default_image

1 year ago

April 27, 2023

‘मेरो भन्दा अघि जहिले पनि नेपालको नाम आउँछ’-सन्दीप

255 views

0 Bookmark

काठमाठौं (हाम्रो खेलकुद) – स्पिनर सन्दीप लामिछानेले ओडिआई इतिहासमा सर्वाधिक छिटो १ सय विकेट लिने कीर्तिमान पूरा गरेपछि आफ्नो भन्दा पहिला नेपालको नाम सधैं आउने बताएका छन् । एसिसी प्रिमियर कपमा समूह चरणको अन्तिम खेलमा कतारलाई ६८ रनले हराउँदै समूह विजेता बनाउन सानदार अलराउन्ड प्रदर्शन गरेका सन्दीपले खेलपछि उक्त प्रतिक्रिया दिएका हुन् ।

ओमानविरुद्ध सन्दीपले ओडिआई क्रिकेटमा ४२ खेलमा १ सय विकेट पूरा गर्ने कीर्तमान बनाए । उनले ओडिआईमा सर्वाधिक छिटो एक सय विकेट पूरा गर्ने कीर्तिमान अफगानिस्तानका राशिद खानको तोडेका थिए । सन्दीप अघि राशिद खानले ४४ खेलमा १ सय विकेट पूरा गरेका थिए ।

‘एकैदमै राम्रो र खुसी लाग्छ । मेरो लागि मात्रै होईन कि मेरो नाम भन्दा अघि जहिले नि नेपालको नाम आउँछ । नेपाली बलर भनेर जहिले पनि चिनिन्छ । रेकर्डमा पनि नेपालनै लेखेको हुन्छ । हामी त मोरेर पनि जाउला । तर नेपालको नाम चाहिँ सधैं रहनेछ’, सन्दीपले सर्वाधिक छिटो ओडिआईमा एक सय विकेट लिने कीर्तिमान बारे भने ।

त्यसैमा सन्दीपले थपे, ‘यो एकदमै राम्रो उपलब्धी हो कसैको लागि पनि । पक्कैपनि म त्यो कीर्तिमान पनि नेपाली बलरनै तोडेको हेर्न चाहनेछु ।’

समूह चरणको अन्तिम खेलमा कतारलाई ६८ रनले हराउँदै समूह विजेताको रुपमा सेमिफाइनलमा पुर्याउन सानदार अलराउन्ड प्रदर्शन गरेका सन्दीप खेलको प्लेयर अफ द म्याच चुनिएका थए । जितको लागि १ सय ५८ रनको मध्यम विजयी लक्ष्य पछ्याएको कतार २५.१ ओभरमा ८९ रनमा अल आउट भयो । कतारलाई सस्तैमा अल आउट गर्न सन्दीपले सर्वाधिक पाँच विकेट लिए । सन्दीप लामिछानेले ९.१ ओभरमा ३ मेडनसहित १४ रन खर्चेर सर्वाधिक ५ विकेट लिएका थिए ।

टियु क्रिकेट मैदानमा टस हारेर पहिला ब्याटिङको निम्तो पाएको नेपाल ४०.३ ओभरमा १ सय ५७ रनमा अल आउट भएको थियो । नेपालका सन्दीपले ५८ बलमा ६ चौकासहित सर्वाधिक ४२ रनमा नट आउट रहेका थिए । एक समय २८ ओभरमा १११-९ को अवस्थामा पुगेको नेपाललाई ललित र सन्दीपले अन्तिम विकेटका लागि ४६ रनको साझेदारी गर्दै सम्मानजनक योगफलमा पुर्याएका थिए ।

सन्दीप १० औं नम्बरमा ब्याटिङमा गएका थिए । जुन समय नेपाल १०५-८ को दयनीय अवस्थामा थियो । सन्दीप आफूलाई दबाब नभएको बताए ।

‘दबाब चाहिँ थिएन । आफ्नो ब्यसिकहरुलाई सम्झेर खेलेका थियौं । एकदमै धेरै ओभर बाँकी थियो । म र ललित हाम्रो लागि एक एक रन महत्वपूर्ण छ भनेर खेलेका थियौं । यहाँबाट २०–२५ रन जोड्न सक्यौं भने केहि प्रतिस्पर्धा गर्न सक्छौं भन्ने थियो’, सन्दीपले भने ।

नेपालले शनिबार सेमिफाइनल खेलमा कुवेतसँग खेल्नेछ । फाइनल सोमबार हुनेछ । उपाधि जित्न सके नेपालले एसिया कपमा भारत र पाकिस्तानसँग खेल्न पाउनेछ ।

सन्दीपको पूरा भिडियो यहाँ हेर्नुहोस् : https://www.youtube.com/watch?v=JpVv7mvutVY

May 19, 2024

नेपाली टोली तेस्रो अभ्यास खेलमा पराजित

एजेन्सी – टि ट्वान्टी विश्वकपको तयारीका लागि वेस्ट इन्डिजमा रहेको नेपाली क्रिकेट टोली तेस्रो खेलमा शनिबार पराजित भएको छ। सुरुवाती २ खेलमा विजयी हुँदै श्रृंखला जितिसकेको नेपालले विनवार्ड्स भोलक्यानोजसँगको‌ तेस्रो खेलमा ७४ रनको हार बेहोरेको हो । २ सय ६ रनको लक्ष्य पछ्याएको नेपालले १७.२ ओभरमा अलआउट हुँदै जम्मा १ रनमा ३८ रन सिमित भयो […]

May 19, 2024

चेन्नाईलाई हराउँदै आरसीबी प्लेअफमा

एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]

May 18, 2024

तेस्रो अभ्यास खेलमा नेपाल टस हारेर फिल्डिङ गर्दै

काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]

Success

Thank you for your time.