default_image

1 year ago

November 3, 2022

दीपेन्द्रको उत्कृष्ट अलराउन्ड प्रदर्शनमा पुलिस सेमिफाइनल नजिक

काठमाडौं (हाम्रो खेलकुद) – कप्तान दीपेन्द्रसिंह ऐरीको उत्कृष्ट अलराउन्ड प्रदर्शनमा नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमिफाइनल नजिक पुगेको छ । पुलिसले लुम्बिनी प्रदेशलाई ६ विकेटले हराउँदै समूह बी बाट सेमिफाइनलमा स्थान लगभग पक्का पक्की गरेको छ । । जितको लागि १ सय ८९ रनको विजयी लक्ष्य पछ्याएको पुलिसले ३७.१ ओभरमा ४ विकेट […]

85 views

0 Bookmark

काठमाडौं (हाम्रो खेलकुद) – कप्तान दीपेन्द्रसिंह ऐरीको उत्कृष्ट अलराउन्ड प्रदर्शनमा नेपाल पुलिस क्लब प्रधानमन्त्री कप एकदिवसीय राष्ट्रिय प्रतियोगिताको सेमिफाइनल नजिक पुगेको छ ।

पुलिसले लुम्बिनी प्रदेशलाई ६ विकेटले हराउँदै समूह बी बाट सेमिफाइनलमा स्थान लगभग पक्का पक्की गरेको छ । । जितको लागि १ सय ८९ रनको विजयी लक्ष्य पछ्याएको पुलिसले ३७.१ ओभरमा ४ विकेट गुमाउँदै पूरा गर्यो ।

पुलिसको जितमा दीपेन्द्रसिंह ऐरीले ६६ बलमा ४३ रनमा अविजित रहँदै खेल सकाए । विजयी चौका प्रहार गरेका दीलिप नाथ ६ रनमा अविजित रहे ।

ओपनर सुनिल धमलाले आफ्नो उच्च लयलाई निरन्तरता दिँदै पावर प्लेमा २६ बलमा ४ चौका र २ छक्कासहित ३६ रन जोड्दै आक्रामक सुरुवात दिलाएका थिए ।

तर उनको आक्रामक सुरुवात धेरै समय टिक्न सकेन । टियु एण्डबाट आएका तीव्र गतिका बलर दुर्गेश गुप्ताले बोल्ड गर्दै पेभेलिएन पर्काए ।

त्यसपछि आएका अमित श्रेष्ठ ३५ बलमा ५ चौकासहित २८ रनमा आउट भए । अमित स्पिनर अनिल खरेलको बलमा एलबीडब्लू आउट भए । कुशल भुर्तेल ४१ बलमा २ चौकासहित ३२ रनमा आउट भए । कुशल पनि अनिलको बलमा विकेटकिपर प्रज्वल थापाबाट आउट भएका थिए ।

आरिफ शेख ५१ बलमा ५ चौकासहित ३५ रनमा आउट भए । लुम्बिनीका स्पिनर अनिल खरेलले १० ओभरमा १ मेडनसहित ३१ रन खर्चेर २ विकेट लिए । दुर्गेश गुप्ता र मोहम्मद हुसेनले एक एक विकेट लिए ।

त्यसअघि टियु क्रिकेट मैदानमा टस जितेर पहिला ब्याटिङ थालेको लुम्बिनी प्रदेश ४४.२ ओभरमा १ सय ८८ रनमा अल आउट भएको थियो । लुम्बिनीका लागि कप्तान देव खनालले ८८ बलमा ७ चौका र २ छक्कासहित सर्वाधिक ७४ रन बनाए ।

देवको यो लगातार दोस्रो अर्धशतक हो । देवले पहिलो खेलमा बागमती प्रदेशविरुद्ध ७७ रन बनाएका थिए । विशाल विक्रम केसीले ३८ बलमा ३ चौका र १ छक्कासहित ३० रन बनाए । देव र विशाल बाहेक अन्य कुनैपनि ब्याटरले राम्रो प्रदर्शन गर्न सकेनन् ।

तीव्र गतिका बलर करण केसीले ओपनर आकाश त्रिपाठीलाई पहिलो ओभरको पाँचौं बलमा शून्यमा विकेटकिपर दीलिप नाथबाट क्याच गराए । दोस्रो विकेटका लागि प्रज्वल थापा र देव खनालले ६० रनको साझेदारी गरेका थिए ।

स्पिनर सागर ढकालले प्रज्वललाई २३ रनमा एलबीडब्लू आउट गर्दै साझेदारी तोडेका थिए । उनले ६२ बलमा २ चौका प्रहार गरे । सन्दीप रजाली ७ रनमा दीपेन्द्रको बलमा आउट भए । गुलशन झाको बलमा चोभारतर्फ सट खेलेका देव मिडअनमा सुनिल धमलाबाट क्याच आउट भए ।

त्यसपछि लुम्बिनीले लगातार विकेट गुमायो । बसिर अहमदलाई दीपेन्द्रले ५ रनमा बोल्ड आउट गरे । दीपेन्द्रले कृष्ण कार्कीलाई ९ र अनिल खरेललाई शून्यमा आउट गरे । दुर्गेश गुप्ता र मोहम्मद हुसेनलो ११–११ रन बनाए ।

पुलिसका दीपेन्द्रसिंह ऐरीले १० ओभरमा ५५ रन खर्चेर ४ विकेट लिए । करण केसी ७ ओभरमा २ मेडनसहित १९ रन खर्चेर २ विकेट लिए । सागर ढकालले ७.२ ओभरमा २९ रन खर्चेर २ विकेट लिए । गुलशन झा र ललितनारायण राजवंशीले एक एक विकेट लिए ।

पुलिसले समूह बी को पहिलो खेलमा बागमती १ सय ९२ रन र प्रदेश एकलाई ७ विकेटले हराएको थियो । पुलिसले अव अन्तिम खेल मधेशसँग कार्तिक २२ मा टियुमा खेल्नेछ ।

समूह बी मा पुलिस ३ खेलमा ६ अंकका साथ शीर्ष स्थानमा छ । लुम्बिनीले पहिलो खेलमा बागमती प्रदेशलाई ८ विकेटले हराएको थियो । लुम्बिनीले अव मधेशसँग आइतबार र सोमबार मधेशसँग खेल्नेछ ।

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

Success

Thank you for your time.