1 year ago
April 30, 2023
काठमाडौं (हाम्रो खेलकुद) – कुवेतका कप्तान मोहम्मद अस्लामले एसिसी प्रिमियर कपको फाइनलमा नेपाल आफूलाई मनपर्ने टोली भएको बताएका छन् । तेस्रो स्थानको लागि ओमानसँगको खेल वर्षाको कारण रद्द भएपछि आइतबार अस्लामले उक्त प्रतिक्रिया दिएका हुन् ।
‘एसिया कप उपाधि कस्ले जित्छ र खेल्छ भन्न वास्तवमा यो कठिन छ । किनभने बराबरी स्तरको खेल हो । मलाई लाग्छ गत महिना हामीले यहाँ खेलि सकेका छौं । दुबै निकै राम्रा टोली छन् । म दुबै टोलीलाई शुभकामना दिन चाहन्छु । म कसले जित्छ भन्न सक्दैन । तर ब्यक्तिगत रुपमा नेपाल मनपर्ने टोली हो’, उनले भने ।
कुवेत पहिलो सेमिफाइनल खेलमा नेपालसँग खेलेको थियो । वर्षाले प्रभावित खेलमा नेपालले शनिबार ४२ ओभरमा ९ विकेट गुमाउँदै २ सय ८१ रन बनाएको थियो । उक्त लक्ष्य पछ्याएको कुवेत ८.३ ओभरमा ३७/६ को अवस्थामा वर्षा भएपछि नेपाल समूह विजेताको रुपमा फाइनल खेलेको थियो । कुवेतले समूह चरणमा युएईसँग १ सय ४३ रनको हार व्यहोरेको थियो । अघिल्लो महिना नेपालमा ओमानसँग कुवेतले अभ्यास खेल समेत खेलेको थियो ।
तेस्रो स्थानको लागि भएको खेलमा वर्षाको कारण कुवेत पुन नतिजा विहीन हुँदै बाहिरियो । १ सय ३१ रनको विजयी लक्ष्य पछ्याएको ओमानले ६ ओभरमा ४१ रन बनाउँदा वर्षाको कारण खेल रोकिएको थियो । पुन खेल हुन नसकेपछि ओमान ओडिआई वरियतामा माथि रहँदै एसिसी इमर्जिङ टिम्स एसिया कपमा पुगेको थियो ।
शनिबार सेमिफाइनल खेलमा नेपालको धेरै समर्थक भएकोमा यस्तो वातावरणमा खेल्ने अनुभव नभएको बताए । ‘हिजो नेपालसँगको खेलमा धेरै दर्शक सामु खेल्ने हामीमा अनुभव थिएन । त्यसैको कारण हाम्रो खेलाडी दबाबमा परे । हरेक कुरा अनुभवमा भरपर्छ । अर्को पटक नेपाल आउँदा राम्रो भएर आउने छौं’, उनले भने ।
मोहम्मद अस्लामको पूरा भिडियो यहाँ हेर्नुहोस् :
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]