एजेन्सी – युवा ब्याटर ह्यारी ब्रुकको सानदार शतकको सहयोगमा सनराइजर्स हैदराबादले इन्डियन प्रिमियर लिग(आइपिएल) २०२३ को १९ औं खेलमा कोलकाता नाइट राइडर्सलाई २ सय २९ रनको विशाल लक्ष्य दिएको छ।

कोलकाताको घरेलु मैदान इर्डेन गार्डेनमा टस हारेर पहिला ब्याटिङको निम्तो पाएको हैदराबादले निर्धारित २० ओभरमा ४ विकेट गुमाउँदै २ सय २८ रन बनायो । हैदराबादका ओपनर ह्यारी ब्रुक ५५ बलमा १२ चौका र ३ छक्कासहित १ सय रनको सानदार अविजित शतकीय इनिङ खेले । अक्सनमा यसै सिजन १३ करोड २५ लाख भारु (२१ करोड नेपाली रुपैयाँ) पाएका उनको यो पहिलो आइपिएल शतक हो ।

ओपनर मयंक अग्रवाल र राहुल त्रिपाठी समान ९ रनमा आन्दे रसेलको बलमा आउट भएका थिए । तेस्रो विकेटका लागि ब्रुक र कप्तान एडेन माक्ररमले ४७ बलमा ७२ रनको साझेदारी गरेका थिए । माक्ररम २६ बलमा २ चौका र ५ छक्कासहित ५० रनको उत्कृष्ट इनिङका साथ आउट भए ।

उनी स्पिनर बरुणचक्रवर्तीको बलमा डिप मिडविकेटमा आन्द्रे रसेलबाट क्याच आउट भएका थिए । त्यसपछि रसेल र अभिषेक शर्माले ३३ बलमा ७२ रनको साझेदारी गर्दै विशाल योगफलको आधार तय गरेका थिए । अभिषेक १७ बलमा ३ चौका र २ छक्कासहित ३२ रनमा आउट भए ।

उनी आन्द्रे रसेलको बलमा लङअनमा शार्दुल ठाकुरबाट क्याच आउट भए । हेनरिक क्लासेन ६ बलमा २ चौका र १ छक्कासहित १६ रनमा अविजित रहे । कोलकाताका आन्द्रे रसेलले २.१ ओभरमा २२ रन खर्चेर ३ विकेट लिए । वरुणचक्रवर्तीले ४ ओभरमा ४१ रन खर्चेर १ विकेट लिए ।