default_image

1 year ago

November 18, 2022

ज्ञानेन्द्र र आसिफको उत्कृष्ट ब्याटिङमा नेपाललाई सिरिज उपाधि

काठमाडौं (हाम्रो खेलकुद) – युवा ओपनर आसिफ शेख र अनुभवी खेलाडी ज्ञानेन्द्र मल्लको कीर्तिमानी शतकीय साझेदारीमा नेपालले युएईसँग तीन ओडिआई खेलको सिरिज उपाधि जितेको छ । नेपालले अन्तिम तथा तेस्रो ओडिआई खेलमा युएईलाई ६ विकेटले हराउँदै सिरिज २–१ ले जितेको हो । जितको लागि १ सय ७७ रनको विजयी लक्ष्य पछ्याएको नेपालले ४०‍‍‍‍‍.१ ओभरमा ४ […]

142 views

0 Bookmark

काठमाडौं (हाम्रो खेलकुद) – युवा ओपनर आसिफ शेख र अनुभवी खेलाडी ज्ञानेन्द्र मल्लको कीर्तिमानी शतकीय साझेदारीमा नेपालले युएईसँग तीन ओडिआई खेलको सिरिज उपाधि जितेको छ ।

नेपालले अन्तिम तथा तेस्रो ओडिआई खेलमा युएईलाई ६ विकेटले हराउँदै सिरिज २–१ ले जितेको हो । जितको लागि १ सय ७७ रनको विजयी लक्ष्य पछ्याएको नेपालले ४०‍‍‍‍‍.१ ओभरमा ४ विकेट गुमाउँदै पूरा गर्यो ।

नेपालको जितमा आसिफ शेख १ सय १९ बलमा १२ चौकासहित ८८ रनमा अविजित रहे । आसिफले रोहन मुस्तफालाई विजयी चौका प्रहार गर्दै खेल सकाए । ज्ञानेन्द्र मल्ल ७३ बलमा ७ चौका र ३ छक्कासहित ६४ रनमा आउट भए । आसिफ र ज्ञानेन्द्र दुबैको यो ओडिआई करिअरको पाँचौं अर्धशतक हो । ज्ञानेन्द्रको यो ओडिआई करिअरको उच्च प्रदर्शन पर्दछ ।

ज्ञानेन्द्रले दुई वर्षअघि ओमानविरुद्ध टियु मैदानमै ५६ रनको इनिङ खेलेका थिए । जुन ओडिआईमा उच्च प्रदर्शन रहँदै आएको थियो । दोस्रो विकेटका लागि ज्ञानेन्द्र मल्ल र आसिफ शेखले १ सय २२ रनको शतकीय साझेदारी गर्दै सहज जितको आधार तय गरे ।

यो नेपालबाट ओडिआई क्रिकेटमा भएको दोस्रो ठूलो साझेदारी हो । गतवर्ष पपुवा न्युगिनीविरुद्ध तेस्रो विकेटका लागी देव खनाल र दीपेन्द्रसिंह ऐरीले १ सय २९ रनको शतकीय इनिङ खेलेका थिए । दोस्रो विकेटका लागि नेपालबाट भएको यो उच्च साझेदारी हो ।

यी दुई ब्याटरले आफ्नो कीर्तिमान नै तोडेका हुन् । दोस्रो विकेटका लागि गतवर्ष ओमानविरुद्ध ज्ञानेन्द्र र आसिफले ९५ रनको साझेदारी गरेका थिए । ज्ञानेन्द्र मल्ल स्पिनर आयन खानको ३४ औं ओभरको पहिलो बलमा एलबीडब्लू आउट भए । कप्तान रोहित पौडेल १७ बलमा १ चौकासहित १० रनमा रन आउट भए ।

सानदार इनिङ खेलेका आसिफले दुई महत्वपूर्ण जीवनदानको भरपूर्ण फाइदा उठाए । तीव्र गतिका बलर जहुर खानको दोस्रो ओभरको अन्तिम बलमा एज लागे आसिफले ब्यक्तिगत ४ रनमा जीवनदा पाए । युएईका फिल्डर रोहन मुस्तफा र बासिल हामिदमा क्याच कसले लिने अलमल हुँदा आसिफको क्याच छुट्न पुगेको थियो ।

आसिफले ब्यक्तिगत १० रनमा पुन जीवनदान पाए । स्पिनर आयन खानको सातौं ओभरको पहिलो बलमा बासिल हामीले प्वाइन्टमा आसिफको क्याच छोड्न पुगेका थिए ।

तीव्र गतिका बलर हजरत बिलालले दशौं ओभरको अन्तिम बलमा अर्जुन साउदलाई ९ रनमा विकेटकिपर वृत्य अरविन्दबाट क्याच गराए । एज लागेर आउट हुनुअघि अर्जुनले ३३ बल खेल्दै १ चौका प्रहार गरे । युएईका आयन खान र हजरत बिलालले एक एक विकेट लिए ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको युएईले निर्धारित ५० ओभरमा ९ विकेट गुमाउँदै १ सय ७६ रन बनायो । युएई एक समय ३१.१ ओभरमा ९३.९ को अवस्थामा पुगेपनि दशौं विकेटका लागि आयन र हजरतले पुरै ओभर खेल्दै अविश्वसनीय पूनरागमन गराए ।

आयन खान ६३ बलमा ७ चौका र १ छक्कासहित ५४ रनमा अविजित रहे । नवौं विकेट जादा आयन एक रनमा क्रिजमा थिए । उनले आफ्नो अन्तर्राष्ट्रिय करिअरको पहिलो अर्धशतक हाने । बिलाल ५४ बलमा १ छक्कासहित २० रनमा अविजित रहे । यो ओडिआई इतिहासको अन्तिम विकेटका लागि भएको चौथो ठूलो साझेदारी हो ।

युएईको तर्फबाट अन्तिम विकेटका लागि भएको उच्च साझेदारी हो । ओडिआईमा अन्तिम विकेटका लागि वेस्टइन्डिजका भिभियन रिचर्ड्स र माइकल होल्डिङले १९८४ मा इंग्ल्यान्डविरुद्ध १ सय ६ रनको शतकीय साझेदारी गरेका थिए । जुन ओडिआई क्रिकेट इतिहासमा अन्तिम विकेटका लागि भएको उच्च साझेदारी हो ।

युएईका एलिशान शराफुले ६९ बलमा ४ चौकासहित ३३ रन बनाए । एक समय युएई २३.१ ओभरमा ७९–३ को अवस्थामा थियो । त्यसपछि नेपाली स्पिन सामू निरिह बन्दै १४ रन जोड्न ६ विकेट गुमाएपछि युएई ३१.१ ओभरमा ९३–९ को दयनीय अवस्थामा पुगेको थियो ।

नेपाललाई तीव्र गतिका बलरले सानदार सुरुवात दिलाए । तीव्र गतिका बलर गुलशन झाले दोस्रो ओभरको दोस्रो बलमा ओपनर मोहम्मद वासिमलाई ११ रनमा विकेटकिपर आसिफ शेखबाट क्याच गराए । चोभार एण्डबाट आएका गुलशनको बलमा एज लागेर आउट हुनुअघि उनले ८ बलमा १ चौका र १ छक्का हाने । त्यसअघिको बलमा वासिमले गुलशनलाई छक्का हानेका थिए ।

टियु एण्डबाट आएका सोमपाल कामीले युवा ओपनर वृत्य अरविन्दलाई शून्यमा बोल्ड गरे । सोमपालको इन स्वींग बल वृत्यले रिड गर्न सकेनन् । गुलशन झाले चौथो ओभरको पहिलो बलमै कप्तान सिपी रिजवानलाई ४ रनमा आसिफ शेखबाट क्याच गराउँदै १६–३ को सानदार सुरुवात दिलाए ।

त्यसपछि चौथो विकेटका लागि अलिशान शराफु र रोहन मुस्तफाले ६३ रनको साझेदारी गर्दै इनिङ उकासेका थिए । मुस्तफा दीपेन्द्रसिंह ऐरी बलमा २४ रनमा कुशल भुर्तेलबाट क्याच आउट भए । मुस्तफाले ५६ बलमा २ चौका प्रहार गरे । मुस्तफाको विकेटपछि युएईका ब्याटर क्रिजमा टिक्न सकेनन् । लगातार खराब सट खेल्दै आउट भए ।

लेग स्पिनर कुशल भुर्तेलले शराफुलाई बोल्ड गरे । विष्णुु सुकुमारन एज लागेर दीपेन्द्रको बलमा आसिफ शेखबाट २ रनमा क्याच आउट भए । स्पिनर ललित नारायण राजवंशीले प्रमुख हिटर बासिल हामीदलाई ८ रनमा क्याच गराए । कुशलले नै अहमद राजालाई शून्यमा क्याच गराएपछि युएई ९३–८ को दयनीय अवस्थामा पुगेको थियो ।

नेपालका दीपेन्द्रसिंह ऐरीले १० ओभरमा ३ मेडनसहित २२ रन खर्चेर २ विकेट लिए । कुशल भुर्तेलले ७ ओभरमा १ मेडनसहित ३२ रन खर्चेर २ विकेट लिए । गुलशन झाले ७ ओभरमा ४२ रन खर्चेर २ विकेट लिए । सोमपाल कामी र ललित राजवंशीले एक एक विकेट लिए ।

नेपाल पहिलो खेलमा ८४ रनले पराजित हुँदा दोस्रो खेलमा तीन विकेटले विजयी भएको थियो । नेपालले अव आइसिसी विश्वकप लिग-२ को लागि नामिबिया भ्रमण गर्नेछ । नामिबिया, नेपाल र स्कटल्यान्डबीच प्रतिस्पर्धा हुनेछ ।

नेपालले पहिलो खेल २ डिसेम्बरमा नामिबियासँग खेल्नेछ । ४ डिसेम्बरमा स्कटल्यान्डसँग खेल्नेछ । ७ डिसेम्बरमा नामिबिया र ८ डिसेम्बरमा स्कटल्यान्डसँग खेल्नेछ ।

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.