एजेन्सी – वेस्टइन्डिजका विष्फोटक ब्याटिङ अलराउन्डर काइरन पोलार्डले इन्डियन प्रिमियर लिग (आइपिएल) नखेल्ने भएका छन् । पोलार्डले मंगलबार आइपिएलबाट सन्न्यास लिएको जनाएका छन् । खेलाडीको रुपमा आइपिएलमाबाट आफ्नो १३ वर्ष करिअरमा पूर्ण विराम लगाएका छन् ।

२०१० देखि नै मुम्बईबाट आइपिएल खेलेका पोलार्डले मुम्बईबाटनै सन्न्यासको घोषणा गरेका छन् । अव उनी मुम्बईको ब्याटिङ प्रशिक्षकको रुपमा काम गर्नेछन् ।

मुम्बईलाई पाँच पटक उपाधि जिताउन महत्वपूर्ण योगदान दिएका पोलार्डले सन्न्यास लिएको जनाएका हुन् । मुम्बईलाई पहिलो उपाधि जिताउन पोलार्डले २०१३ मा चेन्नईविरुद्ध फाइनलमा ६० रनको विष्फोटक इनिङ खेलेका थिए । त्यसपछि २०१५, २०१७, २०१९ र २०२० मा मुम्बईले उपाधि जित्दा सबै संस्करणमा पोलार्डको प्रदर्शन सानदार थियो ।

मुम्बईमा दुई विष्फोटक ब्याटर पोलार्ड र हार्दिक पान्ड्याको जोडी जमेको थियो । गतवर्ष पोलार्डले वेस्टइन्डिजको टोलीबाट सन्न्यास लिएका थिए । गत सिजनको आइपिएलमा पोलार्डको प्रदर्शन पनि राम्रो थिएन ।

गतवर्ष ११ खेलमा १ सय ४४ रन बनाउँदा उच्च प्रदर्शन २५ रन मात्रै थियो । २०१८ मा १ सय ३३ र २०११ मा १ सय ४६ रन बनाएका थिए । त्यसपछिको सबैभन्दा खराब प्रदर्शन थियो । ३५ वर्षीय पोलार्डले आइपिएलमा १ सय ८९ खेल खेल्दा ३ हजार ४ सय १२ रन बनाउँदा ६९ विकेट लिएका छन् ।

पोलार्ड आइपिएलमा थुप्रै पटक एक्लै खेललाई सहजरुपमा जिताएका छन् । तर पछिल्लो पटक खराब प्रदर्शनपछि मुम्बईले उनलाई टोली बाहिर गरेको थियो । गत सिजनको आइपिएलमा मुम्बईले पोलार्डलाई ६ करोड भारुमा किनेको थियो ।

आइपिएल २०२३ को अक्सन आगमी डिसेम्बर २३ मा हुँदैछ । गतवर्ष पहिलो पटक पुछारमा रहेर बाहिरिएको मुम्बईलाई उत्कृष्ट टिम निर्माणको चुनौती हुनेछ ।