default_image

2 years ago

February 9, 2023

अष्ट्रेलियाविरुद्ध भारत हाबी

897 views

0 Bookmark

एजेन्सी – घरेलु टोली भारत अष्ट्रेलियासँग पहिलो टेस्ट खेलमा पहिलो दिन ब्याटिङ र बलिङ दुबैमा हाबी बनेको छ । स्पिनर जडेजाले सानदार बलिङ गर्दै अष्ट्रेलियालाई सस्तैमा अल आउट गर्दा भारतले ब्याटिङमा पनि राम्रो सुरुवात गरेको छ ।

पहिलो दिनको खेल सकिँदा भारत पहिलो इनिङमा एक विकेट गुमाउँदै ७७ रन बनाएको छ । भारतका ओपनर तथा कप्तान रोहित शर्मा ६९ बलमा ९ चौका र १ छक्कासहित ५६ रनमा अविजित छन् । उनलाई दोस्रो दिन रविचन्द्रन आश्विनले साथ दिनेछन् ।

पहिलो दिन खेल सकिन मात्रै ७ बल बाँकी रहँदा ओपनर लोकेश राहुल स्पिनर टोड मर्फीको बलमा २० रनमा कट एण्ड बोल्ड आउट भए । पहिलो विकेटका लागि रोहित र राहुलले ७६ रनको साझेदारी गरेका थिए । भारत १ सय रनले पछि छ ।

त्यसअघि नागपुरमा टस जितेर पहिला ब्याटिङ थालेको अष्ट्रेलिया ६३.५ ओभरमा १ सय ७७ रनमा अल आउट भएको थियो । अष्ट्रेलियाका शीर्षक्रमका ब्याटर मार्नस लाबुसेनले १ सय २३ बलमा ८ चौकासहित सर्वाधिक ४९ रन बनाए । प्रमुख ब्याटर स्टिभ स्मिथ १ सय ७ बलमा ७ चौकासहित ३७ रनमा आउट भए ।

दोस्रो ओभरको पहिलो बलमै तीव्र गतिका बलर मोहम्मद शिराजले ओपनर उस्मान खवाजालाई एक रनमा बोल्ड आउट गरे । अर्को ओभरको पहिलो बलमा मोहम्मद शामीले डेविड वार्नरलाई एक रनमा बोल्ड गरेपछि २–२ को अवस्थामा पुगेको थियो ।

तेस्रो विकेटका लागि मार्नस लाबुसेन र स्टिभ स्मिथले ८२ रनको साझेदारी गर्दै खेल पूनरागमन गराएका थिए । तर भोजनपछि दोस्रो सेसनमा अष्ट्रेलियाले सुरुवातमै स्मिथ र लाबुसेनलाई गुमायो । त्यसपछि भने अष्ट्रेलिया ब्याटर क्रिजमा धेरै समय टिक्न सकेनन् ।

रविन्द्र जडेजाको बलमा लाबुसेन विकेटकिपर केएस भरतबाट स्टम्पिङ आउट भए । जडेजाले स्मिथलाई बोल्ड गरे । लगत्तै म्याट रेनेशलाई शून्यमा एलबीडब्लू आउट गरे । पिटर ह्यान्ड्सकम्ब ८४ बलमा ४ चौकासहित ३१ रनमा आउट भए । एलेक्स केरी ३३ बलमा ७ चौकासहित ३६ रनमा आउट भए । आश्विनले केरीलाई आउट गर्दा अष्ट्रेलिया १६२–६ को अवस्थामा पुगेको थियो ।

भारतका रविन्द्र जडेजाले २२ ओभरमा ८ मेडनराख्दै ४७ रन खर्चेर ५ विकेट लिए । रविचन्द्रन आश्विनले तीन, मोहम्मद शामी र मोहम्मदी शिराजले एक एक विकेट लिए ।

भारत र अष्ट्रेलियाबीच चार टेस्ट खेलको सिरिजको हुनेछ । भारतलाई आइसिसी विश्व टेस्ट च्याम्पियनसिप २०२३ को फाइनल खेल्न कम्तिमा तीन खेल जित्नुपर्ने हुन्छ ।

अष्ट्रेलियाको फाइनल यात्रा अनौपचारिक रुपमा मात्रै बाँकी छ । यदि भारतले तीन खेल जित्न नसकेको खण्डमा श्रीलंका र दक्षिण अफ्रिका मध्य एक टोली फाइनलमा पुग्ने समिकरण छ ।

February 12, 2025

स्मिथको कप्तानीमा अस्ट्रेलियन टोलीको घोषणा

एजेन्सी – अर्को साता सुरु हुने च्याम्पियन्स ट्रफीका लागि स्टिभ स्मिथको कप्तानीमा अस्ट्रेलिया क्रिकेट टोलीको घोषणा भएको छ । अस्ट्रलियन क्रिकेट बोर्डले बुधवार १५ सदस्यीय अन्तिम टोलीको घोषणा गरेको हो । प्राम्भिक टोलीमा रहेका ५ खेलाडी अन्तिम टोलीमा परेनन्। प्रारम्भिक टोलीमा रहेका कप्तान प्याट कमिन्स, जोस हेजलवुड र अलराउन्डर मिचेल मार्स यसअघि नै टोलीबाट बाहिरिएका […]

February 12, 2025

बुमराहले च्याम्पियन्स ट्रफी गुमाउने

एजेन्सी – भारतका तीव्र गतिका बलर जसप्रित बुमराहले च्याम्पियन्स ट्रफी गुमाउने भएका छन् । बुमराहले जनवरीमा सिड्नी टेस्टका क्रममा ढाडमा लागेको चोटट पूर्णरुपमा निको नभएपछि च्याम्पियन्स ट्रफी गुमाउने भएका हुन् । बुमराहको पछिल्लो स्वास्थ्य परिक्षण गत साताको अन्तिममा बेंगलुरुमा भएको थियो । बुमराहले चोटका कारण आइसिसीको यो दोस्रो प्रतियोगिता गुमाउने भएका हुन् । बुमराहले ढाडको […]

February 11, 2025

वेष्टर्नलाई रुपन्देही सुपर लिगको उपाधि

सुमन अधिकारी,बुटवल वेष्टर्न क्रिकेट क्लबले २३ औं संस्करणको रुपन्देही सुपर लिग क्रिकेट प्रतियोगिताको उपाधि जितेको छ । भैरहवास्थित सिद्धार्थ क्रिकेट मैदानमा शनिवार फाइनलमा लुम्बिनी खुकुरी क्लबलाई ३९ रनले पराजित गर्दै वेष्टर्नले तेस्रोपटक सुपर लिगको उपाधि जितेको हो। टस जितेर ब्याटिङ गरेको वेष्टर्नले निर्धारित ४१ ओभरमा ४०.४ ओभर खेल्दै सबै विकेट गुमाएर २ सय २५ रन […]

Success

Thank you for your time.