1 year ago
May 6, 2023
एजेन्सी – युवा ओपनर फिलिप साल्टको विष्फोटक ब्याटिङसँगै दिल्ली क्यापिटल्सले इन्डियन प्रिमियर लिग (आइपिएल)२०२३ को ५० औं खेलमा रोयल च्यालेन्जर्स बेंगलोरमाथि ७ विकेटको सानदार जित हात पारेको छ ।
जितको लागि १ सय ८२ रनको बलियो विजयी लक्ष्य पछ्याएको दिल्लीले १६.४ ओभरमा ३ विकेट गुमाउँदै पूरा गर्यो । दिल्लीको जितमा फिलिप साल्टले ४५ बलमा ८ चौका र ६ छक्कासहित सर्वाधिक ८७ रनको विष्फोटक इनिङ खेले । राइली रोसोउ २२ बलमा १ चौका र ३ छक्कासहित ३५ रनमा अविजित रहे ।
ओपनर डेविड वार्नर १४ बलमा ३ चौका र १ छक्कासहित २२ रनमा आउट भए । मिचेल मार्श १७ बलमा ३ चौका र १ छक्कासहित २६ रनमा आउट भए । बेंगलोरका जोश हेजलवुड, कर्ण शर्मा र हर्षल पटेलले समान एक विकेट लिए ।
त्यसअघि अरुण जेट्ली स्टेडियम दिल्लीमा टस जितेर पहिला ब्याटिङ रोजेको बेंगलोरले निर्धारित २० ओभरमा ४ विकेट गुमाउँदै १ सय ८१ रन बनाएको थियो ।
बेंगलोरका युवा खेलाडी महिपाल लोमरोर २९ बलमा ६ चौका र ३ छक्कासहित सर्वाधिक ५४ रनमा अविजित रहेपनि जिताउन भने सकेनन् । उनको यो आइपिएल करिअरको पहिलो अर्धशतक थियो ।
बेंगलोरलाई ओपनर विराट कोहली र फाफ डु प्लेसिसले १०.३ ओभरमा ८२ रनको साझेदारी गर्दै राम्रो सुरुवात दिलाएका थिए । मिचेल मार्शको बलमा डु प्लेसिस डिप कभरमा अक्षर पटेलबाट क्याच आउट भए । उनले ३२ बलमा ५ चौका र १ छक्कासहित ४५ रनमा आउट भए ।
लगत्तै अर्को बलमा ग्लेन म्याक्सवेल विकेटकिपर फिलिप साल्टबाट कट विहाइन्ड हुँदै गोल्डेन डक पेभेलिएन फर्केका थिए । विराट कोहली ४६ बलमा ५ चौकासहित ५५ रनमा आउट भए ।
दिल्लीका मिचेल मार्शले ३ ओभरमा २१ रन खर्चेर २ विकेट लिए । मुकेश कुमारले ३ ओभरमा ३० रन खर्चेर १ विकेट लिए । खलिल अहमदले ४ ओभरमा ४५ रन खर्चेर १ विकेट लिए ।दिल्ली १० खेलमा ४ मा जित र ६ मा हारसहित ८ अंकका साथ नवौं स्थानमा छ । बेंगलोर १० खेलमा ५ मा जित र ५ मा हारसहित १० अंकका साथ पाँचौं स्थानमा छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]