एजेन्सी – रोयल च्यालेन्जर्स बेंगलोरले अष्ट्रेलियाका तीव्र गतिका बलर जेसन बेहरेनडोफलाई इन्डियन प्रिमियर लिग(आइपिएल) २०२३ को लागि मुम्बई इन्डियन्सलाई बेचेको छ ।

बेंगलोरले आइपिएल २०२२ को अक्सनमा उनलाई ७५ लाख भारुमा किनेको थियो । त्यहिँ मूल्यमा मुम्बईलाई बेचेको हो । २०२१ को आइपिएल उपाधि चेन्नईले जित्दा बेहरनडोफ टोलीका सदस्य थिए । चेन्नईले त्यो सिजनमा उनलाई तीव्र गतिका बलर जोश हेजलवुडको स्थानमा लिएको थियो ।

२०१८ मा उनले मुम्बईबाट खेलेका थिए । आइपिएलमा उनले ५ खेलमा ५ विकेट लिएका छन् । अष्ट्रेलियाबाट ९ टि२० आईमा ७ विकेट लिएका छन् । २०१७ मा भारतविरुद्ध टि२० क्रिकेटमा गुहावाटीमा एकै खेलमा चार विकेट लिएपछि उनको माग आइपिएलमा बढेको थियो ।

बायाँ हाते बलर बेहरेनडोफ २०१८ देखि २०२० सम्म मुम्बईमा थिए । तर उनले २०१९ को सिजनमात्रै खेल्ने अवसर पाएका थिए । मुम्बईमा लागि मलिंगा, जस्प्रित बुमराह, ट्रेन्ट बोल्ट लगायतका बलर हुँदा मौका पाउन सकेनन् । यस सिजनमा मुम्बईको तीव्र गतिको बलरमा बेहरेनडोफ, बुमराह, जोफ्रा आर्चार, ड्यानिल साम्स र राइली मेरिडीथ छन् ।

आइपिएलको सर्वाधिक सफल टोली मुम्बई गत सिजनमा १० टोली सहभागी प्रतियोगितामा पुछारमा रहेर बाहिरिएको थियो । आइपिएल २०२३ को मिनी अक्सन आगमी डिसेम्बर २३ मा हुनेछ ।