एजेन्सी – इन्डियन प्रिमियर लिग (आइपिएल) २०२३ को मिनी अक्सन आगमी डिसेम्बर २३ मा कोचीमा हुँदैछ । अक्नसमा कुल ४ सय ५ खेलाडीमाथि बोली लाग्नेछ । फ्रेन्चाइज टोलीको आग्रहमा आइपिएलले ३६ खेलाडीलाई थपेको जनाएको छ ।

अक्सनमा २ सय ७३ भारतीय र १ सय ३२ विदेशी खेलाडी हुनेछन् । ४ खेलाडी एसोसियट देशबाट छन् । अक्सनमा बढीमा ८७ खेलाडी विक्नेछन् । ३० विदेशी खेलाडीकोा कोटा बाँकी छ । आइपिएलमा एक टोलीमा बढीमा २५ खेलाडी अनुबन्ध गर्न पाइन्छ । प्रत्यक टोलीले बढीमा ८ विदेशी खेलाडी राख्न पाउँछन् ।

आइपिएलमा आफ्नो न्यूनतम मूल्य २ करोड भारु राख्ने १९ विदेशी खेलाडी छन् । यस पटक भारतीय कुनैपनि खेलाडीले आफ्नो न्यूनतम मूल्य २ करोड राखेका छैनन् । ११ खेलाडीले न्यूनतम मूल्य १ करोड ५० लाख भारु राखेका छन् ।

हैदराबाद यस पटक अक्सनमा सर्वाधिक खर्च गर्न पाउने फ्रेन्चाइज टोली हो । कप्तान केन विलियम्सन र निकोलस पुरनलाई फुकुवा गरेपछि हैदराबादसँग अक्सनमा ४२ करोड २५ लाख रुपैयाँ बाँकी छ । अक्सनमा हैदराबदले कुल १३ खेलाडी किन्न सक्छ । ४ विदेशी खेलाडीको कोटा बाँकी छ ।

अक्सनमा कुन टोलीसँग कति रकम बाँकी छ ?

अक्सनमा सबैभन्दा कम रकम कोलकाता नाइट राइडसँग छ । कोलकतासँग ७ करोड ५ लाख भारु मात्रै बाँकी छ । अक्सनमा कोलकाताको ११ खेलाडीको कोटा बाँकी छ । जसबाट ३ विदेशी खेलाडी अनुबन्ध गर्न पाउँछ ।

चार पटकको च्याम्पियन चेन्नई सुपर किंगसँग २० करोड ४५ लाख भारु खर्च गर्न पाउने रकम छ । चेन्नईसँग ७ खेलाडीको कोटा बाँकी छ । चेन्नईले अक्सनमा दुई मात्रै विदेशी खेलाडी किन्न सक्छ । दिल्ली क्यापिटल्सले १९ करोड ४५ लाख अक्सनमा रकम खर्च गर्न पाउनेछ । जसमा दुई विदेशी र तीन भारतीय खेलाडी किन्न सक्छ ।

साविक विजेता गुजरात टाइटन्ससँग १९ करोड २५ लाख बाँकी छ । ७ खेलाडीको कोटा छ । तीन विदेशी खेलाडीको कोटा बाँकी छ । लखनऊ सुपर जायन्ट्ससँग २३ करोड ३५ लाख बाँकी छ । उक्त रकमबाट १० खेलाडी किन्न सक्छ । ४ विदेशी खेलाडीको कोटा बाँकी छ ।

पाँच पटकको च्याम्पियन मुम्बई इन्डियन्ससँग २० करोड ५५ लाख भारु छ । जसमा तीन विदेशीसँगै कुल ९ खेलाडीको कोटा बाँकी छ । पन्जाब किंग्ससँग ३२ करोड भारु बाँकी छ । पन्जाबको टोलीमा तीन विदेशीसँगै कुल ९ खेलाडीको कोटा छ ।

रोयल च्यालेन्जर्स बेंगलोरसँग ८ करोड ७५ लाख मात्रै बाँकी छ । अक्सनमा बेंगलोरले दुई विदेशी खेलाडी किन्न सक्छ । कुल ७ खेलाडीको कोटा बाँकी छ । राजस्थान रोयल्ससँग १३ करोड बाँकी छ । राजस्थानले ९ खेलाडी किन्न सक्छ । जसमा ४ विदेशी खेलाडीको कोटा बाँकी छ ।