काठमाडौं (हाम्रो खेलकुद) – स्पिनर रोहन मुस्तफाले लगातार दुई विकेट लिएपछि युएईले एसिसी प्रिमियर कपमा सेमिफाइनलमा पुग्न निर्णायक खेलमा बहराइनविरुद्ध सानदार सुरुवात गरेको छ । मुलपानी क्रिकेट मैदानमा टस जितेर पहिला ब्याटिङको निम्तो पाएको बहराइन ८ ओभरमा ४ विकेट गुमाउँदै २७ रन बनाएको छ ।

युएईका दुई स्पिनर आयन खान र रोहन मुस्तफाले दुई विकेट लिएका छन् । ओपनर मोहम्मद युनिस र शहवाज बादरले ४ ओभरमा २२ रनको साझेदारी गरेका थिए ।

स्पिनर आयन खानको चौथो ओभरको अन्तिम बलमा शहबाज पाँच रनमा एलबीडब्लू आउट भए । रोहन मुस्तफाले पाँचौं ओभरको पाँचौं बलमा जुनैद अजिज शून्यमा एलबीडब्लू आउट भए । लगत्तै अर्को बलमा सोहिल अहमद कट एण्ड बोल्ड आउट भएका थिए ।

अर्को ओभरको पाँचौं बलमा आयन खानले मोहम्मद युनिसलाई १६ रनमा कट एण्ड बोल्ड आउट गरेपछि बहराइन २३-४ को दयनीय अवस्थामा पुगेको थियो । बहराइनका फैज अहमद र कप्तान हैदर बट क्रिजमा छन् ।

समूह बी मा युएई ३ खेलमा २ मा जित र १ मा हारसहित ४ अंकका साथ दोस्रो स्थानमा छ । बहराइन ३ ओभरमा १ मा जित र १ मा हारसहित ३ अंकका साथ चौथो स्थानमा छ । युएई यस खेलमा विजयी हुँदा सेमिफाइनलमा पुग्नेछ । पराजित हुँदा युएई बाहिरिनेछ । बहराइन विजयी हुँदा भने सेमिफाइनलमा पुग्न कुवेत र हङकङबीचको नतिजा पर्खनु पर्ने हुन्छ ।