default_image

2 years ago

January 5, 2023

म्याथ्युको शतकमा बिग ब्यासमा एडिलेडको कीर्तिमानी जित

111 views

0 Bookmark

एजेन्सी – कप्तान म्याथ्यु शर्टको सानदार शतकमा एडिलेड स्ट्राइकर्सले बिग ब्यास लिगमा होबार्ट हरिकेन्समाथि ७ विकेटको कीर्तिमानी जित हात पारेको छ । जितको लागि २ सय ३० रनको विशाल विजयी लक्ष्य पछ्याएको एडिलेडले १९.३ ओभरमा ३ विकेट गुमाउँदै पूरा गर्यो ।

एडिलेडको जितमा कप्तान म्याथ्यु शर्ट ५९ बलमा ८ चौका र ३ छक्कासहित एक सय रनमा अविजित रहे । यो बिग ब्यास लिग इतिहासकै सर्वाधिक ठूलो योगफल पूरा भएको पहिलो पटक हो ।

यसअघि बिग ब्यासमा सर्वाधिक ठूलो रन पूरा २०१७ मा होबार्ट हरिकेन्सले मेलबर्न रेनेगर्ड्सविरुद्ध २ सय २३ रन ८ विकेट गुमाउँदै पूरा गरेको थियो । क्रिस लिन २९ बलमा ६ चौका र ४ छक्कासहित ६४ रनमा आउट भए । एडम होसले २२ बलमा १ चौका र ४ छक्कासहित ३८ रन जोडे ।

एडिलेडलाई अन्तिम ओभरमा जितको लागि १२ रन चाहिँएको थियो । फहिम अशरफलाई दोस्रो र तेस्रो बलमा लगातार चौका हान्दै शर्टले जित दिलाए । होबार्टका प्याट्रिक डुलीले दुई र टिम डेविडले एक विकेट लिए ।

त्यसअघि एडिलेड ओभरमा टस हारेर पहिला ब्याटिङको निम्तो पाएको होबार्टले निर्धारित २० ओभरमा ४ विकेट गुमाउँदै २ सय २९ रन बनायो । होबार्टका ज्याक क्रली २८ बलमा ५ चौका र ३ छक्कासहित ५४ रनमा अविजित रहे । टिम डेविड २० बलमा २ चौका र ३ छक्कासहित ३९ रनमा अविजित रहे ।

कालेब ज्वेल २५ बलमा ७ चौका र ३ छक्कासहित ५४ रनमा आउट भए । बेन म्याकडेरमोट ३० बलमा ३ चौका र ४ छक्कासहित ५७ रन र म्याथ्यु वेड ९ रनमा आउट भए । एडिलेडका कोलिन डि ग्राउन्डहोमले सर्वाधिक दुई विकेट लिए ।

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

July 13, 2024

भारतलाई एक खेल अगावै श्रृंखला

एजेन्सी – लगातार तेस्रो खेलमा सफलता निकालेको भारतीय क्रिकेट टोलीले जिम्बाब्वे विरुद्धको टि-ट्वान्टी श्रृंखला एक खेल अगावै जितेको छ । पहिलो खेलमा हार बेहोरेको भारतले लगातार तीन खेल जित्दै शृंखला ३-१ ले जितेको हो । हरारेमा शनिबार भएको चौथो खेलमा भारतले घरेलु टोलीलाई १० विकेटले पराजित गरेको हो । १ सय ५३ रनको लक्ष्य भारतले […]

Success

Thank you for your time.