एजेन्सी – पाकिस्तान सुपर लिगमा २० वर्षीय तीव्र गतिका बलर एहसानउल्लाहले मुल्तान सुल्तान्सबाट क्वेटा ग्याडियटर्सविरुद्ध घातक बलिङ गरेका छन् । उनको पाँच विकेटको सहयोगमा मुल्तानले क्वेटालाई ९ विकेटले पराजित गरेको छ ।

मुल्तान क्रिकेट स्टेडियममा टस हारेर पहिला ब्याटिङ थालेको क्वेटा १८.५ ओभरमा १ सय १० रनमा अल आउट भयो ।क्वेटाको लागि ओपनर जेसन रोयले १८ बलमा ३ चौका र १ छक्कासहित सर्वाधिक २७ रन भए ।

२० वर्षीय एहसानउल्लाहले आफ्नो करिअरकै उत्कृष्ट प्रदर्शन गर्नेक्रममा ४ ओभरमा १२ रन खर्चेर १ मेडन राख्दै पाँच विकेट लिए । उनले आठौं ओभरको दोस्रो बलमा जेसन रोयलाई डेविड मिलरबाट क्याच आउट गराएका थिए ।

लगत्तै अर्को बलमा इफ्तिखर अहमदलाई शून्यमा एलबीडब्लू आउट गरे । इफ्तिखारले एक साता अघिमात्रै एक खेलमा तीव्र गतिका बलर रियाजलाई एकै ओभरमा ६ छक्का हानेका थिए । पाकिस्तानको टोलीबाट इफ्तिखारले राम्रो प्रदर्शन गर्दै आएका छन् ।

१३ औं ओभरको पहिलो बलमा उमर अहमद मोहम्मद रिजावनबाट क्याच आउट भए । नसिम शाह र कप्तान शरफराज अहमदलाई बोल्ड गर्दै पाँच विकेट लिएका थिए ।

जितको लागि १ सय ११ रनको विजयी लक्ष्य पछ्याएको मुल्तानले १३.३ ओभरमा १ विकेट गुमाउँदै पूरा गर्यो । मुल्तानको जितमा राइली रोसोउ ४२ बलमा ९ चौका र ३ छक्कासहित ७८ रनमा अविजित रहे । मोहम्मद रिजवान ३४ बलमा २ चौकासहित २८ रनमा अविजित रहे ।