1 year ago
April 28, 2023
एजेन्सी – लखनऊ सुपर जायन्ट्सले रनको वर्षा गराउँदै इन्डियन प्रिमियर लिग(आइपिएल) २०२३ को ३८ औं खेलमा पन्जाब किंग्सलाई ५६ रनले हराएको छ । यो जितसँगै लखनऊले अंक तालिकामा दोस्रो स्थानमा उक्लिदै प्लेअफ सम्भावना मजबुत बनाएको छ ।
जितको लाग २ सय ५८ रनको विशाल लक्ष्य पछ्याएको पन्जाब १९.५ ओभरमा २ सय १ रनमा अल आउट भयो । पन्जाबका अथर्व टैडेले ३६ बलमा ८ चौका र २ छक्कासहित सर्वाधिक ६६ रन बनाएपनि जितको लागि पर्याप्त हुन सकेन । विशाल लक्ष्य पछ्याएको पन्जाबले ओपनर प्रभसिमरन सिंह ९, शिखर धवन १, लियाम लिभिङस्टोन २३ र साम करन २१ रनमा आउट भए ।
सिकन्दर राजा २२ बलमा ४ चौका र १ छक्कासहित ३६ र जितेश शर्मा १० बलमा ३ छक्कासहित २४ रनमा आउट भए । लखनऊका नविन उल हकले ४ ओभरमा ३० रन खर्चेर ३ विकेट लिए । रवि विश्रोईले ४ ओभरमा ४१ रन खर्चेर २ विकेट लिए । यश ठाकुरले ३.५ ओभरमा ३७ रन खर्चेर सर्वाधिक ४ विकेट लिए । मार्कस स्टाइनिसले एक विकेट लिए ।
त्यसअघि मोहालीमा टस हारेर पहिला ब्याटिङको निम्तो पाएको लखनऊले निर्धारित २० ओभरमा ५ विकेट गुमाउँदै २ सय ५७ रन बनाएको थियो । यो आइपिएल इतिहासकै दोस्रो ठूलो योगफल थियो । आइपिएलमा सर्वाधिक ठूलो योगफल २०१३ मा रोयल च्यालेन्जर्स बेंगलोरले पुणे वारियर्सविरुद्ध ५ विकेट गुमाउँदै २ सय ६३ रन बनाएको थियो । अन्य कुनैपनि टोलीले आइपिएलमा २ सय ५० रनको योगफल कटाएका थिएनन् ।
लखनऊको जितमा मार्कस स्टोइनिसले ४० बलमा ६ चौका र ५ छक्कासहित सर्वाधिक ७२ रनको योगदान दिए । कप्तान लोकेश राहुल ९ बलमा १ चौका र १ छक्कासहित १२ रनमै आउट भए । तर अर्का ओपनर कायल मेयर्सले २४ बलमा ७ चौका र ४ छक्कासहित ५४ रन जोड्दै सानदार सुरुवात दिलाएका थिए ।
युवा ब्याटर आयुष बदोनीले २४ बलमा ३ चौका र ३ छक्कासहित ४३ रन बनाउदै आउट भए । तेसो विकेटका लागि स्टोइनिस र बदोनीले ८९ रनको सानदार साझेदारी गरेका थिए ।
निकोलस पुरन १९ बलमा ७ चौका र १ छक्कासहित ४५ रनमा आउट भए । चौथो विकेटका लागि निकोलस पुरन र मार्कस स्टोइनिसले ३० बलमा ७६ रनको साझेदारी गरेपनि रनको वर्षा गराएको थियो । दीपक हुडा ११ र क्रुनाल पान्ड्याले ५ रन बनाए ।
पन्जाबका कागिसो रबाडाले ४ ओभरमा ५२ रन खर्चेर २ विकेट लिए । अर्शदीप सिंह, साम करन र लियाम लिभिङस्टोनले समान एक विकेट लिए । लखनऊ ८ खेलमा ५ मा जित र ३ मा हारसहित १० अंकका साथ दोस्रो स्थानमा छ । राजस्थान रोयल्स ८ खेलमा ५ मा जितसहित १० अंकका साथ शीर्षस्थानमा छ । समान १० अंक भएपनि गुजरात र चेन्नई नेटरनरेटको कारण तेस्रो र चौथो स्थानमा छन् । पन्जाब भने ८ खेलमा ४ मा जित र ४ मा हारसहित ८ अंकका साथ छैटौं स्थानमा छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]