1 year ago
February 23, 2023
एजेन्सी – दक्षिण अफ्रिकाका स्टार ब्याटर एडेन माक्ररमले इन्डियन प्रिमियर लिग (आइपिएल) २०२३ मा सनराइजर्स हैदराबादको कप्तानी गर्ने भएका छन् । हैदराबादले सामाजिक सञ्जाल मार्फत माक्ररमले कप्तानी गर्ने जानकारी दिएको छ ।
माक्ररमले दक्षिण अफ्रिका एसए टि२० क्रिकेट प्रतियोगितामा सनराइजर्स इस्टर्न केपको टोलीको कप्तानी गर्दै उपाधि जिताएका थिए । उक्त फ्रेन्चाइज टोली हैदराबादकै थियो । एसए टि२० प्रतियोगितामा माक्ररमले सेमिफाइनलमा जोबर्ग सुपरकिंग्सविरुद्ध ५८ बलमा ६ चौका र ६ छक्कासहित १ सय रनको शतकीय इनिङ खेलेका थिए ।
माक्ररम दक्षिण अफ्रिका वर्तमान समयका भरपर्दा युवा ब्याटर हुन् । टेम्बा बभुमाले दक्षिण अफ्रिका टि२० कप्तानी छाडेसँगै माक्ररम त्यसका दावेदार समेत हुन् । एडेन माक्ररम वा डेविड मिलर मध्य एकले टि२० कप्तानी पाउने सम्भावना छ ।
यता हैदराबादले पूर्व कप्तान केन विलियम्सनलाई टोलीबाट फुकुवा गरेको थियो । अक्सनमा कप्तानको लागि बेन स्टोक्सलाई किन्न सक्ने अनुमान गरिएको थियो । तर स्टोक्सलाई चेन्नइ सुपर किंग्सले किनेको थियो । माक्ररम, भुवनेश्वर कुमार र मयंक अग्रवाल कप्तानको दावेदार थिए ।
हैदराबादले २०१६ मा बेंगलोरलाई ८ रनले हराउँदै उपाधि जितेको थियो । डेविड वार्नरको कप्तानीमा रहेको हैदराबादले त्यसपछि २०१८ मा फाइनल खेलेको थियो । २०१८ को फाइनलमा भने हैदराबाद चेन्नई सुपर किंग्ससँग ८ विकेटले पराजित भएको थियो ।
२०१८ मा हैदराबादको कप्तानी केन विलियम्सनले गरेका थिए । त्यसपछि हैदराबाद फाइनलमा पुगेको छैन । यस पटकको आइपिएलमा ३१ मार्चदेखि सुरु हुनेछ । कुल १० टोली सहभागी प्रतियोगितामा हरेक टोलीले ७ घरेलु र ७ अवे मैदानमा खेल्नेछन् । लिगका कुल ७० खेल भारतका १२ स्थानमा ५२ दिनसम्म चल्नेछ । हैदराबादले अप्रिल २ मा राजस्थान रोयल्ससँग घरेलु मैदानमा खेल्दै सुरुवात गर्नेछ ।
मध्य र शीर्षक्रमका भरपर्दा ब्याटर माक्ररमले ३१ टि२० आई खेलमा ९ अर्धशतकसहित कुल ८ सय ७९ रन बनाएका छन् । हैदराबादमा माक्ररमसँगै राहुल त्रिपाठी, ह्यारी ब्रुक र ग्लेन फिलिप्स जस्ता ब्याटर टोलीमा छन् ।
हैदराबादको टोली :
ह्यारी ब्रुक, वासिन्टन सुन्दर, राहुल त्रिपाठी, मयंक अग्रवाल, अभिषेश शर्मा, हेनरिक क्लासेन, भुवनेश्वर कुमार, मार्को यानसन, कार्तिक त्यागी, अब्दुल शर्मा, उमरान मलिक, टि नटराजन, विवरांत शर्मा, एडेन माक्ररम, आदिल राशिद, मयंक डागर, ग्लेन फिलिप्स, अकिल हुसैन, मयंक मारकान्डे, फजलहक फारुकी, उपेन्द्र यादव, सनविर सिंह, नितेश कुमार रेड्डी, अनोमलप्रीत सिंह र सामर्थ ब्यास ।
May 13, 2024
एजेन्सी – इन्डियन प्रिमियर लिग (आईपीएल) अन्तर्गत गुजरात टाइटन्स र कोलकाता नाइट राइडर्सबीचको खेल एक बल पनि नभईकन रद्द भएको छ । लगातारको वर्षाका कारण टसका साथै खेल सुरु हुन नसकेपछि खेल रद्द भएको हो । गुजरात र कोलकत्ताले खेल रद्द भएका कारण १-१ अंक बाँडेका छन् । यस नतिजा पछि भने गुजरात प्रतियोगिताबाट बाहिरिएको […]
May 13, 2024
काठमाडौँ (हाम्रो खेलकुद) – सुदुरपश्चिम प्रदेशले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । कोशीलाई लगातार दोस्रो हार चखाउने क्रममा सुदुरले १९ रनको जित दर्ता गर्यो । टस जितेर पहिला ब्याटिङ गरेको सुदुरपश्चिम प्रदेशले सम्झना खड्काको अर्धशतकीय इनिङको मद्दतमा निर्धारित २० ओभरमा ८ विकेटको क्षतिमा ११२ रन […]
May 13, 2024
काठमाडौँ (हाम्रो खेलकुद) – नेपाल एपिएफ क्लबले तेस्रो संस्करणको ललितपुर मेयर्स कप २०८१ महिला क्रिकेट प्रतियोगितामा लगातार दोस्रो जित दर्ता गरेको छ । लगातार दोस्रो जित दर्ता गर्ने क्रममा बागमती प्रदेशलाई ८ विकेटले पराजित गरेको हो । बागमतीले दिएको ७४ रनको सामान्य लक्ष्य एपिएफले ११ ओभरमा २ विकेट गुमाएर पुरा गर्यो । एपिएफका लागि ओपनर […]
