1 year ago
November 4, 2022
एजेन्सी – अलराउन्डर ग्लेन म्याक्सवेलको आक्रामक अर्धशतकमा अष्ट्रेलियाले आइसिसी टि२० विश्वकप अन्तर्गत सुपर १२ को अन्तिम खेलमा अफगानिस्तानलाई प्रतिस्पर्धात्मक लक्ष्य दिएको छ । पहिलो ब्याटिङको निम्तो पाएको अष्ट्रेलियाले निर्धारित २० ओभरमा ८ विकेटको क्षतिमा १ सय ६८ रन जोड्यो । अष्ट्रेलियाका लागि ग्लेन म्याक्सवेलले सर्वाधिक ५४ रनको योगदान दिए । उनले नटआउट रहँदै ३२ बलमा […]
एजेन्सी – अलराउन्डर ग्लेन म्याक्सवेलको आक्रामक अर्धशतकमा अष्ट्रेलियाले आइसिसी टि२० विश्वकप अन्तर्गत सुपर १२ को अन्तिम खेलमा अफगानिस्तानलाई प्रतिस्पर्धात्मक लक्ष्य दिएको छ ।
पहिलो ब्याटिङको निम्तो पाएको अष्ट्रेलियाले निर्धारित २० ओभरमा ८ विकेटको क्षतिमा १ सय ६८ रन जोड्यो । अष्ट्रेलियाका लागि ग्लेन म्याक्सवेलले सर्वाधिक ५४ रनको योगदान दिए । उनले नटआउट रहँदै ३२ बलमा ६ चौका र २ छक्का प्रहार गरे ।
अष्ट्रेलियाले चोटका कारण नियमित कप्तान आरोन फिन्चलाई विश्राम दिएको थियो । उनको स्थानमा आएका ओपनर क्यामरन ग्रीन २ बलमा ३ रन जोड्दै क्याचआउट भए । डेविड वार्नरले आक्रामक ब्याटिङ गरेपनि उनी २५ रनमा पेभेलियन फर्किए । १८ बलमा ५ चौका प्रहार गरेका वार्नर स्विच हिट प्रहार गर्ने धुनमा नविन उल हकबाट बोल्ड भएका थिए । नविनले फ्याँकेको छैटौं ओभरकै अन्तिम बलमा स्टिभ स्मिथ पनि ४ रन जोड्दै एल्बिडब्लु धरापमा परे । अष्ट्रेलियाले पावरप्लेमा ५२ रन जोड्दै ३ विकेट गुमाएको थियो ।
मिचेल मार्श ३० बलमा ३ चौका र २ छक्कसहित ४५ रन जोड्दै मुजिब उर रहमानको बलमा कट बिहाइन्ड भए । मार्श ११ औं ओभरमा आउट हुँदा अष्ट्रेलियाले ८६ रन जोडेको थियो । मार्कस स्टोइनिस र ग्लेन म्याक्सवेलले पाँचौ विकेटका लागि ५३ रनको साझेदारी गर्दै इनिङ अघि बढाए । स्टोइनिस १६ औं ओभरमा रशिद खानको बलमा आउट भए । उनले २१ बलमा २ छक्कासहित २५ रन जोडे ।
कार्यवाहक कप्तान म्याथ्यु वेड ८ बलमा ६ रन जोड्दै फारुकीको बलमा बोल्ड भए । प्याट कमिन्सले खाता खोल्न नसक्दा केन रिचर्डसन १ रनमा रनआउट भए । एडम जाम्पा १ रनमा नटआउट रहे ।
आजको खेलमा जित हासिल गरेमात्र अष्ट्रेलियाको सेमिफाइनलमा पुग्ने सम्भावना बलियो बन्नेछ । आज अष्ट्रेलिया जितेर भोली श्रीलंकाले इंग्ल्यान्डलाई पराजित गरे घरेलु टोली अघि बढ्नेछ । आज फराकिलो अन्तरको जितले पनि अष्ट्रेलिया रनरेट सुधार गर्न चाहन्छ । हाल अष्ट्रेलिया र इंग्ल्यान्डको १-१ खेल बाँकी रहँदा समान ५-५ अंक छ । यस खेलमा अफगानिस्तानलाई १ सय ६ रनभन्दा कममा समेटे अष्ट्रेलियाले रनरेटमा इंग्ल्यान्डलाई उछिन्नेछ ।
अष्ट्रेलियाको टोली : डेविड वार्नर, क्यामरन ग्रीन, मिचेल मार्स, स्टिभ स्मिथ, ग्लेन म्याक्सवेल, मार्कस स्टोइनिस, म्याथ्यु वेड, प्याट कमिन्स, एडम जाम्पा, केन रिचर्डसन, जोश हेजलवुड
अफगानिस्तानको टोली : रहमनुल्लाह गुर्बाज, उस्मान घानी, इब्राहिम जदरान, गुल्बदीन नाइब, दार्विस रसुली, नाजिबुल्लाह जदरान, मोहमद नाबी, राशिद खान, मुजिब उर रहमान, नविन उल हक, फजल फारुकी
April 28, 2024
एजेन्सी – जारी इंडियन प्रिमियर लिग (आईपिएल) को शीर्ष स्थानमा रहेको राजस्थान रोयल्सले अंकदूरी बढाएको छ । नवौं खेलमा आठौ जित दर्ता गर्ने क्रममा राजस्थानले लखनऊ सुपर जाएन्ट्स माथि ७ विकेटको सहज जित दर्ता गरेको हो । लखनऊले दिएको १९७ रनको लक्ष्य पछ्याएको राजस्थानले ६ बल बाँकी छँदै लक्ष्य ३ विकेट मात्र गुमाएर भेटायो । […]
April 27, 2024
काठमाडौं (हाम्रो खेलकुद) – वेस्ट इन्डिज ए विरुद्ध टि२० सिरिजको पहिलो खेलमा नेपाललाई जित दिलाउन कप्तान रोहित कुमार पौडेलले शतक प्रहार गरे । नेपालको राष्ट्रिय क्रिकेट टोलीको किट निर्माणकर्ता केल्मीले रोहितको शतकको अवसरमा समर्थकहरुलाई विशेष अफर ल्याएको छ । रोहितले १ सय १२ रनको सानदार इनिङ खेलेपछि केल्मीले विश्वकप जर्सीको प्रि-अर्डरमा १ सय १२ रुपैयाँ […]
April 27, 2024
एजेन्सी – रनको भारी वर्षा भएको इंडियन प्रिमियर लिग (आईपिएल) अन्तर्गतको खेलमा दिल्ली क्यापिटल्सले मुम्बई इण्डियन्स माथि जित दर्ता गरेको छ । घरेलु मैदानमा भएको खेलमा दिल्लीले १० रनको जित निकालेको हो । दिल्लीले दिएको २५८ रनको विशाल लक्ष्य पछ्याएको मुम्बईले २० ओभरमा ९ विकेट गुमाएर २४७ रन मात्र बनाउन सक्यो । मुम्बईका लागि तिलक […]