default_image

1 year ago

November 2, 2022

अनिल र देवको उत्कृष्ट प्रदर्शनमा लुम्बिनीको विजयी सुरुवात

काठमाडौं (हाम्रो खेलकुद) – युवा स्पिनर अनिल खरेल र कप्तान देव खनालको उत्कृष्ट प्रदर्शनमा लुम्बिनी प्रदेशले प्रधानमन्त्री कप एकदिवसीय राष्ट्रिय प्रतियोगितामा बागमती प्रदेशलाई ८ विकेटले हराउँदै विजयी सुरुवात गरेको छ। लगातार तीन हारसँगै बागमती एक खेल अगावै प्रतियोगिताबाट बाहिरिएको छ । जितको लागि १ सय ५५ रनको विजयी लक्ष्य पछ्याएको लुम्बिनीले ३५.४ ओभरमा २ विकेट […]

78 views

0 Bookmark

काठमाडौं (हाम्रो खेलकुद) – युवा स्पिनर अनिल खरेल र कप्तान देव खनालको उत्कृष्ट प्रदर्शनमा लुम्बिनी प्रदेशले प्रधानमन्त्री कप एकदिवसीय राष्ट्रिय प्रतियोगितामा बागमती प्रदेशलाई ८ विकेटले हराउँदै विजयी सुरुवात गरेको छ।

लगातार तीन हारसँगै बागमती एक खेल अगावै प्रतियोगिताबाट बाहिरिएको छ । जितको लागि १ सय ५५ रनको विजयी लक्ष्य पछ्याएको लुम्बिनीले ३५.४ ओभरमा २ विकेट गुमाउँदै पूरा गर्यो । लुम्बिनीको जितमा कप्तान देव खनालले १ सय १९ बलमा ८ चौका र २ छक्कासहित सर्वाधिक ७७ रनमा अविजित रहे ।

त्यस्तै सन्दीप रजाली ४१ बलमा २ चौकासहित २९ रनमा अविजित रहे । ओपनर आकाश त्रिपाठी ३ र प्रज्वल थापा २९ रनमा आउट भए । प्रज्वलले ४२ बलमा ४ चौका हाने । बागमती प्रदेशका प्रतिश जि.सी. र रिजन ढकालले एक एक विकेट लिए ।

त्यसअघि मुलपानी क्रिकेट मैदानमा टस जितेर पहिला ब्याटिङ थालेको ३८.१ ओभरमा १ सय ५४ रनमा अल आउट भयो । बागमतीको लागि कप्तान ज्ञानेन्द्र मल्लले ४६ बलमा ४ चौका र १ छक्कासहित ३३ रनमा बनाए ।

विकेटकिपर दुर्गेश थापाले ३९ बलमा ४ चौका र १ छक्कासहित ३२, ओपनर आषुतोश २२, रित गौतम ६, ईशान पाण्डे शून्य, सूर्य तामाङ १७, नन्दन यादव १, प्रतिश जि.सी १५ र रामनरेश गिरीले १० रन बनाए ।

लुम्बिनीका अनिल खरेलले १० ओभरमा ३ मेडनसहित ३० रन खर्चेर ४ विकेट लिए । विशाल विक्रम केसीले ३.१ ओभरमा १ मेडनसहित ५ रन खर्चेर २ विकेट लिए ।

अभिषेक गौतमले दुई, कृष्ण कार्की र मोहम्मद हुसेनले एक एक विकेट लिए । लुम्बिनीले बिहीबार टियु मैदानमा पुलिससँग खेल्नेछ । बागमतीले अन्तिम खेल कार्तिक २१ मा मधेशसँग खेल्नेछ ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

April 20, 2024

लुम्बिनी तेस्रो जितसहित शीर्षस्थानमा कायम

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा शनिबार लुम्बिनी प्रदेशले कोशी प्रदेशलाई ५० रनले हराएको छ। लुम्बिनीको यो तेस्रो जित हो र ६ अंक सहित अंक तालिकाको शीर्षस्थानमा रहेको छ। लुम्बिनीको जितमा कप्तान देव खनालले ४५ रन बनाए। जितको लागि १ सय ३९ रनको मध्यम लक्ष्य पछाएको कोशी प्रदेश १९.४ ओभरमा मात्र […]

Success

Thank you for your time.