एजेन्सी – इंग्ल्यान्डका टेस्ट स्टार ब्याटर जो रुटले इन्डियन प्रिमियर लिग (आइपिएल) मा राजस्थान रोयल्सबाट सनराइजर्स हैदराबादविरुद्ध डेब्यू गरेका छन् । घरेलु मैदान जयपुरमा टस जितेर पहिला ब्याटिङ रोजेको राजस्थानले जो रुटलाई आइपिएलमा डेब्यू दिएको छ ।

रुटलाई राजस्थानले आइपिएल अक्सनमा १ करोड(१ करोड ६० लाख) भारुमा किनेको थियो । मध्यक्रममा लगातार कमजोर ब्याटिङपछि राजस्थानले रुटलाई डेब्यू दिएको हो । राजस्थानले रुटलाई खेलाउँदा स्पिनर एडम जाम्पालाई बेन्चमा राखेको छ । रुटबाट राजस्थान मध्यक्रममा सानदार प्रदर्शन चाहन्छ । सम्भव त उनले तेस्रो नम्बरमा खेल्नेछन् ।

यता हैदराबादले युवा ब्याटर ह्यारी ब्रुकलाई बेन्चमा राखेको छ । ब्रुकलाई हैदराबादले अक्सनमा १३ करोड २५ लाख भारु (२१ करोड नेपाली रुपैयाँ) मा किनेको थियो । ब्रुकले कोलकाताविरुद्ध ५५ बलमा १ सय रनको सानदार शतकीय इनिङ खेलेका थिए । त्यो खेल बाहेक अन्यमा उनले राम्रो प्रदर्शन गर्न सकेका छैनन् ।

लगातार खराब प्रदर्शनपछि हैदराबादले ब्रुकको स्थानमा ग्लेन फिलिप्सलाई मौका दिएको छ । फिलिप्स आक्रामक ब्याटिङका लागि चिनिन्छन् ।

हैदराबादको प्लेइङ ११ :

अभिषेक शर्मा, राहुल त्रिपाठी, एडेन माक्ररम (कप्तान), हेनरिक क्लासेन (विकेटकिपर), ग्लेन फिलिप्स, अब्दुल सामद, मार्को यानसन, विभ्रान्त शर्मा, मयंक मारकंडे, भुवनेश्वर कुमार र टि नटराजन ।

राजस्थानको प्लेइङ ११ :

यशस्वी जैसवाल, जस बटलर, सन्जु स्यामसन(कप्तान), जो रुट, ध्रुब जुरेल, शिम्रन हेटमायर, रविचन्द्रन आश्विन, मुरुगन आश्विन, सन्दीप शर्मा, कुलदीप यादव र युजभेन्द्र चहल ।