काठमाडौं (हाम्रो खेलकुद) – कर्णाली प्रदेशले आइतबारदेखि सुरु हुने प्रधानमन्त्री कप एकदिवसीय राष्ट्रिय प्रतियोगिता खेल्ने १४ सदस्य टोली घोषणा गरेको छ ।

कर्णालीले अलराउन्डर रविन्द्रजंग शाहीको कप्तानीमा चार खेलाडीलाई पहिलो पटक समेट्दै प्रधानमन्त्री कप खेल्ने टोली घोषणा गरेको छ । घोषणा टोलीमा दीपेन्द्र रावत, आवश शाह, मोहन विक र विपिन शाहीले पहिलो पटक प्रधानमन्त्री कप टोली खेल्ने परेका हुन् ।

रविन्द्रसँगै अनुज चनरा, दीनेश अधिकारी, प्रकाश जैसी र विपिन रावल प्रमुख खेलाडी हुन् । कर्णाली समूह ए मा छ । समूह ए मा कर्णाली, गण्डकी, सुदूरपश्चिम, त्रिभुवन आर्मी क्लब र नेपाल एपिएफ क्लब छन् । समूह बी मा नेपाल पुलिस क्लब, बागमती, लुम्बिनी, मधेश र प्रदेश नम्बर १ छन् ।

कर्णालीले पहिलो खेल कार्तिक १६ मा टियुमा गण्डकीसँग खेल्दै सुरुवात गर्नेछ । टियुमा कार्तिक १९ मा एपिएफसँग खेल्नेछ । कार्तिक २१ मा सुदूरपश्चिमसँग र कार्तिक २२ मा आर्मीसँग मुलपानीमा खेल्नेछ । पछिल्लो समय कर्णालीले राम्रो प्रदर्शन गर्दै आएको छ । कर्णाली यो पटक पनि आफ्नो प्रभावलाई निरन्तरता दिन चाहन्छ ।

कर्णालीको टोली :

रविन्द्रजंग शाही (कप्तान), प्रकाश जैशी, दीपेन्द्र रावत, हिमान्शु शाही, अनुज चनारा, आवश शाह, दीनेश अधिकारी, विपिन रावल, सुवोध ऐर, अर्जुन घर्ती, दिवान पुन, विपिन शाही, निश्चिल रावल र मोहन विक ।

प्रशिक्षक : विरेन्द्र शाही

टिम व्यवस्थापक : रोशन शाही ।