशिक्षक : चन्द्र साउद

व्यवस्थापक – इन्द्रकमल मानन्दर

परिवर्तन : यसअघि समाचारमा जितेन्द्र मुखिया नै परेनन् भन्ने भएपनि आर्मीले पुन : खेलाडी परिवर्तन गर्दै अनिल मण्डलको स्थानमा उनलाई टोलीमा समेटेको छ ।