default_image

1 year ago

February 7, 2023

अष्ट्रेलियाविरुद्ध चार स्पिनर खेलाउने भारतको योजना

153 views

0 Bookmark

एजेन्सी – भारत र अष्ट्रेलियाबीच चार टेस्ट खेलको सिरिज अन्तर्गत पहिलो खेल विहीबार देखि नागपुरमा सुरु हुँदैछ । आइसिसी विश्व टेस्ट च्याम्पियनसिप फाइनल खेल्न घरेलु टोली भारतलाई चार मध्य तीन खेल जित्नुपर्ने हुन्छ । भारतले नागपुरमा हुने टेस्ट खेलमा आफ्ना चार स्पिनर मैदान उतार्ने योजनामा बनाएको इन्डियन एक्सप्रेसले जनाएको छ।

भारतले चार स्पिनर रविन्द्र जडेजा, रविन्द्रन आश्विन, कुलदीप यादव र अक्षर अपेटललाई प्लेइङ–११ मा खेलाउने योजना बनाएको बुझिएको छ । जडेजा अन्तिम पटक २०२० जुलाईमा इंग्ल्यान्डविरुद्ध खेलेका थिए ।

त्यसपछि चोटका कारण मैदान बाहिर भएका जडेजा रणजी ट्रफीमा सानदार प्रदर्शनपछि सिनियर टोलीमा फर्किएका हुन् । रविचन्द्रन आश्विन नियमित टोलीका सदस्य हुन् । जडेजा घाइते भएपछि अक्षर पटेलले पनि राम्रो प्रदर्शन गर्दै आएका छन् ।

चाइनाम्यान कुलदीप यादवले गत डिसेम्बरमा बंगलादेशविरुद्ध दुई इनिङमा ८ विकेट लिँदै प्लेयर अफ द म्याच चुनिएका थिए । अष्ट्रेलिया ब्याटरलाई स्पिन खेल्न सहज भने हुनेछैन । घरेलु टोली भारत त्यसको फाइदा उठाउने योजनामा रहेको देखिन्छ ।

‘हामी हाम्रो फाइदा अत्याधिक उठाउन चाहन्छौं । टर्नरहरु तयार पार्न चाहन्छौं । स्पिनर हाम्रो सबैभन्दा बलियो हतियार हुन् । उनीहरुलाई बलिङ गर्न र विकेट लिने उत्कृष्ट वातावरण दिनुपर्छ’, भारतीय टिम स्रोतले इन्डियन एक्सप्रेसलाई भनेको छ ।
‘पक्कैपनि हामीले प्लेइङ ११ खेल अघि विकेट हेरेपछि निर्णय लिनेछौं । तर चार स्पिनर हाम्रो योजनामा छन् । हामीसँग चार स्तरिय स्पिनर छन्’, स्रोतले भनेको छ ।

अष्ट्रेलियाले आइसिसी विश्व टेस्ट च्याम्पियनसिप फाइनल खेल्ने अनौपचारिक रुपमा पक्का भएको छ । चार मध्य एक खेल जितेको खण्डमा औपचारिक रुपमा फाइनलमा पुग्नेछ । अष्ट्रेलिया १५ खेलमा १० मा जित र १ मा हारसहित ७५.५६ जित प्रतिशतकका साथ शीर्षस्थानमा छ ।

भारत १४ खेलमा ८ मा जित र ४ मा हारसहित ५८.९३ जित प्रतिशतका साथ दोस्रो स्थानमा छ । २०२१ को टेस्ट च्याम्पियनसिप फाइनलमा भारत न्युजिल्यान्डसँगा ८ विकेटले पराजित भएको थियो । भारत यस पटक फाइनल खेल्न तीन खेल जित्नुपर्ने हुन्छ । अन्यथा श्रीलंका वा दक्षिण अफ्रिका मध्य एक टोली फाइनल खेल्नेछन् ।

श्रीलंका १० खेलमा ५ मा जित र ४ मा हारसहित ५३.३३ जित प्रतिशतका साथ तेस्रो स्थानमा छ । दक्षिण अफ्रिका १३ खेलमा ६ मा जित र ६ मा हारसहित ४८.७२ जित प्रतिशतका साथ चौथो स्थानमा छ । दक्षिण अफ्रिकाले वेस्टइन्डिजसँग दुई टेस्ट खेल खेल्न बाँकी छ । श्रीलंकाले न्युजिल्यान्डसँग दुई टेस्ट खेल खेल्नेछ ।

तर भारतलाई विश्व क्रिकेटको शक्तिशाली देश अष्ट्रेलियालाई चार मध्य तीन खेलमा हराउन भने कठिन पर्ने देखिन्छ । अष्ट्रेलियाका स्टिभ स्मिथ, मार्नस लाबुसेन, ट्रविस हेड र उस्मान खवाजाले लगातार सानदार प्रदर्शन गर्दै आएका छन् । डेविड वार्नर र क्यामरन ग्रिनले पनि लगातार राम्रो प्रदर्शन गर्दै आएका छन् । नाथन लायन, मिचेल स्विपसन, र एश्टन अगर स्पिनरको रुपमा छन् ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.