काठमाडौं – युएईका युवा ब्याटर वृत्य अरविन्दले एसिसी प्रिमियर कपमा सिंगापुरविरुद्ध शतक प्रहार गरेका छन् । टियु मैदानमा वृत्यले ९६ बलमा शतक पूरा गरेका थिए । वृत्य ९८ बलमा १३ चौका र १ छक्कासहित १ सय १ रनमा क्रिजमा छन् ।

उनले यसअघिको खेलमा टियु मैदानमा कुवेतविरुद्ध १ सय ४७ बलमा १७ चौका र ९ छक्कासहित १ सय ८५ रनमा आउट भएका थिए ।

टियु क्रिकेट मैदानमा टस जितेर पहिला ब्याटिङ रोजेको युएईले ३४ ओभरमा ५ विकेट गुमाउँदै ३ सय ४ रन बनाएको छ । युएईका कप्तान मोहम्मद वासिम ८२ बलमा १ सय ६० रन बनाउँदै आउट भएका छन् ।

वासिम ८२ बलमा ९ चौका र १६ छक्कासहित १ सय ६० रनमा आउट भएका थिए । उनी आदित्य भर्गवको २८ औं ओभरमा पाँचौं बलमा थर्डम्यानमा मनप्रीत सिंहबाट क्याच आउट भएपछि दोहोरो शतकको अवसर गुमाएका थिए ।

वासिमले ३४ बलमा अर्धशतक पूरा गरेका थिए । ६२ बलमा शतक पूरा गरेका थिए । ७८ बलमा १ सय ५० रन पूरा गरेका थिए ।

दोस्रो विकेटका लागि वृत्य अरविन्द र मोहम्मद वासिमले दोस्रो विकेटका लागि २ सय ४६ रनको साझेदारी गरेका थिए । टियु क्रिकेटम मैदानमा टस जितेर पहिला ब्याटिङ रोजेको युएईले २९ ओभरमा ३ विकेट गुमाउँदै २ सय ७९ रन बनाएको छ ।

वृत्य अरविन्द ८४ बलमा १३ चौका र १ छक्कासहित ९२ रनमा क्रिजमा छन् । युवा ओपनर आर्यन लाक्रा ७ बलमा २ चौकासहित १२ रनमा आउट भए । रमिज शाहजाद शून्यमा आउट भए । आसिफ खान ११ र रोहन मुस्तफा ३ रनमा आउट भए । सिंगापुरका विनोथ भास्करन र आदित्य भर्गवले समान दुई विकेट लिएका छन् ।

युएईले पहिलो खेलमा कुवेतलाई १ सय ४३ रनले हराएको थियो । दोस्रो खेलमा हङकङसँग डकवर्थ लेविस पद्धतिको आधारमा ६७ रनले पराजित भएको थियो । शीर्ष दुईमा रहँदै सेमिफाइनल रहन बाँकी दुबै खेल जित्नुपर्ने हुन्छ ।