default_image

1 year ago

April 27, 2023

शतकधारी कुशल आउट भएसँगै संकटमा नेपाल

109 views

0 Bookmark

काठमाडौं (हाम्रो खेलकुद) – ओमानविरुद्ध शतक हानेका युवा अलराउन्डर कुशल मल्ल आउट भएसँगै एसिसी प्रिमियर कपमा घरेलु टोली नेपाल संकटमा परेको छ । टियु क्रिकेट मैदानमा टस हारेर पहिला ब्याटिङको निम्तो पाएको नेपालले १९ ओभरमा ५ विकेट गुमाउँदै ७६ रन बनाएको छ ।

सोमपाल कामी २० बलमा ८ र आरिफ शेख ७ बलमा ३ रनमा क्रिजमा अविजित छन् । यसअघि ओमानविरुद्ध ५९ बलमै शतक हानेका युवा अलराउन्डर कुशल मल्ल आउट भएपछि नेपाल भने संकटमा पुगेको छ । कुशल स्पिनर क्वाइस अहमदको १८ औं ओभरको पहिलो बलमा ३ रनमा कट एण्ड बोल्ड आउट भएका थिए ।

कुशलले ओमानविरुद्ध ६४ बलमा ९ चौका र १९ छक्कासहित १ सय ८ रनको शतकीय इनिङ खेलेका थिए । साउदीविरुद्ध ४० बलमा ५ चौका र ५ छक्कासहित ७० रनमा आउट भएका थिए । कुशल नेपालको दुबै खेलमा प्लेयर अफ द म्याच चुनिएका थिए । कतारविरुद्ध नेपालले रन जोड्न संघर्ष गरेको छ ।

नेपालले ओपनर कुशल भुर्तेललाई दुई रनमै गुमाएको थियो । तीव्र गतिका बलर गयान मुनाविराको दोस्रो ओभरको दोस्रो बलमा कुशल शट लेगमा खुराम शाहजादबाट क्याच आउट भएका थिए । कुशलले ८ बल खेलेका थिए । मुनाविराको चौथो ओभरको तेस्रो बलमा स्वीप खेल्ने धुनमा एज लागेर भीम सार्की ६ रनमा विकेटकिपर इमाल लियानागेबाट क्याच आउट भए ।

ओपनर आसिफ शेख १३ औं ओभरको चौथो बलमा १९ रनमा आउट भए । तीव्र गतिका बलर इक्रमउल्लाह खानको बलमा स्क्वायर लेगमा पुल सट खेल्ने धुनमा मोहम्मद तनविरबाट क्याच आउट भएका थिए । आसिफले २७ बलमा २ चौका प्रहार गरे ।

नेपालले आसिफ आउट भएपछि सोमपाललाई ब्याटिङमा पठाएको थियो । कप्तान रोहित पौडेल ३६ बलमा २ चौकासहित २७ रनमा कट बिहाइन्ड हुँदै पेभेलिएन फर्किए । स्पिनर क्वाइस अहमदको १६ औं ओभरको तेस्रो बलमा रोहित कट खेल्ने धुनमा विकेटकिपरबाट क्याच आउट भएका थिए ।

नेपालले आजको खेलमा करण केसीको स्थानमा गुलशन झालाई मौका दिएको छ । नेपाल समूह विजेता बन्दै सेमिफाइनल खेल्न यस खेल जित्नै पर्ने हुन्छ ।

June 12, 2024

महिला एशिया कपको दोस्रो चरणको प्रशिक्षणमा २० खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि दोस्रो चरणको बन्द प्रशिक्षणमा २०-सदस्सीय टोली घोषणा गरेको छ । क्यानले इन्दु वर्माको कप्तानीमा २० जनालाई समेट्दै दोस्रो चरणका लागि बुधबार नेपाली टोली घोषणा गरेको हो । बन्द प्रशिक्षणका लागि सुरुवाती चरणमा परेका ८ खेलाडी टोलीबाट बाहिरिएका छन् । सुरुवातमा टोलीमा अटाएका […]

June 12, 2024

‘श्रीलंकाविरुद्ध खेलेर अंक जोड्न चाहन्थ्यौं’ – प्रशिक्षक देशाइ

फ्लोरिडा (हाम्रो खेलकुद) – नेपाली राष्ट्रिय क्रिकेट टोलीका मुख्य प्रशिक्षक मोन्टि देशाइले आइसीसी टि२० विश्वकप अन्तर्गत समूह चरणको दोस्रो खेलमा श्रीलंकाविरुद्ध खेलेर नै अंक जोड्न चाहेको बताएका छन् । फ्लोरिडास्थित ब्रोआर्ड काउन्टी रंगशालामा वर्षाका कारण खेल रद्द हुँदा नेपाल र श्रीलंकाले १-१ अंक बाँडे । खेलपछि पत्रकार सम्मेलनमा बोल्दै प्रशिक्षक देशाइले खेलेर नै अंक जोड्ने […]

June 12, 2024

अष्ट्रेलिया सुपर ८ मा प्रवेश

एजेन्सी – उपाधि दावेदार अष्ट्रेलिया आइसीसी टि२० विश्वकपमा लगातार तेस्रो जित दर्ता गर्दै सुपर ८ मा प्रवेश गरेको छ । मंगलबार भएको खेलमा नामिबियामाथि ९ विकेटको एकपक्षीय जित निकाल्दै अष्ट्रेलिया अघिल्लो चरणमा प्रवेश गरेको हो । नामिबियाले प्रस्तुत गरेको ७३ रनको सामान्य लक्ष्य अष्ट्रेलियाले छैटौं ओभरमा पूरा गर्यो । अष्ट्रेलियाका लागि ओपनर डेविड वार्नरले ८ […]

Success

Thank you for your time.