default_image

1 year ago

October 29, 2022

फिलिप्सको सानदार शतकमा न्युजिल्यान्डको बलियो योगफल

एजेन्सी – विकेटकिपर ग्लेन फिलिप्सले दुई जीवनदानको फाइदा उठाउँदै सानदार शतक प्रहार गरेपछि न्युजिल्यान्डले आइसिसी टि२० विश्वकपमा श्रीलंकालाई १ सय ६८ रनको बलियो लक्ष्य दिएको छ । सिड्नी क्रिकेट ग्राउन्डमा टस जितेर पहिला ब्याटिङ रोजेको न्युजिल्यान्डले निर्धारित २० ओभरमा ७ विकेट गुमाउँदै १ सय ६७ रन बनायो । न्युजिल्यान्डका ग्लेन फिलिप्सले ६४ बलमा १० चौका […]

129 views

0 Bookmark

एजेन्सी – विकेटकिपर ग्लेन फिलिप्सले दुई जीवनदानको फाइदा उठाउँदै सानदार शतक प्रहार गरेपछि न्युजिल्यान्डले आइसिसी टि२० विश्वकपमा श्रीलंकालाई १ सय ६८ रनको बलियो लक्ष्य दिएको छ ।

सिड्नी क्रिकेट ग्राउन्डमा टस जितेर पहिला ब्याटिङ रोजेको न्युजिल्यान्डले निर्धारित २० ओभरमा ७ विकेट गुमाउँदै १ सय ६७ रन बनायो । न्युजिल्यान्डका ग्लेन फिलिप्सले ६४ बलमा १० चौका र ४ छक्कासहित सर्वाधिक १ सय ४ रनको सानदार शतकीय इनिङ खेले ।

उनले ६१ बलमा शतक पूरा गरे । स्पिनर महेश थिक्सनालाई १९ औं ओभरको पाँचौं बलमा डिप स्क्वायर लेगमा चौका हान्दै शतक पूरा गरेका थिए । उनको विश्वकपमा पहिलो र टि२० आई करिअरको दोस्रो शतक हो । कठिन समयबाट शतक हान्दै न्युजिल्यान्डलाई सुरक्षित योगफलमा पुर्याएका हुन् ।

त्यसअघि उनले दुई महत्वपूर्ण जीवनदान पाए । स्पिनर वानिन्दु हसरंगाको सातौं ओभरको पाँचौं बलमा पाथुम निसांकाले फिलिप्सको ब्यक्तिगत १२ रनमा सहज क्याच छोड्न पुगेका थिए । त्यस्तै चामिका करुणारत्नेको १४ औं ओभरको दोस्रो बलमा कप्तान दासुन शनकाले ४५ रनमा पुन क्याच छोड्न पुगे ।

न्युजिल्यान्डको सुरुवात खराब रह्यो । ओपनर फिन एलेन स्पिनर महेश थिक्सनाको पहिलो ओभरको चौथो बलमै एक रनमा बोल्ड हुन पुगे । तेस्रो ओभरको दोस्रो बलमा धनन्जय डि सिल्भाले डेभन कन्वेलाई एक रनमा बोल्ड गरे । तीव्र गतिका बलर कासुन रजिथाको बलमा कप्तान केन विलियम्सन ८ रनमा कुशल मेन्डिसबाट क्याच आउट भएपछि न्युजिल्यान्ड ४ ओभरमा १५–३ को कमजोर अवस्थामा पुगेको थियो ।

चौथो विकेटका लागि फिलिप्स र डर्याल मिचेलले ८४ रनको साझेदारी गरेका थिए । मिचेललाई हसरंगाले १५ औं ओभरको तेस्रो बलमा २२ रनमा बोल्ड आउट गरे । जेम्श निशम ५, मिचेल सान्टनार ११ र ईश सोधीले एक रन बनाए । श्रीलंकाको फिल्डिङ भने कमजोर रह्यो ।

श्रीलंकाका कासुन रजिथाले ४ ओभरमा २३ रन खर्चेर २ विकेट लिए । महेश थिक्सना, धनन्जय डि सिल्भा, वानिन्दु हसरंगा र लाहिरु कुमाराले एक एक विकेट लिए ।

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

April 15, 2024

हङकङलाई हराउँदै नेपाल प्रिमियर कपको सेमिफाइनलमा

मस्कट (हाम्रो खेलकुद) – नेपाली राष्ट्रिय क्रिकेट टोलीले एसीसी प्रिमियर कप अन्तर्गत समूह ए को तेस्रो खेलमा हङकङलाई पराजित गर्दै सेमिफाइनलमा स्थान पक्का गरेको छ । अल अमेरत मैदानमा जितका लागि १ सय १५ रनको सामान्य लक्ष्य पछ्याएको नेपालले २ विकेट गुमाउँदै १३ औं ओभरमा लक्ष्य पूरा गर्यो । सुरुवाती जोडीले आक्रामक सुरुवात दिलाएपछि नेपालले […]

April 15, 2024

नेपाललाई हङकङको सामान्य लक्ष्य

मस्कट (हाम्रो खेलकुद) – नेपाली राष्ट्रिय क्रिकेट टोलीले एसीसी प्रिमियर कप अन्तर्गत समूह ए को तेस्रो खेलमा हङकङविरुद्ध जितका लागि १ सय १५ रनको सामान्य लक्ष्य पाएको छ । अल अमेरत मैदानमा टस जितेर हङकङलाई ब्याटिङको निम्तो दिएको नेपालले उत्कृष्ट बलिङ र फिल्डीङ प्रदर्शन गर्यो । वर्षाका कारण केही ढिलो सुरु भएको खेल १८ ओभरमा […]

Success

Thank you for your time.