3 years ago
April 2, 2023
एजेन्सी – राजस्थान रोयल्सले इन्डियन प्रिमियर लिग (आइपिएल) २०२३ मा सनराइजर्स हैदराबादलाई ७२ रनले हराउँदै सानदार विजयी सुरुवात गरेको छ । जितको लागि २ सय ४ रनको विशाल विजयी लक्ष्य पछ्याएको हैदराबादले निर्धारित २० ओभरमा ८ विकेट गुमाउँदै १ सय ३१ रन बनायो ।
हैदराबादका अब्दुल सामद ३२ बलमा २ चौका र १ छक्कासहित सर्वाधिक ३२ रनमा अविजित रहे । ओपनर मयंक अग्रवालले २३ बलमा ३ चौकासहित २७ रनमा आउट भए । तीव्र गतिका बलर ट्रेन्ट बोल्टले पहिलो ओभरमै दुई विकेट लिँदै हैदराबादलाई दबाबमा राखेका थिए ।
तेस्रो बलमा ओपनर अभिषेक शर्मा शून्यमा बोल्ड गरे । त्यसको एक बलपछि प्रमुख ब्याटर राहुल त्रिपाठी शून्यमै जेसन होल्डरबाट क्याच आउट भएपछि खराब सुरुवात गरेको थियो । हैदराबादका कुनैपनि ब्याटर धेरै समय क्रिजमा टिकेर रन बनाउन सकेनन् ।
डेब्यू खेल खेलेका ह्यारी ब्रुक २१ बलमा १ चौकासहित १३ रनमा युजभेन्द्र चहलको नाममा बोल्ड आउट भए । वासिन्टन सुन्दर १, ग्लेन फिलिप्स ८ र आदिल राशिद १८ रनमा आउट भए । उमरान मलिक ८ बलमा १ चौका र २ छक्कासहित १९ रनमा अविजित रहे ।
राजस्थान रोयल्सका युजभेन्द्र चहलले ४ ओभरमा १७ रन खर्चेर सर्वाधिक ४ विकेट लिए । ट्रेन्ट बोल्टले ४ ओभरमा १ मेडनसहित २१ रन खर्चेर २ विकेट लिए । जेसन होल्डर र रविचन्द्रन आश्विनले एक एक विकेट लिए ।
त्यसअघि राजिव गान्धी इन्टरनेशल क्रिकेट रंगशालामा टस हारेर पहिला ब्याटिङको निम्तो पाएको राजस्थानले निर्धारित २० ओभरमा ५ विकेट गुमाउँदै २ सय ३ रन बनाएको थियो । राजस्थानका कप्तान सञ्जु स्यामसन ३२ बलमा ३ चौका र ४ छक्कासहित सर्वाधिक ५५ रनमा आउट भए ।
राजस्थानलाई ओपनर यशस्वी जैसवाल र जस बटलरले ५.५ ओभरमा ८५ रनको सानदार सुरुवात दिलाएका थिए । बटलर २२ बलमा ७ चौका र ३ छक्कासहित ५४ रनको उत्कृष्ट आक्रामक सुरुवात दिलाउँदै आउट भए ।
तीव्र गतिका बलर फजलहक फारुकीले बटलरलाई बोल्ड गरे । अर्का ओपनर जैसवालले ३७ बलमा ९ चौकासहित ५४ रनमा क्याच आउट भए । देवदत्त पाडिक्कल २ र रियान पराग ७ रनमा आउट भए । शिम्रन हेटमायर १६ बलमा १ चौका र १ छक्का सहित २२ रनमा अविजित रहे ।
हैदराबादका टि नटराजनले ३ ओभरमा २३ रन खर्चेर २ विकेट लिए । फजलहक फारुकीले ४ ओभरमा ४१ रन खर्चेर २ विकेट लिए । राजस्थानले दोस्रो खेल बुधबार पन्जाब किंग्ससँग खेल्नेछ । हैदराबादले शुक्रबार लखनऊ सुपर जायन्ट्ससँग खेल्नेछ । आजको अर्को खेलमा रोयल च्यालेन्जर्स बेंगलोरले मुम्बई इन्डियन्सविरुद्ध टस जितेर पहिला फिल्डिङ गर्ने निर्णय लिएको छ ।
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]
